கொரோனாவிலிருந்து நாங்கள் மீண்ட போதிலும், ஏற்கனவே நுரையீரல் பாதிக்கப்பட்ட தனது கணவர் மீள முடியாமல் உயிரிழந்து விட்டதாக மிகவும் சோகமாக தெரிவித்துள்ளார் மீனா.
தென்னிந்திய சினிமாவில் பிரபல நடிகையாக இருப்பவர் மீனா. 90களில் தமிழ், தெலுங்கு, மலையாளம் உள்ளிட்ட பல மொழிகளிலும் முன்னணி கதாபாத்திரங்களில் இவர் நடித்திருந்தார். குழந்தை நட்சத்திரமாக அறிமுகமான மீனா. சிவாஜி கணேசன் நடித்த நெஞ்சங்கள் திரைப்படத்தின் மூலம் திரைத்துறைக்கு அறிமுகமானார். இதனை தொடர்ந்து ரஜினிகாந்த் உடன் எங்கேயோ கேட்ட குரல் மற்றும் அன்புள்ள ரஜினிகாந்த் ஆகிய இரண்டு படங்களிலும் குழந்தை நட்சத்திரமாகவே நடித்திருந்தார் மீனா.
தொடர்ந்து 1990களில் நவயுகம் படத்தில் ராஜேந்திர பிரசாத்துடன் தெலுங்கில் நாயகியாக அறிமுகமானார். அதே ஆண்டு ஒரு புதிய கதை என்ற படத்தின் மூலம் தமிழிலும் அறிமுகமானார். கஸ்தூரி ராஜா இயக்கிய ராஜ்கிரனுக்கு ஜோடியாக என் ராசாவின் மனசிலே என்ற திரைப்படம் தான் இவருக்கு நல்ல அறிமுகத்தை கொடுத்தது. சோலையம்மாவாக மீனா நடித்து ரசிகர்களின் மனதை கவர்ந்திருந்தார்.
மேலும் செய்திகளுக்கு...தம்மாத்துண்டு டவுசரில் ரித்திகா சிங்..அதிலும் எதுக்கு கிழிசல்....
பின்னர் விஜயகாந்த்,, ரஜினி கமல்ஹாசன், பிரபு என அன்றைய முன்னணி நாயகர்கள் அனைவருக்கும் ஜோடியாக நடித்து விட்டார். 2009 ஆம் ஆண்டு விக்ரமன் இயக்கத்தில் வெளியான விஜயகாந்தின் மரியாதை படத்தில் இவர் நாயகியாக நடித்ததை அடுத்து 2012 ஆம் ஆண்டு தம்பிக்கோட்டை படத்தில் தான் இறுதியாக நடித்தி இருந்தார். அதோடு சமீபத்தில் வெளியான ரஜினிகாந்தின் அண்ணாத்த படத்தில் மூலம் மீண்டும் தமிழில் தோன்றியிருந்தார் மீனா.
முன்னதாக 2009 ஆம் ஆண்டு சாஃப்ட்வேர் இன்ஜினியரான வித்யாசாகர் என்பவரை திருமணம் செய்து கொண்டார். இவர்களது திருமணத்தில் அன்றைய முன்னணி நாயகர்கள் பலரும் கலந்து கொண்டனர். இந்த ஜோடிக்கு நைனிகா என்ற பெண் குழந்தை உள்ளது. ஐந்தாவது வயதில் தெறி படம் மூலம் சினிமா துறையில் அறிமுகம் ஆகிவிட்டார். இந்த படத்தில் விஜயின் மகளாக நைனிகா நடித்திருப்பார். முதல் படத்திலேயே ரசிகர்களின் மனதை அம்மாவைப் போலவே கவர்ந்து இழுத்து விட்டார் நைனிகாவும்.
இந்நிலையில் கடந்த ஜூன் மாதம் மீனாவின் கணவர் வித்யாசாகர் நுரையீரல் தொடர்பான நோயால் உயிரிழந்தார். முன்னதாக கடந்த ஜனவரி மாதத்தில் மீனாவின் குடும்பத்தார் அனைவரும் கொரோனாவால் பாதிக்கப்பட்டிருந்தனர். பின்னர் சிகிச்சைக்கு பிறகு அனைவரும் மீண்டு விட அவரது கணவர் வித்யாசாகர் மட்டும் தொடர்ந்து மருத்துவ சிகிச்சையிலே இருந்தார். இந்நிலையில் எதிர்பாராத விதமாக கடந்த ஜூன் மாதம் காலமானார்.
இதையடுத்து வீட்டிற்குள்ளேயே முடங்கி விட்டார் மீனா. இவரை தேற்றுவதற்காக அவரது தோழிகள் பல முயற்சிகள் எடுத்து வந்தனர். அதன் தொடர்ச்சியாக பல புகைப்படங்களும் வெளியானது இந்நிலையில் தனது கணவரின் இறப்பிலிருந்து மெல்ல மெல்ல மீண்டு வரும் மீனா. பிரபல பத்திரிகை ஒன்றுக்கு பேட்டி அளித்துள்ளார். அந்த பேட்டியில் தனது கணவரின் மரணம் எதிர்பாராத விதமாக நடந்ததாகவும், தாங்கள் நினைத்தது ஒன்று நடந்தது ஒன்று என வருத்தமாக தெரிவித்துள்ளார்.
மேலும் செய்திகளுக்கு...சுதா கொங்கராவுடன் இணையும் சிம்பு...எந்த படத்தில் தெரியுமா?
அதோடு இதுபோன்ற இக்கட்டான சூழ்நிலையில் தான் யார் உண்மையான நண்பர்கள் என்பது தெரிந்து கொள்ள முடிகிறது எனவும் கூறியுள்ளார். அவரது கணவர் வித்யாசாகர் தங்கி இருந்த மும்பை அப்பார்ட்மெண்டில் அதிக புறாக்கள் இருந்ததாகவும், அதன் எச்சத்தினால் தான் வித்யாசாகருக்கு நுரையீரல் பிரச்சனை ஏற்பட்டது. கொரோனாவிலிருந்து நாங்கள் மீண்ட போதிலும், ஏற்கனவே நுரையீரல் பாதிக்கப்பட்ட தனது கணவர் மீள முடியாமல் உயிரிழந்து விட்டதாக மிகவும் சோகமாக தெரிவித்துள்ளார் மீனா.
சேனலை கிளிக் செய்து பின்தொடரவும்