நேற்றைய பாக்ஸ் ஆபிஸ் நிலவரப்படி உதயநிதியின் கலகத் தலைவன் படத்தை விட அவர் வெளியிட்ட லவ் டுடே திரைப்படம் அதிகம் வசூலித்து உள்ளது.
உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கடந்த ஒன்றரை ஆண்டுகளாக தமிழ் சினிமாவில் வெளியான பெரும்பாலான பெரிய படங்களை ரிலீஸ் செய்துள்ளது. அதில் தோல்வி அடைந்த படங்களைவிட வெற்றி அடைந்த படங்கள் தான் ஏராளம். இவ்வாறு தொடர்ந்து சக்சஸ்புல் படங்களை வெளியிட்டு வரும் அந்நிறுவனம் அவ்வப்போது சில திரைப்படங்களை தயாரித்தும் வருகிறது.
அந்த வகையில் உதயநிதியின் தயாரிப்பில், அவரே நாயகனாக நடித்து கடந்த நவம்பர் 18-ந் தேதி ரிலீசான படம் தான் கலகத் தலைவன். மகிழ் திருமேனி இயக்கிய இப்படம் பாசிடிவ் விமர்சனங்களை பெற்று நல்ல வரவேற்பை பெற்று வருகிறது. இருப்பினும் இப்படம் பாக்ஸ் ஆபிஸில் பெரிய அளவு வசூலை குவிக்கவில்லை. இதற்கு காரணம் இவர் ரிலீஸ் செய்த மற்றொரு படம் தான்.
இதையும் படியுங்கள்... விஜய் படம் ரிலீசாவதை யாராலும் தடுக்க முடியாது... அடிச்சு சொல்லும் பிரபல தெலுங்கு தயாரிப்பாளர்
ஆம், ரெட் ஜெயண்ட் மூவீஸ் கடந்த நவம்பர் 4-ந் தேதி வெளியிட்ட லவ் டுடே திரைப்படம் தான் தற்போது உதயநிதி படத்துக்கே பாக்ஸ் ஆபிஸில் டஃப் கொடுத்து வருகிறது. இப்படம் ரிலீசாகி மூன்று வாரங்கள் ஆகும் நிலையில், மவுசு குறையாமல் ஹவுஸ்புல் காட்சிகளாக ஓடி வருகிறது. அதன்படி இப்படம் 17 நாட்கள் முடிவில் உலகளவில் 65 கோடிக்கு மேல் வசூலித்துள்ளதாக கூறப்படுகிறது.
அதில் குறிப்பாக விடுமுறை தினமான நேற்று மட்டும் இப்படம் தமிழகத்தில் ரூ.1.94 கோடி வசூலித்து உள்ளது. ஆனால் உதயநிதியின் கலகத் தலைவன் திரைப்படம் நேற்று ஒரே நாளில் ரூ.1.11 கோடி மட்டுமே வசூலித்துள்ளது. தான் ரிலீஸ் செய்த படம் நல்ல வசூலை குவித்து வருகிறது என்பது உதயநிதிக்கு சந்தோஷமாக இருந்தாலும், அப்படத்தால் தான் நடித்த படத்தின் வசூல் பாதிக்கிறதே என்பது அவருக்கு சற்று வருத்தமாகத் தான் இருக்கும்.
இதையும் படியுங்கள்... குட்டி நயனின் கிளாமர் அட்ராசிட்டி.. குட்டை உடையில் கவர்ச்சி ததும்ப போஸ் கொடுத்த அனிகா! வைரலாகும் ஹாட் கிளிக்ஸ்
சேனலை கிளிக் செய்து பின்தொடரவும்