அப்போ இனித்த குஷ்பு... இப்போ கசக்குதா?
* கோவையில் பிரதமர் மோடியின் கூட்டத்துக்கு பல்வேறு ஊர்களில் இருந்தும் ஏழை ஆண்கள், பெண்கள் காசு கொடுத்து ஏராளமான பஸ்களில் அழைத்து வரப்பட்டனர்: செய்தி.
* கோவையில் பிரதமர் மோடியின் கூட்டத்துக்கு பல்வேறு ஊர்களில் இருந்தும் ஏழை ஆண்கள், பெண்கள் காசு கொடுத்து ஏராளமான பஸ்களில் அழைத்து வரப்பட்டனர்: செய்தி.
(வசிக்க வீடு இல்லாமல் ஃப்ளைட்லேயே படுத்து தூங்கி, பிரஷ் பண்ணி, குளிச்சு, சாப்பிட்டு வாழும் ஒரு ஏழைத்தாயின் மகனை பார்க்க, ஏழை மக்கள் அன்பளிப்பு மற்றும் ஊக்கத்தொகை கொடுத்து அழைத்து வரப்படுறது ஒரு குத்தமாய்யா! என்ன நாடுங்ணா இது?)
* எங்களை பி.ஜே.பி.யின் தேசிய தலைவர் அமித்ஷா அழைத்து பேசினார். அதனால் பார்க்க சென்றோம். அப்போது, விவசாயிகளின் ஆறு கோரிக்கைகளில் ஐந்தை நிறைவேற்றிவிட்டதாக கூறினார். அதற்கு சந்தோஷம் என கூறிவிட்டு வந்தோம்: அய்யாக்கண்ணு.
(தலைநகர்ல உங்க டீம் பிறந்த மேனியில தாறுமாறான போராட்டம் நடத்துனப்ப ஒரு டவல் கூட கொடுக்காத மனிதர், இப்போ உங்களை கூப்பிட்டார்னா நீங்க போவீங்க, வெறும் வாக்குறுதிகளுக்கே சந்தோஷப்படுவீங்க. அய்யா கண்ணு....பப்பு வேகலையே! நாங்க பப்புன்னு சொன்னது பருப்பை)
* ’நதிகள் இணைப்புக்கு ஆணையம் அமைக்கப்படும்!ன்னு பி.ஜே.பி. சொன்னதை வரவேற்கிறேன்.’ அப்படின்னு ரஜினி சார் சொன்ன சாதாரண ஸ்டேட்மெண்டுக்கு ஏன் இவ்வளவு சப்தம் எழுப்புறீங்க ஊடகங்கள்?: குஷ்பூ.
(க்கும், இப்ப மட்டும் ஊடகங்களோட சப்தம் கசக்குதோ மேடம்? ருத்ராட்ச கொட்டையில் தாலி, கற்பு பற்றி கசமுசா கருத்துக்கள்-ன்னு நீங்க சொன்னப்ப ஊடகங்கள் அதை வைரலாக்குனப்பல்லாம் கம்முன்னு ரசிச்சீங்களே! வாட் இஸ் திஸ் குஷ்பூ?)
* தமிழகத்தில் ஏழாயிரத்து எழுநூற்று எண்பது வாக்கு பதிவு மையங்கள் பதற்றமானவை என்று கண்டறியப்பட்டுள்ளது: சத்யபிரதா சாஹு.
(தல, இதெல்லாம் இப்போதைய நிலைமை. ஆளும் கூட்டணிக்கு ஆதரவில்லைன்னு கடைசி நேரத்துல தகவல் ஏதாச்சும் வந்து விழட்டும், அப்புறம் மொத்த தமிழ்நாடுமே பதற்றமான வாக்குப்பதிவு மாநிலமா மாறுறதை நீங்க இருந்த இடத்துல இருந்தே பார்ப்பீங்க.)
* கோவை மாவட்டம் மட்டுமின்றி, தமிழகம் முழுக்கவே நிலவும் அசாதாரண சூழ்நிலையின் காரணமாக எனக்கு முன்பு வழங்கப்பட்டதை போல் பாதுகாப்பு வேண்டும்: பொள்ளாச்சி ஜெயராமன்.
(வர்ரே வாவ்! ஒரு மாநிலத்தின் சட்டமன்ற துணை சபாநாயகரே அந்த மாநிலத்தின் சட்ட ஒழுங்கில் அசாதாரண சூழல் நிலவுது, பாதுகாப்பு வேணுமுன்னு கேக்குறார் அப்படின்னா, தேர்தல் ஆணையமும், குடியரசு தலைவரும் என்ன பண்ணிண்டு இருக்கேள்?)
சேனலை கிளிக் செய்து பின்தொடரவும்
