Sivakarthikeyan : பிரபல திரைப்பட விமர்சகர் ஒருவர் சிவகார்த்திகேயன் மற்றும் ரஜினி இடையே கொளுத்தி போடும் வகையில் ஒரு பதிவை வெளியிட்டு இருக்கிறார்.
தமிழ் சினிமாவில் துணை நடிகராக அறிமுகமாகி, அதன் பிறகு சிறு சிறு கதாபாத்திரங்கள் ஏற்று நடிக்க தொடங்கி, பிறகு காமெடி ஹீரோவாகவும், சென்டிமென்ட் ஹீரோவாகவும் நடித்து இப்பொழுது முழுமையாக ஆக்சன் ஹீரோவாக மாறி இருக்கும் ஒரு நடிகர் தான். சிவகார்த்திகேயன். அண்மையில் வெளியான அவருடைய அமரன் திரைப்படம் ஓடிடி-யில் வெளியிட மனம் இல்லாத அளவிற்கு திரையரங்குகளில் மெகா ஹிட் திரைப்படமாக கிட்டத்தட்ட தன்னுடைய மூன்றாவது வாரத்தில் பயணித்து வருகிறது. உலக அளவில் 300 கோடி தாண்டிய சிவகார்த்திகேயனின் முதல் திரைப்படமாகவும் அவருடைய கேரியர் பெஸ்ட் திரைப்படமாகவும் மாறியிருக்கிறது ராஜ்குமார் பெரியசாமி இயக்கத்தில் உருவான அமரன்.
எக்கச்சக்க குஷியில் அல்லு அர்ஜுன் ரசிகர்கள்; வெளியானது புஷ்பா 2 ட்ரைலர் - ஆனாலும் ஒரு குறை!
பிரபல நடிகை சாய் பல்லவி இந்த திரைப்படத்தில் சிவகார்த்திகேயனுக்கு ஜோடியாக மிக நேர்த்தியாக நடித்திருக்கிறார். அவருடைய நடிப்பு வெகுவாக பலராலும் பாராட்டப்பட்டு வருகிறது. முதல் முறையாக நடிகர் சிவகார்த்திகேயன் பிரபல நடிகர் உலகநாயகன் கமல்ஹாசனின் ராஜ்கமல் நிறுவனம் தயாரிக்கும் ஒரு திரைப்படத்தில் நடித்திருக்கிறார். இந்த திரைப்படம் மிகப்பெரிய அளவில் வரவேற்பை பெற்று வரும் வேளையில் உலக அளவில் இப்போது 300 கோடி தாண்டி வசூல் செய்து வருகிறது. கங்குவா திரைப்படம் வெளியான பிறகு அமரன் திரைப்படம் சற்று அடிவாங்கும் என்று எதிர்பார்க்கப்பட்ட நிலையில், தொடர்ச்சியாக நெகட்டிவ் விமர்சனங்களை பெற்று வரும் கங்குவா திரைப்படம் பெரிய அளவில் வசூலில் அடிவாங்கி வரும் நிலையில், அமரன் தன்னுடைய மூன்றாவது வாரத்தில் நிலைத்து நின்று வசூல் சாதனை படைத்து வருகிறது.
இந்த சூழலில் பிரபல திரைப்பட விமர்சகரும், இயக்குனருமான ப்ளூ சட்டை இளமாறன் ஒரு பதிவினை தன்னுடைய X பக்கத்தில் வெளியிட்டு இருக்கிறார். அதில் அமரன் திரைப்படம் அண்மையில் வெளியான சூப்பர் ஸ்டார் ரஜினிகாந்தின் வேட்டையன் திரைப்படத்தை விட இரண்டு மடங்கு வசூல் அதிகமாக வசூலிக்க உள்ளதாக தகவல்கள் வெளியாகி இருக்கிறது. இதை பார்த்த சூப்பர் ஸ்டார் ரஜினிகாந்த், விஜய் நமக்கு போட்டியாக இருப்பார் என்று எண்ணினோம். ஆனால் இப்போது அவர் அரசியலுக்கு சென்று விட்டார். ஆனால் இந்த திடீர் தளபதியின் தொல்லை தான் தாங்க முடியவில்லை என்று தலைவர் சூப்பர் ஸ்டார் ரஜினிகாந்த் நினைக்கிறார். என்று சர்ச்சை மிகுந்த பதிவு ஒன்றை வெளியிட்டு இருக்கிறார் அவர்.
தொடர்ச்சியாக தன்னுடைய X பக்கத்தில் பல சர்ச்சையான கருத்துக்களை வெளியிடுவதற்கு பெயர் பெற்றவர் ப்ளூ சட்டை மாறன் என்பது அனைவரும் அறிந்ததே. அவருடைய விமர்சனத்தை ரசித்து கேட்பதற்கென்று ஒரு ரசிகர்கள் கூட்டம் இருப்பதும் குறிப்பிடத்தக்கது. சினிமா விமர்சகராக மட்டும் அல்லாமல் பிரபல திரைப்பட விமர்சகர் ப்ளூ சட்டை மாறன் கடந்த 2021 ஆம் ஆண்டு வெளியான "ஆன்ட்டி இந்தியன்" என்கின்ற திரைப்படத்தை இயக்கியிருந்தார். அந்த திரைப்படத்தை ஆதம் பாவா தயாரித்திருந்தது குறிப்பிடத்தக்கது.
தளபதியோடு போட்டியிட தயாரான ரிஷப் ஷெட்டி; காந்தாரா சாப்டர் 1 - மாஸ் அப்டேட் இதோ!
சேனலை கிளிக் செய்து பின்தொடரவும்