“வயசானாலும் இவங்கள மாதிரி யங்கா இருக்கலாம் போல..” வனிதாவின் அக்கா அனிதா ஃபாலோ பண்ணும் ரெசிபி இதோ..

விஜயகுமார் குடும்பத்தில் திரையில் நடிக்காத ஒரே மகள் என்றால் அது அனிதா விஜயகுமார் தான்.

anitha vijayakumar

தமிழ் சினிமாவில் தவிர்க்க முடியாத குணச்சித்திர நடிகராக வலம் வருபவர் விஜயகுமார். இவருக்கு 2 மனைவிகள். அவரின் முதல் மனைவியான முத்துக்கண்ணுவுக்கு பிறந்தவர்கள் தான் கவிதா விஜயகுமார், அனிதா விஜயகுமார், அருண் விஜய். பின்னர் நடிகை மஞ்சுளாவை விஜயகுமார் காதலித்து திருமணம் செய்து கொண்டார். வனிதா, ப்ரீத்தா, ஸ்ரீதேவி ஆகியோர் மஞ்சுளாவிற்கு பிறந்த குழந்தைகள்..

விஜயகுமாரின் பிள்ளைகளில் அனைவருமே திரைத்துறையில் கால் பதித்தவர்கள் தான். கவிதா விஜயகுமார் கூட கூலி என்ற படத்தில் சரத்குமாரின் தங்கையாக நடித்திருப்பார். மற்றபடி, அருண் விஜய், வனிதா, ப்ரீத்தா, ஸ்ரீதேவி என அனைவரும் படங்களில் நடித்துள்ளனர். 

விஜயகுமார் குடும்பத்தில் திரையில் நடிக்காத ஒரே மகள் என்றால் அது அனிதா விஜயகுமார் தான். 1973-ம் ஆண்டு பிறந்த அனிதா விஜயகுமார் ஒரு மருத்துவர் ஆவார். கோகுல் கிருஷ்ணன் என்ற மருத்துவரை திருமணம் செய்து கொண்ட அனிதா வெளிநாட்டில் செட்டில் ஆனார். இவர்களுக்கு ஒரு மகளும், மகனும் உள்ளனர். 

தற்போது கத்தாரில் வாழ்ந்து வரும் வெகேஷனுக்காக கடந்த மாதம் இந்தியா வந்திருந்தார்.  தனது குடும்பத்தினர் மற்றும் நண்பர்களுடன் நேரம் செலவிட்ட அவர், சென்னையில் புதிய ஒன்றையும் வாங்கினார். தனது தாய் தந்தை, தங்கைகளான ப்ரீத்தா, ஸ்ரீ தேவி, தனது தம்பி விஜயகுமார் மற்றும் நண்பர்களுடன் இருந்த புகைப்படங்களை அவ்வபோது சமூக வலைதளங்களில் வெளியிட்டு வந்தார். 

Arun vijay sister anitha

இந்த நிலையில் மீண்டும் கத்தார் திரும்பி உள்ள அனிதா, தனது இன்ஸ்டா பக்கத்தில் ஆரோக்கியத்திற்கு ஏற்ற ரெசிபிகளை அனிதா விஜயகுமார் பகிர்ந்து வருகிறார். அந்த வகையில் தற்போது எனர்ஜி பூஸ்டர் ரெசிபியை பகிர்ந்து வருகிறார். அதில் செலரி, ஆரஞ்சு, பெர்ரி, எலுமிச்சை, இஞ்சி, கேரட் ஆகியவற்றுடன் ஃபிளாக்ஸ் விதைகளை சேர்த்து அரைத்தால் ஆரோக்கியமான எனர்ஜி ட்ரிங்கை அவர் தயார் செய்யும் வீடியோவை பதிவிட்டுள்ளார். மேலும் தான் ஒர்க் அவுட் செய்யும் வீடியோவையும் அவர் பகிர்ந்துள்ளார்.