*    தனது பேச்சுக்கு கமல்ஹாசன் மன்னிப்பு கேட்க வேண்டும். இல்லையென்றால் அவரது தயாரிப்பில் வெளியாகும் ‘கடாரம் கொண்டான்’ படம் ஓடாது, எதிர்த்து போராடுவோம்: இந்து முன்னணி சுப்பிரமணியம். 
(இதத்தானே அவரும் எதிர்பார்த்தாரு. ‘அதிர்ஷ்டமில்லா விக்ரமை வெச்சு படம் எடுத்துடோமே! எப்படி காசை பார்க்கப்போறோம்?’ன்னு கமல் பயந்துனே இருந்தாரு. இந்தா வந்துட்டாங்கல்ல அந்தப் படத்துக்கு ஃப்ரீ விளம்பரம் கொடுத்து, ஓட வைக்கிற பயலுவ)

*    அ.தி.மு.க. ஆட்சி  முடிவுக்கு வரும்போது, ரஜினி நிச்சயம் அரசியலுக்கு வருவார். எனவே ரசிகர்கள் கவலை கொள்ள வேண்டாம்: தமிழருவி மணியன். 
(அட மணியண்ணே, நீ இன்னுமே போயஸ் கார்டனுக்கு பக்கத்துலதான் குந்திகினு இருக்கியா! உன்னை உசுப்பி விட்டுட்டு அந்தாளு ரெண்டு படத்தை முடிச்சுட்டாரு, பொண்ணுக்கு ரெண்டாவது கல்யாணத்தையும் முடிச்சுட்டாரேய்யா!)

*    தேர்தல் முடிவுக்குப் பின் மத்தியில் மட்டுமில்லை, தமிழகத்திலும் ஆட்சி மாற்றம் நிச்சயம். ஆனால் இப்போது ஆட்சி கையிலிருக்கும் நம்பிக்கையில் தேனி எம்.பி. ரவீந்திரநாத் குமார்! என்று கல்வெட்டில் பொறுத்துள்ளனர்: நல்ல கண்ணு. 
(அப்படியே தேனியில தோத்தாலும், பி.ஜே.பி.ட்ட பன்னீர் காட்டுற பணிவுல வாரணாசி, அலகாபாத்துன்னு எங்கேயாச்சும் ஒரு ராஜ்யசபா எம்.பி. பதவி அவர் மகனுக்கு கிடைக்கமாலா போயிடும்?

*    கனிமொழி தூத்துக்குடி தொகுதியில் அதிக வாக்குகள் வித்தியாசத்தில் வெல்வார். அமைய இருக்கும் காங்கிரஸ் ஆட்சியில், மத்திய அமைச்சரவையில் அவருக்கு ஒரு முக்கிய பொறுப்பு காத்துக் கொண்டிருக்கிறது: கே.என்.நேரு
(அந்தம்மா நாட்டோட உள்துறை அமைச்சரே ஆனாலும், உங்க தம்பி ராமஜெயம் கொலை வழக்கு முடிவுக்கு வரப்போறதில்லை. பின்னே ஏண்ணே இந்த சீனெல்லாம்? தண்ணியக்குடி தண்ணியக்குடி!)


*    கமல்ஹாசனின் சகோதரி மகன் பாஸ்டருக்கு படித்துக்  கொண்டிருக்கிறார், இது போக கமலின் குடும்பமே கிறிஸ்துவ மதத்துக்கு மாறிவிட்டது. அவரது கட்சிக்கு பின்னால் தேவாலயங்கள் உள்ளன: ஹெச்.ராஜா. 
(அண்ணே நீங்க கமலோட இப்படி வெறித்தனமான ரசிகனா இருப்பீங்கன்னு நினைக்கலை. அவரோட குடும்பத்து ஆளுங்களோட பொழைப்பை கூட தெரிஞ்சு வெச்சிருக்கீங்களே, நீங்கதான் நம்மவரின் தெறி ரசிகன்.)