பிரிந்து சென்ற எம்.எல்.ஏக்கள் அதிமுக வீட்டை விட்டு வெளியே செல்லவில்லை எனவும் அனைவருக்கும் கட்சியும் ஆட்சியும் காப்பாற்றப்பட வேண்டும் என்ற எண்ணம் உள்ளது எனவும் வருவாய்த்துறை அமைச்சர் உதயக்குமார் தெரிவித்துள்ளார்.

நீண்ட நாள் பேச்சுவார்த்தைக்கு பிறகு எடப்பாடி அணியும் பன்னீர் அணியும் ஒன்றாக இணைந்தது. ஆனால் பன்னீர் அணி சசிகலாவை கட்சியில் இருந்து நீக்க வேண்டும் என வலியுறுத்தியதால் எடப்பாடியும் தலையசைத்தார்.

இதையடுத்து எம்.பி வைத்தியலிங்கம் சசிகலாவை நீக்க விரைவில் பொதுக்குழு கூட்டப்படும் என அறிவிப்பு வெளியிட்டார். இதனால் 19 எம்.எல்.ஏக்கள் எடப்பாடிக்கு எதிராக போர்கொடி தூக்கிவிட்டு தினகரனுகு ஆதரவு தெரிவித்தனர்.

இதனிடையே வைத்தியலிங்கத்தில் ஆரம்பித்து ஒவ்வொருவரையாக கட்சி பொறுப்பில் இருந்து எடப்பாடி தரப்பினரை டிடிவி தினகரன் அதிரடியாக நீக்கி வருகிறார்.

அதன்படி சில நாட்களுக்கு முன்பு வருவாய்த்துறை அமைச்சர் ஆர்.பி. உதயக்குமாரையும் கட்சி பொறுப்பில் இருந்து டிடிவி நீக்குவதாக அறிவித்தார்.

இந்நிலையில், செய்தியாளர்களை சந்தித்த ஆர்.பி உதயக்குமார், பிரிந்து சென்ற எம்.எல்.ஏக்கள் அதிமுக வீட்டை விட்டு வெளியே செல்லவில்லை எனவும் அனைவருக்கும் கட்சியும் ஆட்சியும் காப்பாற்றப்பட வேண்டும் என்ற எண்ணம் உள்ளது எனவும் தெரிவித்தார்.

புதுச்சேரியில் உள்ள எம்.எல்.ஏக்களுக்கு ஜெயலலிதாவின் நோக்கம் தெரியும் எனவும், யார் எங்கு சென்றாலும் ஆட்சியை கவிழ்க்க மாட்டார்கள் எனவும் குறிப்பிட்டார்.

ஜெயலலிதா மக்களுக்கு அளித்த வாக்குறுதிகளை நிறைவேற்ற வேண்டும் எனவும், அதனால் 5 ஆண்டு காலம் ஆட்சி நிலைக்கும் எனவும் உதயக்குமார் தெரிவித்தார்.

எம்.எல்.ஏக்கள் வீட்டை விட்டு வெளியே செல்லவில்லை - சூசகமாக பேசும் அமைச்சர் உதயக்குமார்....

Revenue Minister Udayakumar said that the breakaway MLAs did not leave the AIADMK and that everyone and the party should be preserved.

About the Author