மீண்டும் ஆபத்தில் சிக்கிய ஐரோப்பிய நாடுகள்..!! தலையில் அடித்துக் கதறும் WHO..!!
ஊரடங்கு தளர்த்துவதன் மூலம் மக்கள் கூட்டமாக திரளும் சூழல் ஏற்பட்டுள்ளதால் , ஐரோப்பாவில் உள்ள நான்கில் மூன்று பங்கு நாடுகளில் வைரஸ் மீண்டும் தீவிரமாக பரவ வாய்ப்புள்ளதாக எச்சரித்துள்ளார் ,
ஐரோப்பிய நாடுகள் மீண்டும் மிக மோசமான விளைவுகளை சந்திக்க நேரிடும் என உலக சுகாதார நிறுவனம் எச்சரித்துள்ளது, குறிப்பாக ஐரோப்பிய நாடுகள் மிக வேகமாக ஊரடங்கை தளர்த்தி வரும் நிலையில் இந்த எச்சரிக்கை விடுக்கப்பட்டுள்ளது . கொரோனா வைரஸ் உலகம் முழுவதும் வேகமாக பரவி வருகிறது உலக அளவில் சுமார் 30 லட்சத்து 31 ஆயிரம் பேருக்கு கொரோனா தொற்று ஏற்பட்டுள்ளது . உலக அளவில் உயிரிழந்தவர்களின் எண்ணிக்கை 2 லட்சத்து 34 ஆயிரத்தை தாண்டியுள்ளது. கிட்டத்தட்ட 10 லட்சத்துக்கும் அதிகமானோர் கொரோனாவால் இருந்து சிகிச்சை பெற்றுக் மீண்டுள்ளனர். சீனாவிலிருந்து உலகம் முழுதும் பரவியுள்ள இந்த வைரஸால் மற்ற நாடுகளை விட ஐரோப்பா கண்டத்தில் உள்ள நாடுகள் மிகக் கடுமையாக பாதிக்கப்பட்டுள்ளன . ஸ்பெயின் இத்தாலி பிரான்ஸ் ஜெர்மனி உள்ளிட்ட நாடுகள் பாதிக்கப்பட்ட நாடுகளின் பட்டியலில் முதல் 5 இடங்களை பிடித்துள்ளன .
இதுவரை ஸ்பெயினில் 2 லட்சத்து 39 ஆயிரம் பேர் கொரோனாவால் பாதிக்கப்பட்டுள்ளனர் அங்கே 24 ஆயிரத்து 543 பேர் உயிரிழந்துள்ளனர் . அதேபோல் இத்தாலியில் 2 லட்சத்து 5 ஆயிரம் பேருக்கு கொரோனா தொற்று உறுதி செய்யப்பட்டுள்ளது, சுமார் 28,000 பேர் உயிரிழந்துள்ளனர் , பிரான்சில் ஒரு லட்சத்து 67 ஆயிரம் பேருக்கு கொரோனா தொற்று ஏற்பட்டதில் 24 ஆயிரம் பேர் உயிரிழந்துள்ளனர் . அதேபோல் ஜெர்மனியில் ஒரு லட்சத்து 63 ஆயிரம் பேருக்கு கொரோனா தொற்று ஏற்பட்டு சுமார் 6600 பேர் உயிரிழந்துள்ளனர் . அமெரிக்காவில் கொரோனா தீவிரமாவதற்கு முன்பாகவே ஸ்பெயின் இத்தாலி பிரான்ஸ் ஜெர்மனி ஐரோப்பிய நாடுகளில் காய்ச்சல் உச்சக்கட்டத்தில் இருந்தது . கடந்த 2 மாதங்களுக்கும் மேலாக நோய்த்தாக்கம் உச்ச நிலையில் இருந்த நிலையில் கடந்த சில வாரங்களுக்கு முன்னர் அதன் பாதிப்பை படிப்படியாகக் குறைந்தது . இதனால் நோய்த்தாக்கம் ஓரளவுக்கு கட்டுப்பாட்டுக்கு வந்தது என அறிவித்த அந்த நாடுகள் கட்டுப்பாடுகளை படிப்படியாக தளர்த்துவதாக அறிவித்தன.
இந்நிலையில் ஜெர்மனி சில தினங்களுக்கு முன்னர் கட்டுப்பாட்டை தளர்த்திய நிலையில் அங்கு நோய் பாதித்தவர்கள் எண்ணிக்கை மீண்டும் அதிகரிக்கத் தொடங்கியுள்ளது . இதனையடுத்து இங்கிலாந்து துருக்கி உள்ளிட்ட நாடுகளும் கட்டுப்பாடுகளை தளர்த்துவது குறித்து ஆலோசித்து வருகின்றன. முன்னதாக ஸ்பெயின் பிரான்ஸ் உள்ளிட்ட நாடுகளும் தங்களது நாட்டில் கட்டுப்பாடுகளை தளர்த்தி உள்ளன , இதனால் மீண்டும் அந்நாடுகளில் புதிய நோய்த் தொற்றுகள் உருவாகும் நிலை ஏற்பட்டுள்ளது . இந்நிலையில் உலக சுகாதார அமைப்பின் ஐரோப்பிய பிரிவு தலைவர் டாக்டர் ஹான்ஸ் குலூக் , ஐரோப்பிய நாடுகளை மிகக் கடுமையாக எச்சரித்துள்ளார் . ஐரோப்பிய நாடுகள் மிக வேகமாக தடைகளை தளர்த்தி வருவதன் மூலம் அங்கே புதிய தொற்றுகள் உருவாகும் சூழல் அதிகரித்துள்ளது . ஐரோப்பிய மண்டலத்தில் உள்ள 44 நாடுகளில் 21 நாடுகள் ஏற்கனவே கட்டுப்பாடுகளை தளர்த்தி உள்ளன , இன்னும் 11 நாடுகள் அடுத்த சில தினங்களில் கட்டுப்பாடுகளை தளர்த்த திட்டமிட்டுள்ளன,
ஊரடங்கு தளர்த்துவதன் மூலம் மக்கள் கூட்டமாக திரளும் சூழல் ஏற்பட்டுள்ளதால் , ஐரோப்பாவில் உள்ள நான்கில் மூன்று பங்கு நாடுகளில் வைரஸ் மீண்டும் தீவிரமாக பரவ வாய்ப்புள்ளதாக எச்சரித்துள்ளார் , முன்னதாக தங்கள் நாட்டில் வைரஸ் மீண்டும் பரவுவதை அறிந்த ஜெர்மன் மீண்டும் ஊரடங்கு அமல்படுத்துவது குறித்து ஆலோசித்து வருகிறது . ஊரடங்கை தளர்த்துவதில் சர்வதேச நாடுகள் அவசரம் காட்டக்கூடாது என உலக சுகாதார நிறுவனம் ஏற்கனவே எச்சரித்திருந்த நிலையில் மீண்டும் ஐரோப்பிய நாடுகளுக்கு இந்த எச்சரிக்கை விடப்பட்டுள்ளது குறிப்பிடத்தக்கது.
சேனலை கிளிக் செய்து பின்தொடரவும்
