மேதகு கவர்னர் துரைமுருகன்: எந்த மாநிலம் எசகுபிசகா சிக்கப்போவுதோ?! அய்யகோ!

* நான் படிச்சு ஐ.பி.எஸ். அதிகாரியா ஆகணும்னு நினைச்சேன். ஆனால் எங்க அண்ணனை ஸ்டெர்லைட் போராட்டத்துல போலீஸ் சுட்டுக் கொன்னதுல இருந்து போலீஸ் மேலே இருந்த மரியாதை போயிடுச்சு. எந்த வேலைக்குன்னாலும் போவேன், ஆனா போலீஸ் வேலைக்கு மட்டும் போக மாட்டேன்: காளியப்பனின் தங்கை ரதி.

Vishnu Priya

Chennai, First Published May 9, 2019, 1:24 PM IST

* பழனிச்சாமியின் மரண செய்தியை கேட்டு என் கணவர் மார்ட்டின் மிகுந்த வேதனையடைந்துள்ளார். பழனிசாமியின் குடும்பத்துக்கு நாங்கள் உறுதுணையாக என்றும் இருப்போம்: லீமா ரோஸ்
(கசாப்புக் கடைக்காரன் வெட்டுறதுக்கு முன்னாடி ஆடுக்கு தீவனம் போடுறதுல ஆச்சரியமில்லை, ஆனா பிரியாணிய பார்த்து பாய் கண்ணீர் விடுறதுதான் கடுப்பேத்துது.)

* என்னைப் பற்றி அவதூறு கிளப்பி, மீண்டும் என்னை சாதிய சாக்கடைக்குள் தள்ளிவிட முயற்சிக்கின்றனர் எதிர் அணியினர்: திருமாவளவன்.
(ஆமாண்ணே, நமக்கும் சாதிக்கும் என்ன சம்பந்தமிருக்குது? ஏதாச்சும் சாதிய வெச்சா நாம கட்சி நடத்துறோம், இல்லே ஒரு குறிப்பிட்ட சாதியோட நன்மைக்குன்னு சொல்லியா மேடையில முழங்குறோம்?)

* சீட் கிடைக்காத விரக்தியில் இருக்கும் சூலூர் தொகுதி மாஜி அ.தி.மு.க. அமைச்சர் செ.ம.வேலுசாமி, ‘ எனக்குன்னு தனி ஆதரவாளர்கள் பல ஆயிரக்கணக்குல இந்த தொகுதியில் இருக்கிறாங்க. நினைவிருக்கட்டும்.’ என்று சொல்லி ஆளும் அணிக்கு பேதி மாத்திரை கொடுக்கிறார்: செய்தி.
(க்கும், புள்ளையாரே மூஞ்செலியில போயிட்டிருக்காரு. இதுல பூசாரிக்கு புல்லட்டு கேக்குதா? ஆனானப்பட்ட எடப்பாடியார் நிலவரமே கலவரமா கெடக்குற நேரத்துல, மாஜி செ.ம.வுக்கு இந்த மப்பு தேவையா?)

* உதயநிதியை சென்னையின் மேயர் பதவிக்கு போட்டியிட வைக்கவும், காங்கிரஸ் ஆட்சி அமைந்தால் துரைமுருகனை ஏதோ ஒரு மாநில கவர்னராக்கிவிடவும் தி.மு.க.வின் உயர் நிர்வாகிகள் யோசனை: செய்தி.
(முதல் யோசனையாச்சும் ‘எல்லாம் நம்ம தலையெழுத்து’ன்னு விட்டுத் தொலையலாம். ஆனால் இந்த ரெண்டாவதை நினைச்சால்தான் வயிறு கலங்குது. கிரண்பேடியெல்லாம் பிச்சையெடுக்குற அளவுக்கு அந்த முதலமைசருக்கு எதிராக தலைமை செயலகத்துக்கு வெளியில துரை நடத்தப்போகும் ஆட்டத்தை நினைச்சா...)

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப்

சேனலை கிளிக் செய்து பின்தொடரவும்