Kannika Snehan Baby Shower : பாடலாசிரியர் சினேகனின் மனைவியும், பிரபல நடிகையுமான கன்னிகாவிற்கு ஐந்தாம் மாத வளைகாப்பு விழா சிறப்பான முறையில் நடந்து முடிந்துள்ளது.
தமிழ் சினிமாவை பொருத்தவரை தவிர்க்க இயலாத பாடல் ஆசிரியர்களில் ஒருவர் தான் சினேகன். தற்போது உலக நாயகன் கமல்ஹாசனின் மக்கள் நீதி மய்யம் கட்சியின் உறுப்பினராக அவர் பணியாற்றி வந்தாலும், தமிழ் சினிமாவில் பலராலும் மறக்க முடியாத நல்ல பல பாடல்களை கொடுத்தவர் அவர் என்பது குறிப்பிடத்தக்கது. சிவசெல்வம் என்ற இயற்பெயரோடு சென்னைக்கு வந்த அவர், வைரமுத்துவிடம் தான் பல ஆண்டுகளாக பணியாற்றி வந்தார். அப்போது தான் அவருக்கு சினேகன் என்று பெயர் மாற்றம் செய்யப்பட்டது.
இன்று தான் படம் ரிலீஸ் ஆச்சு! அதற்குள் போஸ் வெங்கட் குடும்பத்தையே சோகத்தில் ஆழ்த்திய மரணம்!
கடந்த 1997ம் ஆண்டு தமிழில் வெளியான "புத்தம் புது பூவே" என்கின்ற திரைப்படத்தின் மூலம் கடந்த 1997ம் ஆண்டு பாடல் ஆசிரியராக தமிழ் திரை உலகில் களமிறங்கியவர் சினேகன். கடந்த 2001ம் ஆண்டு பிரபல இயக்குனர் சேரன் இயக்கத்தில் வெளியான "பாண்டவர் பூமி" என்கின்ற திரைப்படம் தான் பாடல் ஆசிரியர் சினேகனுக்கு மிகப்பெரிய வரவேற்பை கொடுத்தது. அந்த திரைப்படத்தில் வெளியான "அவரவர் வாழ்க்கையில்", "அழகான தடுமாற்றம்", "சின்ன வயசுல", "தோழா தோழா கனவு தோழா" மாற்றும் "தாயே உன்னையே" ஆகிய ஐந்து பாடல்களையும் எழுதியது சினேகன் தான். இந்த பாடல்கள் இன்றளவும் மிகப்பெரிய ஹிட் பாடல்களாக உள்ளது.
தொடர்ச்சியாக தமிழ் திரை உலகில் சிறந்த பாடல் ஆசிரியராகவும், நடிகராகவும் பயணித்து வரும் சினேகன் கடந்த 2021 ஆம் ஆண்டு கொரோனா காலகட்டத்தில் திருமணம் செய்து கொண்டார். இவருடைய திருமணத்திற்கு நேரில் வந்து உலகநாயகன் கமலஹாசன் ஆசி வழங்கியது குறிப்பிடத்தக்கது. சின்னத்திரையில் பிரபலமான நாடகங்களில் நடித்து புகழ்பெற்ற நடிகை கன்னிகா ரவியை தான் இவர் திருமணம் செய்து கொண்டார். திருமணத்திற்கு பிறகு இந்த ஜோடி அனைவரும் மெச்சும் அளவிற்கு ஒன்றாக இணைந்து வாழ்ந்து வந்தது குறிப்பிடத்தக்கது.
இந்த சூழலில் சில மாதங்களுக்கு முன்பு தான் கர்ப்பமாக இருப்பது குறித்து மகிழ்ச்சி தரும் செய்தியை தனது ரசிகர்களுக்கு தெரிவித்தார் கன்னிகா. இந்நிலையில் அவருக்கு ஐந்தாம் மாதம் வளைகாப்பு நிகழ்ச்சி நடத்தப்பட்டு இருக்கிறது. கணவர் சினேகனோடு இணைந்து நடந்த இந்த வளைகாப்பு நிகழ்ச்சியின் அழகிய புகைப்படங்களை தன்னுடைய சமூக வலைதள பக்கங்களில் பதிவிட்டு தன்னுடைய மகிழ்ச்சியை வெளிப்படுத்தி இருக்கிறார் நடிகை கன்னிகா ரவி.
கமல் Vs விஜய் சேதுபதி; பிக் பாஸின் ஓப்பனிங் ஷோ - அதிக TRP ரேட்டிங் கொடுத்தது யார்?
சேனலை கிளிக் செய்து பின்தொடரவும்