Jayam Ravi : உண்மையில் பலருக்கும் ஆச்சர்யம் தரும் விஷயமாகத்தான் அமைத்திருக்கிறது நடிகர் ஜெயம் ரவி மற்றும் அவரது மனைவியின் பிரிவு.
பிரபல நடிகர் ஜெயம் ரவி மற்றும் அவரது மனைவி ஆர்த்தியின் பிரிவு தான் இப்போது மிகப்பெரிய அதிர்வலைகளை திரையுலகில் ஏற்படுத்தியுள்ளது என்றால் அது மிகையல்ல. இந்த ஜோடியின் பிரிவுக்கு எத்தனையோ வகையான காரணங்கள் சொல்லப்பட்டாலும், உண்மையான நிலை என்ன என்பது ஜெயம் ரவி மற்றும் ஆர்த்திக்கு மட்டுமே வெளிச்சம் என்றால் அது மிகையல்ல. சில மாதங்களுக்கு முன்பு ஆர்த்தி தனது சமூக வலைதள பக்கங்களில் இருந்து ஜெயம் ரவியின் புகைப்படங்களை ஒன்றன்பின் ஒன்றாக நீக்கியதாக கூறப்பட்டது.
அப்போதே இவர்கள் இருவருக்கு இடையே விரைவில் விரிசல் ஏற்படும் என்கின்ற தகவல்கள் வெளியாகி வந்தது அனைவரும் அறிந்ததே. இந்த சூழலில் தான் சில தினங்களுக்கு முன்பு ஜெயம் ரவி தன்னுடைய குடும்ப நலன் கருதி, தனது முன்னாள் மனைவி ஆர்த்தியை பிரிவதாக அதிகாரப்பூர்வமாக தனது சமூக வலைதள பக்கங்களில் அறிவித்தார். தொடர்ச்சியாக அவர்களுடைய பிரிவு குறித்தும் பல செய்திகள் வெளியாகி வந்தது.
சர்ச்சைக்குரிய மும்பை வீடு.. நேக்கா செம லாபத்திற்கு விற்ற கங்கனா ரணாவத் - எத்தனை கோடிக்கு தெரியுமா?
இந்த நிலையில் தற்பொழுது முதல் ஆளாக, கடந்த 2009ம் ஆண்டு நடந்த தங்களுடைய திருமண வாழ்க்கையை முடித்துக் கொள்வதாக கூறி குடும்ப நல நீதிமன்றத்திற்கு மனுவோடு சென்று இருக்கிறார் நடிகர் ஜெயம் ரவி என்ற தகவல் வெளியாகியுள்ளது. வருகின்ற அக்டோபர் மாதம் 10ம் தேதி இந்த வழக்கு விசாரணையானது நடைபெறும் என்று தெரிவிக்கப்பட்டுள்ளது. ஆர்த்தி நீதிமன்றம் செல்லும் முன்பே இந்த விஷயத்தில் ஜெயம் ரவி நீதிமன்றம் சென்றுள்ளது புதிய பல கேள்விகளை எழுப்பியுள்ளது.
ஜெயம் ரவியின் முன்னாள் மனைவி ஆர்த்தியின் குடும்பத்தார் தரப்பில் இருந்து, தொடர்ந்து ஜெயம் ரவியின் திரைவாழ்க்கையில் தலையீடுகள் தொடர்ந்து இருந்ததாகவும், அவர் ஒப்புக்கொள்ளும் படங்கள் மற்றும் அது சார்ந்த விஷயங்களில், அவர் தன்னுடைய இஷ்டத்திற்கு செயல்பட முடியாமல் இருந்ததாகவும் சில தகவல்கள் கூறப்படுகிறது. தொடர்ச்சியாக மனைவி மற்றும் அவரது குடும்பத்தார் மூலம் இப்படி திரைத்துறை சம்மந்தமான தலையீடுகள் இருந்த நிலையில் தான், இப்பொது ஜெயம் ரவி தனது விவகாரத்தை அறிவித்துள்ளதாக கூறப்படுகிறது. ஆனால் இந்த விஷயம் குறித்த உண்மை தன்மை இன்னும் தெரியவில்லை.
