தேங்க் யூ பொண்டாட்டி! மனைவி ஜோதிகாவுக்கு உருக்கமாக நன்றி சொல்லும் நடிகர் சூர்யா!

சூர்யாவும் ஜோதிகாவும் அடிக்கடி நேர்காணல்களில் ஒருவரை ஒருவர் புகழ்ந்து பேசுவார்கள். இந்நிலையில், தீபாவளி கொண்டாட்டத்தின்போது எடுத்த புகைப்படத்தை சூர்யா வெளியிட்டுள்ளார்.

சூர்யாவும் ஜோதிகாவும் 2000-களின் தொடக்கத்தில் இருந்து தமிழ் சினிமாவில் மிகவும் பிரபலமான பிரபல ஜோடிகளாக உள்ளனர். பல்வேறு படங்களில் ஒன்றாக நடித்துள்ளனர். 2006 இல் திருமணம் செய்து கொண்டனர். சூர்யாவும் ஜோதிகாவும் இருவரும் தங்கள் தனிப்பட்ட வாழ்க்கை தொடர்பான புகைப்படங்களைப் சமூக ஊடகங்களில் பகிர்ந்துகொள்வது அரிது.

ஆனால் அடிக்கடி நேர்காணல்களில் ஒருவரை ஒருவர் புகழ்ந்து பேசுவார்கள். இந்நிலையில், திங்கட்கிழமை தீபாவளி கொண்டாட்டத்தின்போது எடுத்த புகைப்படத்தை சூர்யா தனது இன்ஸ்டாகிராம் பக்கத்தில்  பகிர்ந்துகொண்டார்.

அந்தப் புகைப்படத்தில் இருவரும் தீபாவளி புத்தாடை அணிந்து அழகான தோற்றத்தில் இருக்கின்றனர். சூர்யா வெளிர் ஊதா நிற சட்டை அணிந்திருக்கிறார். ஜோதிகா பிங்க் மற்றும் கோல்டன் ஆடையில் இருக்கிறார். இருவரும் கேமராவை பார்த்து சிரித்தபடி போஸ் கொடுத்துள்ளனர். படம் அவர்களின் தீபாவளி கொண்டாட்டத்தின்போது எடுக்கப்பட்டிருப்பதைப் பார்க்க முடிகிறது.

போட்டோவுக்கு கேப்ஷன் கொடுத்திருக்கும் நடிகர் சூர்யா, "வாழ்க்கையை எப்படி கொண்டாடுவது என்று காட்டியதற்கு நன்றி பொண்டாட்டி" என்று ஜோதிகாவைப் புகழ்ந்துள்ளார். இந்தப் பதிவுக்கு பதில் அளித்துள்ள பல ரசிகர்கள் சூர்யாவையும் ஜோதிகாவையும் வியந்து பாராட்டியுள்ளனர்.

"சூர்யா மாதிரி ஒரு கணவன் இல்லை" என்று ரசிகர் ஒருவர் கருத்து தெரிவித்துள்ளார். மற்றொருவர், "கிங் ஆஃப் ரொமான்ஸ்" என்று பாராட்டியுள்ளார். இன்னொரு நெட்டிசன், மகிழ்ச்சியான மற்றும் ஆரோக்கியமான உறவு இப்படித்தான் இருக்கும் என்று சிலாகித்துள்ளார்.

பூவெல்லாம் கேட்டுப்பார், உயிரிலே கலந்தது, காக்கா காக்கா, பேரழகன், மாயாவி, சில்லுனு ஒரு காதல் போன்ற பல படங்களில் சூர்யாவும் ஜோதிகாவும் இணைந்து நடித்தனர். செப்டம்பர் 2006 இல் திருமணம் செய்துகொண்ட இவர்களுக்கு தியா என்ற மகளும், தேவ் என்ற மகனும் உள்ளனர்.