நீட் தேர்வு விவகாரத்தில் டெல்லி சென்ற முதலமைச்சர் உள்ளிட்ட அமைச்சர்கள் நல்லது நடக்கும், நல்லது நடக்கும் என்று பேட்டி கொடுத்தார்களே அது இதுதானா ? என திமுக செய்ல தலைவர் மு.க.ஸ்டாலின் கேள்வி எழுப்பினார்.

நீட் தேர்வில் இருந்து தமிழகத்துக்கு ஓர் ஆண்டு விலக்கு கிடைக்கும் என்று முதலமைச்சர் எடப்பாடி பழனிசாமி உள்ளிட்ட அமைச்சர்கள் தொடர்ந்து கூறி வந்தனர்.

மேலும் இது தொடர்பாக அவசரச் சட்டம் ஒன்றையும் இயற்றி மத்திய அரசுக்கு அனுப்பி வைத்தனர். ஆனால் உச்சநீதிமன்றத்தில் மத்திய அரசு அடித்த திடீர் பல்டியால் நீட் தேர்வின் அடிப்படையில்தான் மருத்துவ மாணவர் சேர்க்கை நடைபெற வேண்டும் என நீதிபதிகள் தீர்ப்பு அளித்தனர்.

இதனைக் கண்டித்து தமிழகத்தில் திமுக உள்ளிட்ட எதிர்கட்சிகளின் சார்பில் இன்று சேப்பாக்கத்தில் கண்டன ஆர்ப்பாட்டம் நடைபெற்றது. இதில் பங்கேற்றுப் பேசிய திமுக செயல் தலைவர் மு.க.ஸ்டாலின், திமுக ஆட்சியில் இருந்தவரை நீட் தேர்வை தமிழகத்திற்குள் நுழையவிடவில்லை என தெரிவித்தார்.

தற்போது மாநில சுயாட்சியை பாதுகாக்க வேண்டிய கட்டாய சூழ்நிலை உருவாகியுள்ளதாகவும், அதனை காக்க நாம் அனைவரும் ஒன்றிணைந்து போராட்டம் நடத்த வேண்டும் என தெரிவித்தார்.

நீட் தேர்வில் இருந்து தமிழகத்திற்கு விலக்கு அளிக்க வேண்டும் என சட்டப்பேரவையில் ஒரு மனதாக தீர்மானம் நிறைவேற்றியும், மத்திய அரசு அதைக் கண்டுகொள்ளவில்லை என குற்றம் சாட்டினார்.

கிராமப்புற மாணவர்கள் டாக்டர் ஆவதை மத்தியில் ஆளும் பாஜக அரசு தடுத்து வருவதாகவும் ஸ்டாலின் தெரிவித்தார்.

முதலமைச்சரும், அமைச்சர்களும் டெல்லிக்கு செல்லும்போதெல்லாம், நீட் தேர்வு விவகாரத்தில் நல்லது நடக்கும், நல்லது நடக்கும் என்று தொடர்ந்து கூறிவந்ததன் அர்த்தம் இப்போதுதான் புரிகிறது என்றும், அவர்களுக்கு என்ன நல்லதோ அதை மட்டுமே செய்துள்ளார்கள் என்றும் ஸ்டாலின் குறிப்பிட்டார்.

நல்லது நடக்கும்..நல்லது நடக்கும்னு சொன்னீங்களே அது இதுதானா? - நீட் தேர்வுக்கு எதிராக ஸ்டாலின் பேச்சு !!

In Delhi where the Chief Minister of the Delhi High Court has held the matter it is good that the interviews would be good and good. DMK leader MK Stalin questioned.

About the Author