ஆர்த்தியை முதன் முதலாக ஸ்விட்சர்லாந்தில் சந்தித்த ஜெயம் ரவி அவர் மீது காதல் வயப்பட்டு தான் கடந்த 2009ம் ஆண்டு ஜூன் மாதம் நான்காம் தேதி அவரை திருமணம் செய்து கொண்டார்கள் என்பது குறிப்பிடத்தக்கது. ஜெயம் ரவிக்கு இருக்கும் சொத்தைக் காட்டிலும் மூன்று மடங்கு பெரிய பணக்காரர் ஆர்த்தி என்பது பலர் அறியாத உண்மை. அவருடைய தாய் சுஜாதா பல சின்னத்திரை நிகழ்ச்சிகளை தயாரித்து வழங்கி வருகின்றார், ஒரு சில படங்களையும் தயாரித்துள்ளார்.
அதேபோல அவருடைய தந்தை விஜயகுமாரும் மிகப்பெரிய தொழிலதிபராவார் ஆவார். சில காலம் தனது குடும்பம் சம்பந்தமான நிறுவனங்களை கவனித்து வந்த ஆர்த்தி, சிறு தொழில் ஒன்றையும் கவனித்து வந்தது குறிப்பிடத்தக்கது. அது மட்டுமில்லாமல் சமூக வலைதளங்களில் மிகப்பெரிய அளவில் பேன் பேஸ் உள்ள ஆர்த்தி, கொரோனா காலகட்டத்தில் பெண்கள் முன்னெடுத்து நடத்தும் பல சிறு சிறு வணிகங்களை தனது சமூக வலைதள பக்கங்கள் மூலம் ஆதரித்ததும் வந்தார்.
இந்த 15 ஆண்டுகால மன வாழ்க்கையில் ஒவ்வொரு ஆண்டும் ஏதோ ஒரு விசேஷத்திற்கு தனது கணவன் மற்றும் மகனோடு எடுத்துக்கொண்ட புகைப்படங்களை வெளியிட்டு தன்னுடைய அன்பை ஆர்த்தி தொடர்ச்சியாக வெளிப்படுத்தி வந்தார். இருப்பினும் ஜெயம் ரவி மற்றும் ஆர்த்திக்கு இடையே எந்த வகையில் விரிசல் ஏற்பட்டது என்பது குறித்த தகவல்கள் தெளிவாக தெரியவில்லை.
ஜெயம் ரவியின் திரை வாழ்க்கைக்கு, ஆர்த்தியின் குடும்பம் முட்டுக்கட்டையாக நின்றதாக கூறப்படும் விஷயமே, இந்த பிரிவுக்கு முக்கியமான காரணமாக பார்க்கப்படுகிறது. இந்த சூழலில் தான் ஆர்த்தி குடும்ப நல நீதிமன்றத்தை நாடுவதற்கு முன்பாகவே, அவரிடம் இருந்து தனக்கு விவாகரத்து வேண்டும் என்று தனது மனுவில் குறிப்பிட்டு, இப்போது குடும்ப நல நீதிமன்றத்தை ஜெயம் ரவி நாடி இருக்கிறார். இன்று செப்டம்பர் 10ஆம் தேதி அவர் அந்த மனுவை நீதிமன்றத்தில் அளித்ததாக கூறப்படும் நிலையில், அதன் மீதான விசாரணை அடுத்த மாதம் 10ஆம் தேதி துவங்கும் என்றும் அதிகாரப்பூர்வமாக அறிவிக்கப்பட்டிருக்கிறது.
முதல் படமே ஹிட்... 'ஜெயம்' முதல் 'சைரன்' வரை! ஜெயம் ரவி நடித்த வெற்றிப்படங்கள் இத்தனையா?
சேனலை கிளிக் செய்து பின்தொடரவும்