8 மாதம் இல்லை; 80 வருடம் ஆனாலும் திமுக ஆட்சிக்கு வராது.. மாஸ் காட்டும் அமைச்சர் ஜெயக்குமார்..!
சென்னை அண்ணா அறிவாலயத்தில் நேற்று திமுகவின் பொதுக்குழு கூட்டத்தில் நிர்வாகிகள் மத்தியில் பேசிய முக ஸ்டாலின், இன்னும் 8 மாதத்தில் திமுக ஆளுங்கட்சியாக மாறும் என்று நம்பிக்கை தெரிவித்தார்.
8 மாதம் இல்லை; 80 வருடம் ஆனாலும் திமுக ஆட்சிக்கு வராது. மீண்டும் அதிமுக ஆட்சிதான் என மீன்வளத்துறை அமைச்சர் ஜெயக்குமார் கூறியுள்ளார்.
சென்னை அண்ணா அறிவாலயத்தில் நேற்று திமுகவின் பொதுக்குழு கூட்டத்தில் நிர்வாகிகள் மத்தியில் பேசிய முக ஸ்டாலின், இன்னும் 8 மாதத்தில் திமுக ஆளுங்கட்சியாக மாறும் என்று நம்பிக்கை தெரிவித்தார்.
இந்நிலையில், சென்னையில் செய்தியாளர்களை சந்தித்த மீன்வளத்துறை அமைச்சர் ஜெயக்குமார்;- 8 மாதம் இல்லை; 80 வருடம் ஆனாலும் திமுக ஆட்சிக்கு வராது. மீண்டும் அதிமுக ஆட்சிதான். மேலும், பேசிய அவர் தற்கொலை எதிர்ப்பு நாளான இன்று இளைஞர்கள் தன்னம்பிக்கையை வளர்த்துக்கொள்ள வேண்டும். முயற்சியை கைவிடாமல் உழைத்தால் வாழ்க்கையில் வெற்றி பெறலாம்.
இளைஞர்களை அதிகமாக கொண்ட இயக்கம் அண்ணா திராவிட முன்னேற்ற கழகம். வேலையில்லா திண்டாட்டம் தமிழகம் மட்டுமல்ல இந்தியா முழுவதும் உள்ளது என அமைச்சர் ஜெயக்குமார் கூறியுள்ளார். முன்னதாக 8 மாதங்கள் அல்ல எத்தனை ஆண்டுகள் ஆனாலும் திமுக ஆட்சிக்கு வர முடியாது என வருவாயத்துறை அமைச்சர் ஆர்.பி.உதயகுமார் கூறியிருந்தது குறிப்பிடத்தக்கது.
சேனலை கிளிக் செய்து பின்தொடரவும்
