100 கோடி கிளப்பில் அதிக படங்களை வைத்திருக்கும் நடிகர்கள்! ரஜினி, ஷாருக்கானை முந்திய விஜய்!

இந்திய சினிமாவில் 100 கோடி ரூபாய் வசூல் என்பது ஒரு காலத்தில் மிகப்பெரிய சாதனையாகக் கருதப்பட்டது. 100 கோடி கிளப்பில் அதிக படங்களை கொண்டிருக்கும் நடிகர்களின் லிஸ்ட் குறித்து இந்த பதிவில் பார்க்கலாம்.

Salman Khan

இந்திய சினிமாவில் தற்போது 1000 கோடி வசூல் என்பது புதிய மைல்கல்லாக உள்ளது. தங்கல், பாகுபலி 1, 2, கேஜிஎஃப் 1,2. RRR, ஜவான், பதான், கல்கி 2898 ஏடி என பல படங்கள் 1000 கோடி வசூலில் இணைந்துள்ளன. ஆனால் இந்திய சினிமாவில் ரூ.100 கோடி வசூல் என்பதே மிகப்பெரிய மைல்கல்லாக பார்க்கப்பட்ட ஒரு காலமும் இருந்தது. 100 கோடி வசூல் செய்த பல படங்கள் உள்ளன. அந்த வகையில் அதிக 100 கோடி வசூல் படங்களை வைத்திருக்கும் நடிகர்கள் யார் தெரியுமா? இதுகுறித்து இந்த பதிவில் பார்க்கலாம். 

சல்மான்கான் :

பாலிவுட்டின் உச்ச நடிகராக வலம் வருபவர் சல்மான் கான். நடிகர், தயாரிப்பாளர், தொகுப்பாளர் என பன்முகங்களை கொண்ட அவர் கடந்த 30 ஆண்டுகளுக்கும் மேலாக பாலிவுட்டில் கோலோச்சி வருகிறார். அதிக 100 கோடி வசூல் படங்களை வைத்திருக்கும் நடிகர்களில் சல்மான் கான் முதலிடத்தில் உள்ளார். அவர் நடித்த படங்களில் 17 படங்கள் 100 கோடிக்கும் மேல் வசூல் செய்துள்ளன.

Akshay Kumar

அக்‌ஷய் குமார் :

பாலிவுட்டின் உச்ச நடிகர்களில் அக்‌ஷய் குமாரும் ஒருவர். சமீபத்திய ஆண்டுகளில் அக்‌ஷய் குமாரின் படங்களுக்கு போதிய வரவேற்பு கிடைக்கவில்லை. ஆனாலும் அவர் நடித்த படங்களில் 16 படங்கள் 100 கோடிக்கும் மேல் வசூல் செய்துள்ளன. அதிக 100 கோடி வசூல் படங்களை வைத்திருக்கும் நடிகர்களில் அக்‌ஷய் குமார் 2-வது இடத்தில் இருக்கிறார்.

Thalapathy Vijay

விஜய் 

தமிழ் சினிமாவின் உச்ச நடிகராகவும், பாக்ஸ் ஆஃபிஸ் கிங்காகவும் வலம் வருபவர் நடிகர் விஜய். சமீபத்தில் அரசியல் பிரவேசத்தை தொடங்கிய விஜய் தற்போது தளபதி 69 படத்தில் நடித்து வருகிறார். அதிக 100 கோடி வசூல் படங்களை வைத்திருக்கும் நடிகர்களில் விஜய் 3-வது இடத்தில் இருக்கிறார். விஜய் நடித்த படங்களில் 11 படங்கள் 100 கோடிக்கும் மேல் வசூல் செய்துள்ளன.

Shahrukh khan

ஷாருக்கான்

பாலிவுட்டின் பாட்ஷா என்று அழைக்கப்படும் ஷாருக்கான் பல ஹிட் படங்களில் நடித்துள்ளார். அந்த வகையில் அவர் நடித்ததில் 10 படங்கள் 100 கோடிக்கு மேல் வசூல் செய்துள்ளன. இதனால் இந்த பட்டியலில் அவர் 4-வது இடத்தில் இருக்கிறார். ஷாருக்கானின் படங்களுக்கு போதிய வரவேற்பு கிடைக்காத நிலையில் பதான் மூலம் கம்பேக் கொடுத்த ஷாருக்கான் ஜவான், டங்கி என அடுத்தடுத்த ஹிட் படங்களை கொடுத்தார்.

Rajinikanth

ரஜினிகாந்த் :

45 ஆண்டுகளுக்கும் மேலாக தமிழ் சினிமாவின் உச்ச நடிகராக வலம் வருபவர் ரஜினிகாந்த். சமீபத்தில் அவர் நடிப்பில் வெளியான வேட்டையன் படம் கலவையான விமர்சனத்தை பெற்றாலும் ரூ.200 கோடிக்கும் மேல் வசூல் செய்தது. அவரின் படங்களில் 9 படங்கள் 100 கோடிக்கும் மேல் வசூல் செய்துள்ளன. இதனால் இந்த பட்டியலில் அவர் 5-வது இடத்தில் இருக்கிறார்.

பாலிவுட் நடிகர்கள் அமீர் கான், ரன்வீர் சிங்கின் தலா 7 படங்கள் 100 கோடி வசூல் செய்துள்ளன. தமிழ் சினிமாவின் உச்ச நடிகர்களில் ஒருவராக வலம் வரும் அஜித் குமாரின் 7 படங்கள் 100 கோடிக்கு மேல் வசூல் செய்துள்ளது என்பது குறிப்பிடத்தக்கது.