மத்திய அரசு 8வது சம்பளக் குழுவை அமைத்துள்ளதாக அறிவித்துள்ளது. இது அரசு ஊழியர்கள் மற்றும் ஓய்வூதியதாரர்களின் சம்பளத்தை மறுபரிசீலனை செய்யும். இது அரசு ஊழியர்களின் சம்பளத்தில் 20% முதல் 35% வரை உயர்வை ஏற்படுத்தக்கூடும்.
8வது சம்பளக் குழு குறித்து மத்திய அரசு முக்கியமான தகவல்களை வெளியிட்டுள்ளது. அரசு ஊழியர்கள் மற்றும் ஓய்வூதியதாரர்களின் சம்பளம், கொடுப்பனவுகள், ஓய்வூதியம் ஆகியவற்றை மறுபரிசீலனை செய்ய இந்தக் குழு அமைக்கப்பட்டுள்ளது. இதனால் வருங்காலத்தில் வருமான உயர்வு எதிர்பார்ப்பு அதிகரித்துள்ளது.
25
8வது சம்பளக் குழு அப்டேட்
இந்த 8வது சம்பளக் குழு 2025 நவம்பர் 3ஆம் தேதி அமைக்கப்பட்டது என்று நிதி அமைச்சகத்தின் இணை அமைச்சர் பங்கஜ் சௌத்ரி பாராளுமன்றத்தில் தெரிவித்துள்ளார். குழுவிற்கு 18 மாதங்களில் தனது பரிந்துரைகளை சமர்ப்பிக்க உத்தரவிடப்பட்டுள்ளது. அந்த பரிந்துரைகள் வந்த பிறகே நடைமுறைப்படுத்தும் செயல்முறை தொடங்கும்.
35
சம்பளம் எவ்வளவு கூடும் தெரியுமா?
ஆனால், நிபுணர்கள் கூறுவதாவது, இந்த பரிந்துரைகள் 2026 ஜனவரி 1 முதல் பின்பற்றப்படும் வகையில் (பின்னோக்கிப் பொருளாதாரம்) நடைமுறைப்படுத்தப்பட வாய்ப்புள்ளது. அதாவது, நடைமுறைப்படுத்தும் காலம் தாமதமானாலும், நிலுவையில் இருக்கும் உயர்வுகள் பின்னர் ஒரே தடவையில் வழங்கப்படலாம். இதனால் ஊழியர்களுக்கு கூடுதல் நிதி பலன் கிடைக்கும்.
இந்த சம்பள திருத்தம் குறித்து மத்திய அரசு பொதுமக்கள் மற்றும் ஊழியர் அமைப்புகளிடமிருந்து கருத்துக்களைப் பெறுகிறது. ‘MyGov’ தளத்தில் 18 கேள்விகளைக் கொண்ட கேள்வித்தாள் வெளியிடப்பட்டுள்ளது. அமைச்சகங்கள், மாநில அரசுகள், கல்வியாளர்கள் உள்ளிட்டோர் மார்ச் 31 வரை கருத்துகளை தெரிவிக்கலாம். மேலும் ஏப்ரல் 30 வரை நினைவுப்பத்திரங்களையும் சமர்ப்பிக்க அனுமதி அளிக்கப்பட்டுள்ளது.
55
சம்பள உயர்வு வீதம்
சம்பள உயர்வு வீதம் குறித்து அதிகாரப்பூர்வ அறிவிப்பு வெளியாகாத நிலையில், முந்தைய சம்பளக் குழுக்களின் போக்கைப் பார்த்தால் 20% முதல் 35% வரை உயர்வு இருக்கலாம் என எதிர்பார்க்கப்படுகிறது. குறிப்பாக Fitment Factor மாற்றம் மூலம் அடிப்படை சம்பளத்தில் குறிப்பிடத்தக்க உயர்வு ஏற்பட வாய்ப்பு உள்ளது. இறுதி நிதிசுமை மற்றும் உயர்வு விவரங்கள், குழுவின் பரிந்துரைகள் வெளியான பிறகே தெளிவாகும்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
