சென்னை ராயப்பேட்டை தலைமை அலுவலகத்தில் அதிமுகவின் அமைச்சர்கள், எம்.எல்.ஏக்கள் மற்றும் கட்சி நிர்வாகிகள் கூட்டம் முதலமைச்சர் எடப்பாடி பழனிச்சாமி தலைமையில் தொடங்கியது. இதில் பொதுக்குழு கூட்டுவது, கட்சி சின்னத்தை மீட்பது குறித்து ஆலோசனை செய்து வருவதாக தகவல் வெளியாகியுள்ளது.

முதலமைச்சர் எடப்பாடி பழனிசாமிக்கு அளித்த ஆதரவை வாபஸ் பெறுவதாக, தினகரன் ஆதரவு எம்.எல்.ஏக்கள் 19 பேர் ஆளுநரிடம் கடிதம் அளித்தனர்.

இதனால் அந்த 19 எம்.எல்.ஏக்களையும் தகுதி நீக்கம் செய்யக் கோரி தமிழக அரசின் கொறடா ராஜேந்திரன் சபாநாயகருக்கு பரிந்துரை செய்தார்.

அதன் பேரில், ஏன் நடவடிக்கை எடுக்கக்கூடாது என்று விளக்கம் கேட்டு சபாநாயகர் தனபால் தினகரன் ஆதரவு எம்.எல்.ஏஎக்களுக்கு நோட்டீஸ் அனுப்பியுள்ளார்.

ஆனால் எங்கள் மீது நடவடிக்கை எடுக்கமுடியாது எனவும் சபாநாயகர் அனுப்பிய நோட்டிஸுக்கு பதில் அளிக்க மாட்டோம் எனவும் தினகரன் தரப்பு கூறி வருகின்றனர்.

இந்நிலையில், முதலமைச்சர் எடப்பாடி பழனிசாமி தலைமையில், சென்னை ராயப்பேட்டையில் உள்ள அதிமுக தலைமை அலுவலகத்தில் எம்.பிக்கள்., எம்எல்ஏக்கள் மற்றும் மாநில நிர்வாகிகள் கூட்டம் தொடங்கியுள்ளது.

இந்த கூட்டத்தில், துணை முதலமைச்சர் பன்னீர்செல்வம், அமைச்சர்கள், மாநில நிர்வாகிகள் உள்ளிட்டோர் கலந்து கொண்டுள்ளனர்.

இதில், அ.தி.மு.க. பொதுக்குழு மற்றும் செயற்குழு கூட்டத்திற்கான தேதி முடிவு செய்யப்படும் எனவும், கட்சி சின்னத்தை மீட்பது குறித்து ஆலோசனை செய்து வருவதாகவும் தகவல்கள் வெளியாகி உள்ளன.

மேலும், ஏற்கனவே இரு தரப்பிலும் தாக்கல் செய்யப்பட்ட பிரமானப்பத்திரங்களை திரும்ப பெறுவது குறித்தும் ஆலோசனை செய்யப்பட்டு வருகிறது. பொதுக்குழுவை செப்டம்பரில் கூட்ட முடிவெடுக்கப்படலாம் என தகவல் வெளியாகியுள்ளது.

தொடங்கியது அதிமுக நிர்வாகிகள் கூட்டம்... - கட்சி, சின்னத்தை மீட்க முடிவு?

Leaders of AIADMK MLAs and party executives met at the headquarters of Chennai Royapettah headed by Chief Minister Edappadi Palanisamy

About the Author