கடந்த சில நாட்களாகவே மோடி மற்றும் ஆர்.எஸ்.எஸ். இடையே கடும் பனிப்போர் நிலவி வருகிறது. அதுவும் 5 மாநிலத் தேர்தலில் பாஜக பெரும் தோல்வியை சந்தித்தபிறகு வரும் நாடாளுமன்றத் தேர்தலில் மோடியை  பிரதமர் வேட்பாளராக  அறிவிக்க ஆர்.எஸ்.எஸ். இயக்கம் தயக்கம் காட்டி வருகிறது. இது தற்போது நிதின் கட்கரி மூலம் வெடிக்கத் தொடங்கியுள்ளது.

இது தொடர்ப்ன டெல்லியில் பேசிய  மத்திய அமைச்சர் நிதின் கட்கரி, கட்சியின் தலைவருக்கு எம்.எல்.ஏ.க்களும், எம்.பி.க்களும் கட்டுப்படவில்லை என்றால் தலைவர் சரியில்லை என்றுதானே அர்த்தம் என கேள்வி எழுப்பியுள்ளார்.

தொடர்ந்து பேசிய அவர் , சகிப்புத்தன்மை  என்பது மிகப்பெரிய சொத்து என்று தெரிவித்த நிதின் கட்கரி, இந்தியா ஒரு தேசமல்ல, மக்களின் தொகுப்பு என்றும், முன்னாள் பிரதமர் நேருவைத் தனக்குப் பிடிக்கும் என்றும் கூறினார்.

அடுத்துப் பேசிய அவர், விரச்சனைகளுக்கு  தீர்வு கொடுக்க முடியாத ஒருவர், குறைந்தபட்சம் பிரச்சினைகளை உருவாக்காமல் இருக்க வேண்டும் என மோடியையும், அமிர்ஷ்வையும் தாக்கிப் பேசினார்.

மேலும், ஆட்சிகள் மாறிக்கொண்டிருந்தாலும் நாடு அப்படியேதான் இருக்கும். இந்த நாடு எந்தவொரு கட்சிக்கோ அல்லது தனிநபருக்கோ சொந்தமானது அல்ல, 120 கோடி மக்களுக்குச் சொந்தமானது அமைச்சர் நிதின் கட்கரி கூறினார்.

அண்மையில் நடந்து முடிந்த ஐந்து மாநில சட்டமன்றத் தேர்தலில் மூன்று மாநிலங்களில் பாஜக ஆட்சியை இழந்து படுதோல்வியைச் சந்தித்தது. கடந்த வாரம்,  புனேவில் நடைபெற்ற நிகழ்ச்சி ஒன்றில் பேசிய நிதின் கட்கரி, தேர்தல்களில் தோல்வியடைந்தால் கட்சியின் தலைமைதான் அதற்குப் பொறுப்பேற்க வேண்டும் என்று கூறியிருந்ததாக ஊடகங்களில் செய்திகள் வெளியாகின. ஆனாலும்  தனது கருத்து தவறாகச் சித்திரிக்கப்பட்டுள்ளது என்று கட்கரி சமாளித்தார்.

இந்நிலையில் மோடி – அமித் ஆகிய இருவரையும் கடந்த சில நாட்களாவே டார்கெட் பண்ணி வரும் நிதின் கட்கரியை  ஆர்.எஸ்.எஸ் கொம்பு சீவி விடுகிறதா ? என கூறப்படுகிறது.