Karthi : நடிகர் சூர்யா சினிமாவில் அறிமுகமாகி 25 ஆண்டுகள் ஆவதை கொண்டாடும் விதமாக டுவிட்டரில் #25YearsOfCultSuriyaism என்கிற ஹேஷ்டேக்கை ரசிகர்கள் டிரெண்டாக்கி வருகின்றனர்.
நடிகர் சிவகுமாரின் மகனான சூர்யா, கடந்த 1997-ம் ஆண்டு இயக்குனர் வஸந்த் இயக்கத்தில் வெளியான நேருக்கு நேர் படம் மூலம் தமிழ் திரையுலகில் நடிகராக அறிமுகமானார். இப்படம் ஹிட் ஆனாலும், இப்படத்தில் சூர்யாவின் நடிப்பு கடுமையான விமர்சனங்களை சந்தித்தது. இவரெல்லாம் எதுக்கு நடிக்க வருகிறார் என்றெல்லாம் விமர்சித்தனர்.
விமர்சனங்களை கண்டு துவண்டுவிடாமல், தனது கடின உழைப்பால் அடுத்தடுத்த படங்களில் நடிகராக மெருகேறிய சூர்யா, இன்று நடிப்பின் நாயகன் என பட்டம் பெறும் அளவுக்கு உச்ச நடிகராக உயர்ந்துவிட்டார். சமீபத்தில் இவரின் சிறந்த நடிப்பை அங்கீகரிக்கும் விதமாக தேசிய விருதும் அறிவிக்கப்பட்டது. சூரரைப் போற்று படத்துக்காக அவருக்கு இவ்விருந்து அறிவிக்கப்பட்டு உள்ளது.
இவர் சினிமாவில் நடிப்பதோடு மட்டுமின்றி தயாரிப்பாளராகவும் ஜொலித்து வருகிறார். இவரது தயாரிப்பில் வெளியாகும் படமென்றால் நிச்சயம் ஹிட் என சொல்லும் அளவுக்கு, இவர் வெளியிட்ட படங்களில் பெரும்பாலானவை பிளாக்பஸ்டர் ஹிட் ஆகின. சினிமாவில் தந்தையின் உதவியோடு அறிமுகமானாலும், இன்று தனக்கென ஒரு தனி இடத்தை பிடித்து இருக்கிறார் சூர்யா.
இதையும் படியுங்கள்... குழந்தை பெற்றுக்கொள்வதற்கு கல்யாணம் பண்ணனும்னு அவசியமில்லை... பரபரப்பை கிளப்பிய அஜித் பட நடிகை
நடிகர் சூர்யா சினிமாவில் அறிமுகமாகி இன்றுடன் 25 ஆண்டுகள் ஆகிறது. அவர் முதன்முதலில் நடித்த நேருக்கு நேர் திரைப்படம் இன்று தான் ரிலீசானது. இதனை ரசிகர்கள் கொண்டாடி வருகின்றனர். டுவிட்டரில் #25YearsOfCultSuriyaism என்கிற ஹேஷ்டேக்கும் டிரெண்டாகி வருகிறது. இந்நிலையில், நடிகர் கார்த்தியும் அந்த ஹேஷ்டேக்கை பயன்படுத்தி, தன் அண்ணனை பற்றி எமோஷனல் பதிவு ஒன்றை போட்டுள்ளார்.
அதில், “அவர் தனது ஒவ்வொரு மைனஸையும் மிகப்பெரிய பிளஸ் ஆக்க இரவும், பகலும் உழைத்தார். தன் சொந்த சாதனைகளை விஞ்சுவதில் மட்டுமே அவர் கவனம் செலுத்தினார். ஒரு நபராக தாராள மனசு கொண்ட இவர் அதனை இன்னும் பெரிதாக்கும் விதமாக ஆயிரக்கணக்கான தகுதியுள்ள குழந்தைகளின் வாழ்வை வடிவமைத்தார். அதுதான் என் அண்ணன். என குறிப்பிட்டு சிறுவயதில் சூர்யாவுடன் எடுத்த போட்டோவை பதிவிட்டுள்ளார் கார்த்தி.
இதையும் படியுங்கள்... ரொமான்ஸில் நயன் - விக்கிக்கு டஃப் கொடுக்கும்.. மஹாலட்சுமி - ரவீந்தர் ஜோடி..! வைரலாகும் நெருக்கமான புகைப்படம்!
சேனலை கிளிக் செய்து பின்தொடரவும்