டிடிவி தினகரன் அணியில் இருந்ததால் எம்.எல்.ஏ பதவியில் இருந்து நீக்கம் செய்யப்பட்ட தங்க தமிழ்செல்வனின் உதவியாளர் கனகராஜ் வீட்டில் வருமான வரித்துறை அதிகாரிகள சோதனையில் ஈடுபட்டு வருகின்றனர்.

சசிகலாவையும் டிடிவியையும் கட்சியில் நீக்க வேண்டும் என்று முடிவெடுத்த எடப்பாடிக்கு எதிர்ப்பு தெரிவித்து 19 எம்.எல்.ஏக்கள் அணி தாவினர். அதில் ஆண்டிபட்டி எம்.எல்.ஏவாக இருந்த தங்க தமிழ் செல்வனும் ஒருவர்.

அப்போது எடப்பாடி மற்றும் பன்னீர்செல்வத்திற்கு எதிராக ஓடி ஓடி பேட்டி கொடுத்து தன்னை பிரபல படுத்தி கொண்டவர் இதே தங்க தமிழ்செல்வன். அதற்காக தனது எம்.எல்.ஏ பதவியையும் இழந்தார்.

பல்வேறு அரசியல் கட்ட நடவடிக்கைகளுக்கு பின்னர், நேற்று சசிகலாவின் உறவினர்களுக்கு சொந்தமான 187 இடங்களில் 1800 வருமான வரித்துறை அதிகாரிகள் அதிரடி சோதனை நடத்தினர்.

அதில் 40 இடங்களில் சோதனை முடிவுற்றது. மொத்தமாக நடைபெற்ற சோதனையில் ஏராளமான ஆவணங்கள், போலி நிறுவனங்கள் உள்ளிட்டவை கண்டறியப்பட்டுள்ளன. மேலும் 147 இடங்களில் இன்றும் சோதனை நடைபெற்று வருகிறது.

அந்த வரிசையில் தற்போது கம்பத்தில் உள்ள தங்க தமிழ் செல்வனின் உதவியாளர் கனகராஜ் வீட்டிலும் வருமான வரித்துறை அதிகாரிகள் சோதனையில் இறங்கியுள்ளனர். தங்க தமிழ்செல்வனை பிடிக்கவே இந்த ரெய்டின் நோக்கமாக இருக்குமோ என்ற எதிர்ப்பார்ப்பு எழுந்துள்ளது.

அடுத்த ஆப்பு தங்க தமிழ் செல்வனுக்கு தானோ? உதவியாளர் வீட்டில் உள்ளே புகுந்த வருமான வரித்துறை...!

Income Tax Department officials raid will continue the thanga thamilselvan helper home

About the Author