கீர்த்தி பாண்டியன் வீட்டில், மிகவும் உற்சாகமாக கேக் வெட்டி கொண்டாடிய... தன்னுடைய தாத்தாவின் பிறந்தநாள் குறித்த வீடியோவை கவிதா பாண்டியன் தன்னுடைய சமூக வலைத்தளத்தில் பகிர்ந்துள்ளார்.
பிரபல நடிகரும், தயாரிப்பாளருமான, அருண் பாண்டியன் தந்தையின் 95-ஆவது பிறந்தநாள் நேற்று அவரது சொந்த ஊரான திருநெல்வேலியில் மிகவும் எளிமையான முறையில் கொண்டாடப்பட்டுள்ளது. பிறந்தநாள் கொண்டாட்டத்தில், அருண் பாண்டியனின் மகள் கவிதா பாண்டியன், கீர்த்தி பாண்டியன், அசோக் செல்வன், உள்ளிட்ட அவர்களின் குடும்பத்தினர் அனைவருமே கலந்து கொண்டு சிறப்பித்தனர்.
இந்த மகிழ்ச்சியான தருணத்தின் போது எடுக்கப்பட்ட வீடியோ ஒன்றை... கீர்த்தி பாண்டியனின் சகோதரி கவிதா பாண்டியன் தன்னுடைய சமூக வலைதளத்தில் பகிர்ந்து கொண்டுள்ளார். இந்த வீடியோ வைரலாக பார்க்கப்பட்டு வருவதோடு மட்டும் இன்றி ரசிகர்களும் 95 வயதாகும் அருண் பாண்டியனின் தந்தைக்கு தங்களின் வாழ்த்துக்களை தெரிவித்து வருகிறார்கள்.
ஒரு விவசாயியான கீர்த்தி பாண்டியனின் தாத்தா... 95 வயதிலும் மிகவும் ஆரோக்கியமாக உள்ளார். அதே போல் இன்னும் பல வருடங்கள் அவர் ஆரோக்கியமாக வாழ வாழ்த்துக்கள் என நெட்டிசன்கள் தெரிவித்து வருகிறார்கள். கீர்த்தி பாண்டியனின் திருமணம் நடைபெற்றதற்கு பின், கீர்த்தி பாண்டியன் தாத்தா பிறந்தநாளுக்காக ஒட்டு மொத்த குடும்பமே ஒன்று கூடி செலிபிரேட் செய்துள்ளது குறிப்பிடத்தக்கது.