இந்தியாவில் அவதார் 2 படத்துக்கான டிக்கெட் முன்பதிவு தொடங்கி உள்ள நிலையில், அப்படத்தின் டிக்கெட் விலை அறிந்து நெட்டிசன்கள் ஷாக் ஆகிப்போய் உள்ளனர்.
உலகளவில் அதிக வசூல் செய்த படம் என்கிற சாதனையை படைத்த திரைப்படம் அவதார். இப்படம் ரிலீசாகி 13 ஆண்டுகள் ஆகும் நிலையில், இன்னும் இந்த சாதனை முறியடிக்கப்படவில்லை. 3 ஆஸ்கர் விருதுகளை வென்ற இப்படம் உலகளவில் 2.85 பில்லியன் அமெரிக்க டாலர்களை வசூலித்து இருந்தது. டைட்டானிக் படத்தின் இயக்குனர் ஜேம்ஸ் கேமரூன் தான் இப்படத்தை இயக்கி இருந்தார்.
அவதார் படத்தின் சாதனையை முறியடிக்க சுமார் 13 ஆண்டுகள் கடின உழைப்புக்கு பின் தயாராகி உள்ள படம் தான் அவதார் 2. அவதார் தி வே ஆஃப் வாட்டர் என பெயரிடப்பட்டுள்ள இப்படம் வருகிற டிசம்பர் 16-ந் தேதி உலகமெங்கும் ரிலீசாக உள்ளது. முதல்பாகம் பிரம்மாண்ட வெற்றி பெற்றதால் இப்படத்தின் மீதான எதிர்பார்ப்பும் நாளுக்கு நாள் அதிகரித்த வண்ணம் உள்ளது.
இதையும் படியுங்கள்... எந்த தியேட்டரும் ஒதுக்கல! துணிவு & வாரிசு படத்தின் உண்மை நிலவரத்தை புட்டுபுட்டு வைத்த திருப்பூர் சுப்பிரமணியம்
ஆங்கிலத்தில் தயாராகி உள்ள அவதார் 2 திரைப்படம், இந்தியாவில் உள்ள தமிழ், தெலுங்கு, இந்தி, கன்னடம், மலையாளம் ஆகிய மொழிகளிலும் டப்பிங் செய்து வெளியிடப்பட உள்ளது. அவதார் 2 படத்தின் ரிலீசுக்கு இன்னும் ஒரு மாதமே எஞ்சியுள்ள நிலையில், அப்படத்தின் முன்பதிவு இன்று தொடங்கி இருக்கிறது.
இந்தியாவிலும் இப்படத்திற்கான முன்பதிவு தொடங்கி நடைபெற்று வருகிறது. அதன்படி ஐமேக்ஸில் இப்படத்தின் டிக்கெட் விலை ரூ.1000 முதல் ரூ.1500 வரை நிர்ணயம் செய்யப்பட்டு உள்ளதை பார்த்து ரசிகர்கள் ஷாக் ஆகிப் போய் உள்ளனர். இதைப் பார்த்த ரசிகர்கள் இதென்னப்பா பகல் கொள்ளையா இருக்கே என புலம்பி வருகின்றனர்.
இதையும் படியுங்கள்... விஜய் தேவரகொண்டா - ராஷ்மிகா ஜோடிக்கு திருமணம் முடிந்துவிட்டதா? - இணையத்தில் காட்டுத்தீ போல் பரவும் போட்டோ