நடிகர் மாரிமுத்துவின் கடைசி நிமிடங்கள்.. டப்பிங் பேசும் போது என்ன நடந்தது? நடிகர் கமலேஷ் சொன்ன தகவல்..

Actor Marimuthu's last minutes : எதிர்நீச்சல் சீரியலில் நடித்து வரும் சக நடிகர் கமலேஷ் மாரிமுத்துவின் கடைசி நிமிடங்கள் குறித்து பேட்டியளித்துள்ளார்.  

G Marimuthu passed away

நடிகர் மாரிமுத்துவின் மறைவு தமிழ் திரையுலகில் அதிர்ச்சியையும் சோகத்தையும் ஏற்படுத்தி உள்ளது. இன்று காலை எதிர்நீச்சல் சீரியல் டப்பிங்-காக சென்ற மாரிமுத்து மீண்டும் வீடு திரும்பவில்லை.. மாரடைப்பு காரணமாக மருத்துவமனை செல்லும் வழியிலேயே உயிரிழந்துவிட்டார்.

Ethirneechal Marimuthu

அவரின் மறைவுக்கு இயக்குனர்கள் வசந்த், திரை பிரபலங்கள், சின்னத்திரை நடிகர்கள் என பலரும் நேரில் அஞ்சலி செலுத்தி வருகின்றனர். சமூக வலைதளங்களிலும் பலரும் மாரிமுத்துவின் மறைவுக்கு இரங்கல் தெரிவித்து வருகின்றனர்.

Ethirneechal Marimuthu

இந்த நிலையில் எதிர்நீச்சல் சீரியலில் நடித்து வரும் சக நடிகர் கமலேஷ் மாரிமுத்துவின் கடைசி நிமிடங்கள் குறித்து பேட்டியளித்துள்ளார். அப்போது பேசிய அவர் “ இன்று காலை 6.30 முதல் 8.00 மணிக்கு வரை டப்பிங் இருந்தது. அடுத்து நான் டப்பிங் செய்ய வேண்டும் என்பதால் வெளியில் காத்திருந்தேன். ஒரு மணி டப்பிங் முடித்த மாரிமுத்து, அசௌகரியமாக உணர்வதாக வெளியே வந்தார். எங்களிடம் சொல்லாமலே வெளியே சென்றுவிட்டார். நாங்கள் வெளியே தேடி பார்த்தோம் அவரை காணவிலை. அவரே காரை ஓட்டிக்கொண்டு சூர்யா மருத்துவமனைக்கு சென்றுள்ளார். ஆனால் மருத்துவமனைக்கும் நுழையும் போதே மயக்கமடைந்துள்ளார்.  உள்ளே இருந்த மருத்துவர்கள் சிகிச்சை செய்ய முயன்றனர். ஆனால் அவர் இறந்துவிட்டதாக தெரிவித்தனர். மருத்துவர்கள் எவ்வளவோ முயற்சித்தனர்.. ஆனா காப்பாற்ற முடியவில்லை” என்று தெரிவித்தார்.

marimuthu

மாரிமுத்து மிகவும் அர்ப்பணிப்புள்ள நடிகர் என்றும், அவருடன் இருந்த நாட்களை மறக்க முடியாது என்றும் நடிகர் கமலேஷ் தெரிவித்தார்.

இயக்குனராக வேண்டும் என்ற ஆசையில் சென்னைக்கு வந்த பலரில் நடிகர் மாரிமுத்துவும் ஒருவர். தேனி மாவட்டத்தை சேர்ந்த மாரிமுத்து 1990-ம் ஆண்டு வீட்டை விட்டு வெளியேறி சென்னைக்கு வந்தார். ஆரம்ப நாட்களில் ஹோட்டலில் வெயிட்டராக பணிபுரிந்த அவர், கவிஞர் வைரமுத்துவின் அறிமுகம் கிடைத்தது. இலக்கியங்கள் மீது ஆர்வம் இருந்ததால் வைரமுத்து உடன் நெருக்கமானார் மாரிமுத்து. பின்னர் ராஜ்கிரணிடம் உதவி இயக்குனராக சேர்ந்த மாரிமுத்து, அரண்மனை கிளி, எல்லாமே என் ராசா போன்ற படங்களில் உதவி இயக்குனராக பணி புரிந்தார். மேலும் மணி ரத்னம், வசந்த், சீமான், எஸ்.ஜே சூர்யா உள்ளிட்ட பல இயக்குனர்களிடம் உதவி இயக்குனராக பணிபுரிந்தார்.

Ethirneechal Marimuthu

கண்ணும், கண்ணும், புலிவால் ஆகிய படங்களையும் அவர் இயக்கி உள்ளார். பின்னர் நடிப்பதில் கவனம் செலுத்திய மாரிமுத்து, பல படங்களி துனை கதாப்பாத்திரங்களில் நடித்துள்ளார். எனினும் அவர் சன் டிவி ஒளிப்பரப்பாகி வரும் எதிர்நீச்சல் சீரியல் மூலம் வெகு பிரபலமானார். குணசேகரனாக தனது இயல்பான நடிப்பு, மிரட்டலான வசனங்கள் மூலம் அனைவரையும். புகழின் உச்சிக்கு சென்ற நிலையில் மாரிமுத்துவின் திடீர் மரணம் சோகத்தை ஏற்படுத்தி உள்ளது.