மோடி உடைத்த மம்தா பானர்ஜி ரகசியம்..!
ஒரு மாநிலத்திலிருந்து மற்றொரு மாநிலத்திற்கு பி.ஜே.பி. தலைவர்கள் பிரசாரத்திற்கு வசதியாக செல்ல வேண்டும் என்பதற்காகவே இவ்வளவு நீண்ட நாட்களாக, ஆசுவாசமாக தேர்தலை நடத்துகிறது மோடி அரசு
* இப்போதைய மத்திய அரசால் மக்கள் எண்ணற்ற இன்னல்களுக்கு ஆளாகி வருகின்றனர். கடும் நெருக்கடிகள் தரப்படுகின்றன ஆட்சியாளர்களால். எனவே ஆட்சி மாற்றத்தை மக்கள் விரும்புகின்றனர்: பிரியங்கா காந்தி. (யக்கோவ்! நீங்க ‘மக்கள், மக்கள்’ன்னு சொல்றதை நாங்க உங்க வூட்டுக்காரர் வதோர, வதோரான்னு புரிஞ்சுக்கணும் அப்படித்தானே. அந்நியசெலாவணி விவகாரத்துல அமலாக்கத்துறைட்ட சிக்கி அவர் நூடுல்ஸ் ஆகுறதை மனசுல வெச்சுட்டுதானே இப்படி புலம்பறீங்க?)
* தொடர் குண்டுவெடிப்புகள் நிகழ்ந்த நிலையில், இலங்கை தலைநகர் கொழும்பு அருகே வெடிகுண்டு தொழிற்சாலை கண்டுபிடிக்கப்பட்டுள்ளது. அதிபர், அமைச்சரவை, மக்கள் அதிர்ச்சி: செய்தி (பயபுள்ளைங்க, செஞ்சோலையில பிஞ்சுக் குழந்தைங்க முடங்கிக் கிடந்த குழிகளை தேடி கண்டுபிடிச்சு குண்டு வீசி கொன்னானுங்க. ஆனா இப்ப தங்களோட தலைநகர்ல பயங்கரவாத ஃபேக்டரி இயங்குனதையே கோட்டை விட்டிருக்காங்க. தெய்வம் மட்டுமல்ல புத்தனும் நின்னு கொல்வார் போல!)
* ஜெயலலிதாவின் மரணம் குறித்து விசாரணை நடத்தி வரும் ஆறுமுகசாமி விசாரணை ஆணையம் தொடர்ந்து இயங்குமா, தடை வருமா? என்பது பற்றி நீதிமன்ற விசாரணை நடக்க இருக்கிறது: செய்தி. (ஏங்க இன்னுமாங்க அந்த ஆறுமுகசாமி அய்யா விசாரணை நடத்திட்டு இருக்காரு? அட போங்க பாஸு. அம்மாவோட ஆன்மாவே ஆணையத்துக்கு வந்து ‘மிஸ்டர் ஆறுமுகசாமி, ஸ்டாப் திஸ்’ன்னு சொல்ற வரைக்கும் நல்லாவே ஓட்டுவாய்ங்க போலிருக்குதே)
* நடந்து முடிந்த தேர்தலின் கள நிலவரம் குறித்து மு.க.ஸ்டாலினை சந்தித்து பேசிவிட்டு வருகிறேன். கூடிய விரைவில் மத்தியிலும், மாநிலத்திலும் ஆட்சி மாற்றம் வரும். குறிப்பாக தமிழகத்தை ஆளும் அ.தி.மு.க. அரசு வீட்டுக்கு அனுப்பப்படும், தி.மு.க.வின் ஆட்சி அமையும்: ஜவாஹிருல்லாஹ். (ஒண்ணுமில்லைங்க, ஸ்டாலினை சந்திச்சுட்டு வந்திருக்கார்ல இன்னும் ரெண்டு மூணு நாளைக்கு இதே டைப்லதான் பேசுவாப்ல. அடிச்ச காத்து அப்படித்தான் அவரைப் பேச வைக்கும். அப்புறம் தானா நார்மலாகிடுவார்.)
* ஒரு மாநிலத்திலிருந்து மற்றொரு மாநிலத்திற்கு பி.ஜே.பி. தலைவர்கள் பிரசாரத்திற்கு வசதியாக செல்ல வேண்டும் என்பதற்காகவே இவ்வளவு நீண்ட நாட்களாக, ஆசுவாசமாக தேர்தலை நடத்துகிறது மோடி அரசு: மம்தா பானர்ஜி (க்கும், மக்கள்ட்ட பேசுறப்ப மட்டும் மோடிய கன்னாபின்னான்னு திட்டுங்க. அப்புறம் அவருக்கு வருஷா வருஷம் குர்தாவும், ஸ்வீட்ஸும் அனுப்புறதை என்னைக்காவது ஓப்பனா சொல்லி இருக்கீங்களா?இப்ப அவரு ரகசியத்தை போட்டு உடைச்சு, கடையை காலி பண்ணிட்டாரு பாருங்க.)
சேனலை கிளிக் செய்து பின்தொடரவும்
