Asianet News TamilAsianet News Tamil

சோஃபியா பொறந்த மண்ணில் சோன்பப்படி சகோதரர்... தாறுமாறாக சந்தோஷப்படும் தமிழிசை!

தூத்துக்குடி மாவட்ட அ.தி.மு.க. வக்கீல் அணி  தலைவரான செல்வக்குமார் ‘குஜராத்தின் காமராஜர்! டெல்லியின் எம்.ஜி.ஆர்!’ என்று மோடியை புகழ்ந்து போஸ்டர் ஒட்டியிருக்கிறார்

Tamilisai happy
Author
Tamil Nadu, First Published Jan 25, 2019, 10:49 AM IST

* நாற்பது தொகுதிகளையும் அலசி ஆராய்ந்து, ஸ்பெஷல் டீம் போட்டு சர்வே நடத்தி, தங்களுக்கு தோதான தொகுதி எவை? யாரை நிறுத்தினால் ஜெயிப்போம்! என்பதையெல்லாம் அதிரடியாய் முடிவெடுத்துவிட்டார் ஸ்டாலின்: செய்தி. (றெக்கைய கட்டிக்கிட்டேன், பறவையாட்டமா கீச் கீச்சுன்னு கத்தவும் செய்யுறேன், மலை மேல இருந்து குதிச்சும் பார்க்கிறேன் ஆனா பறக்க முடியாம, மறுபடி மறுபடி பொதக்கடீர்னு விழுந்து கால் ஒடையுது! ஏன்? எப்படித்தான் பறக்குறது # மொமெண்ட்)

* தூத்துக்குடி மாவட்ட அ.தி.மு.க. வக்கீல் அணி  தலைவரான செல்வக்குமார் ‘குஜராத்தின் காமராஜர்! டெல்லியின் எம்.ஜி.ஆர்!’ என்று மோடியை புகழ்ந்து போஸ்டர் ஒட்டியிருக்கிறார்: செய்தி. (அக்கா தமிழிசை நாளைக்கே ஃபிளைட்ட பிடிக்கிறாங்க, அந்த சகோவை சந்திக்கிறாங்க, பின்னே ‘சோஃபியா பொறந்த இதே மண்ணுல இப்படியொரு சோன்பப்படி சகோதரனா?’ன்னு பேட்டி தட்டி பாராட்டுறாங்க. )

* நமக்கு நாமே பயணம் ஆரம்பித்தபோது ‘கிராமத்து ஏழை வீட்டில் தங்குவேன்.’ அப்படின்னு சொன்ன ஸ்டாலின், தங்குனது என்னவோ ஸ்டார் ஹோட்டல்களில்தான்: நாஞ்சில் அன்பழகன். (அண்ணன் யாருப்பா, சொந்த கட்சி தலைவி ஆஸ்பத்திரியில உயிருக்கு போராடி படுத்துட்டு இருக்குறப்ப, ஒன்றரை கோடி ரூபாய்க்கு கேண்டீனுக்குள்லே பிரிச்சு மேய்ஞ்ச ஆளுங்க இருக்கிற அதே கட்சிக்காரன்தானே!)

* காங்கிரஸை குறை சொல்வதை தவிர வேறெந்த திட்டத்தையும் பி.ஜே.பி. செயல்படுத்தவில்லை: நாராயணசாமி. (விடுங்க தல! அவிய்ங்க எப்பவுமே அப்படித்தான். ஆனா நாம அரசாண்டப்ப பதினஞ்சே நாட்கள்ள தேசத்தை மாத்தி எழுதிட்டோம்ல!)

* மேகதாது பிரச்னையில் கர்நாடக அரசின் வீண் பிடிவாத போக்கை மத்திய அரசு முறியடிக்காமல்  வேடிக்கை பார்ப்பது நியாயமில்லை : ஜி.கே.வாசன். (அது கெடக்கட்டும்ணே. ‘ஈ.வி.கே.எஸ். இளங்கோவன், நமது கட்சியை கண்ணுக்கு புலப்படாத பொருள்’ அப்படின்னு கிண்டலடிச்சிருப்பதற்கு பதிலடி தராமல் தலைவர் வாசன் வேடிக்கை பார்ப்பது நியாயமில்லை.’ன்னு த.மா.கா. தொண்டன் கத்துறது காதுல விழுதா?)
 

Follow Us:
Download App:
  • android
  • ios