அப்போ டெல்லிக்கு பறந்தது குஷ்பூவோட மளிகை சாமான் லிஸ்ட்டா? அடேங்.....கப்பா என்ன ஒரு தாராளம்டா கோவாலு?
திருநாவுக்கரசர் மீது எனக்கு எந்த தனிப்பட்ட கோபமும் கிடையாது, தனி அபிப்ராயமும் கிடையாது. அவரது செயல்கள் சரி இல்லாததால் என் கருத்தை தெரிவித்தேன். அவர் மீது இதுவரை மேலிடத்தில் எந்த குற்றச்சாட்டையும் நான் சொல்லியதில்லை: குஷ்பூ
* திருநாவுக்கரசர் மீது எனக்கு எந்த தனிப்பட்ட கோபமும் கிடையாது, தனி அபிப்ராயமும் கிடையாது. அவரது செயல்கள் சரி இல்லாததால் என் கருத்தை தெரிவித்தேன். அவர் மீது இதுவரை மேலிடத்தில் எந்த குற்றச்சாட்டையும் நான் சொல்லியதில்லை: குஷ்பூ (அப்ப நீங்களும், ஈ.வி.கே.எஸ். இளங்கோவனும் டெல்லிக்கு கொண்டு போயி, கொண்டு போயி கொடுத்தது வெறும் மளிகை சாமான் லிஸ்ட்டு தானா கோபால்)
* மோடியின் திட்டங்கள் தோற்றுவிட்டன, மோடியின் ஆட்சி தோற்றுவிட்டது என்று என்னை திட்டுகிறார்கள் எதிர்கட்சிகள். பிறகு ஏன், மெகா கூட்டணியை உருவாக்குகிறீர்கள்?: நரேந்திர மோடி. (தலைவரே அஞ்சு வருஷத்துக்கு முன்னாடி நாம என்ன சிங்கிள் சிங்கமாவா காங்கிரஸை எதிர்த்து நின்னோம்? உங்களுக்கு வந்தா பிளட்டு, அடுத்தவனுக்கு வந்தா வெறும் நீர் சொட்டு இல்ல?)
* தமிழக பி.ஜே.பி.யில் கோஷ்டி பூசல் எனும் பேச்சுக்கே இடமில்லை. இதுவரையில் எங்கள் தலைவர்கள் யாரையாவது நான் திட்டி பேசியிருக்கேனா? காங்கிரஸில்தான் முட்டல், மோதலெல்லாம் நடக்கும்: ஹெச்.ராஜா. (அப்டிங்களா தல? திருப்பூர்ல நடந்த பிரதமர் நிகழ்ச்சியில உங்களை வெறுமனே மொழிபெயர்ப்பாளரா மட்டுமே வெச்சாங்களாமே, தனியா பேசுறதுக்கு டைமே தரலையாமே, இது பேரு கோஷ்டி பூசல் இல்லாம கோவக்கா பொரியலா)
* வந்தா ராஜாவாதான் வருவேன்! படம் பெரும் தோல்வியடைந்ததால் தியேட்டர் ஓனர்கள் உடனே அந்தப் படத்தை தூக்கிவிட்டார்களாம். உடனே சுந்தர்.சி போன் போட்டு ‘கொஞ்சம் வெயிட் பண்ணலாமே சார். காமெடி கலந்த மசாலா படம், லேட்டனாலும் பிக் அப் ஆகும்.’ என்றாராம்: செய்தி. (பாஸு தியேட்டர்காரங்க வெயிட் பண்ணலாம் ஆனா கேண்டீன்ல பப்ஸும், சமோசாவும் வெயிட் பண்ணாதே! எத்தனை நாள்தான் மூட்டையா கட்டி வெளியில கொட்டுவாங்க பாவம்.)
* வரி என்பது மக்கள் செலுத்தும் அளவில்தான் இருக்க வேண்டும். அதை மிஞ்சும் அளவில் இருக்கக்கூடாது. பிறகு அது மக்களின் வாழ்க்கைக்கு மிகப்பெரிய சுமையாக மாறிவிடும்: கே.எஸ்.அழகிரி. (வாவ்! வாட் எ தத்துவம் தல, இதுவரைக்கும் யாருமே சொல்லிடாத இப்படியொரு தகவலை சொல்லத்தானா நீங்க அரசரை தூக்கியடிச்சுட்டு தமிழக காங்கிரஸ் தலைவர் பதவியில வந்து உட்கார்ந்தீங்க? ஐ லைக் யூ.)
சேனலை கிளிக் செய்து பின்தொடரவும்
