டிடிவி தினகரனுக்கு ஆதரவு தெரிவித்து புதுச்சேரி ரிசார்ட்டில் தங்கியிருக்கும் ஏழுமலைக்கு எதிராக பூந்தமல்லி எம்.எல்.ஏ அலுவலகத்தை முற்றுகையிட்டு அதிமுகவினர் கோஷங்கள் எழுப்பி வருகின்றனர்.

அதிமுகவின் ஒபிஎஸ் அணியும் இபிஎஸ் அணியும் நேற்று முன்தினம் ஒன்றாக இணைந்தன. அமைச்சர்களின் பேச்சுவார்த்தையில் சமாதானமான ஒபிஎஸ் தலைமை அலுவலகம் சென்று எடப்பாடி பழனிசாமியுடன் கைகோர்த்து ஒன்றாக இணைந்ததாக அறிவித்தார்.

அங்கு ஒபிஎஸ்க்கு துணை முதலமைச்சர் பதவியும், கட்சி தலைமை ஒருங்கிணைப்பாளர் பதவியும் வழங்கப்பட்டது. பின்னர் சசிகலாவை நீக்க விரைவில் பொதுக்குழு கூட்டப்படும் என வைத்தியலிங்கம் எம்.பி தெரிவித்தார்.

இதனால் ஆத்திரமடைந்த டிடிவி தினகரன் ஆதரவு எம்.எல்.ஏக்கள் 19 பேர் ஆளுநர் வித்யாசாகர் ராவை சந்தித்து முதலமைச்சரை மாற்ற வேண்டும் எனவும் அவருக்கு அளித்த ஆதரவை வாபஸ் பெறுகிறோம் எனவும் கடிதம் அளித்தனர்.

இதையடுத்து 19 எம்.எல்.ஏக்களும் புதுச்சேரியில் உள்ள விண்ட் பிளவர் ரிசார்ட்டில் தங்கியுள்ளனர். காரணம், ஓய்வு எடுப்பதற்காகவே இங்கு தங்கியுள்ளதாக தெரிவித்தனர்.

இவர்களுக்கு எதிர்ப்பு தெரிவித்து புதுச்சேரியில் அதிமுகவினர் ரிசார்ட் முன்பு ஆர்பாட்டத்தில் ஈடுபட்டு வருகின்றனர். இந்த 19 எம்.எல்.ஏக்களில் ஒருவராக பூந்தமல்லி எம்.எல்.ஏ ஏழுமலையும் தங்கியுள்ளார்.

இந்நிலையில், பூந்தமல்லி எம்.எல்.ஏ அலுவலகத்தை அதிமுகவினர் முற்றுகையிட்டு ஏழுமலைக்கு எதிராக கோஷங்கள் எழுப்பி வருகின்றனர்.

பூந்தமல்லி எம்.எல்.ஏவை காணவில்லையாம்..!!! - டிடிவி ஆதரவு எம்.எல்.ஏக்களுக்கு வலுக்கும் எதிர்ப்பு

The Poonthamally MLAs office has been stirring up anti-LTTE slogans against the seven hills in Puducherry resort in support of DDV Dinakaran.

About the Author