தமிழ் திரையுலகில் திரும்பிய பக்கமெல்லாம் அனிருத் ராஜ்ஜியம் தான். தற்போது இவர் கைவசம் அஜித்தின் 62-வது படம், ரஜினியின் ஜெயிலர், கமல் - ஷங்கர் கூட்டணியில் தயாராகும் இந்தியன் 2, விஜய்யின் தளபதி 67 என லிஸ்ட் நீண்டு கொண்டே செல்கிறது. சொல்லப்போனால் தமிழ் சினிமாவில் உள்ள முன்னணி நடிகர்கள் நடிக்கும் படங்கள் அனைத்தையும் தற்போது அனிருத் வசம் தான் உள்ளன.
இதேபோல் தெலுங்கிலும் ஒரு படத்துக்கு இசையமைக்க ஒப்பந்தம் ஆகி உள்ளார் அனிருத். அது தான் ஜூனியர் என்.டி.ஆரின் 30-வது படம். கொரட்டல சிவா இயக்கும் இப்படத்திற்கு அனிருத் தான் இசையமைக்க உள்ளதாக கடந்த சில மாதங்களுக்கு முன்பே அறிவிப்பு வெளியானது. இந்நிலையில், தற்போது அப்படத்தின் இசைப்பணிகளை தொடங்கிவிட்டதாக தனது டுவிட்டர் பக்கத்தில் பதிவிட்டுள்ளார் அனிருத்.