மோடிக்கு நேரமே இல்லையாம்! குதிச்சுக் குதிச்சு துண்டு போடும் திருமா!
நேரம் மற்றும் வேலைப்பளுவின் காரணமாகவே பிரதமரால் கஜா புயல் பாதிப்பு பகுதிகளை நேரில் பார்வையிட வரமுடியவில்லை!: என மத்திய இணையமைச்சர் பொன்.ராதாகிருஷ்ணன் கூறியுள்ளார்.
* ஐந்து மாநில சட்டசபை தேர்தல் முடிவுகளில் யாருக்கும் பின்னடைவு இல்லை. இது ராகுலுக்கும், மோடிக்கும் இடையிலான போட்டியுமல்ல. இந்த தேர்தலானது மக்களின் வெளிப்பாடு!: கிரண் பேடி இவ்வாறு கூறியுள்ளார். (அதாவது ஈயம் பூசுனா மாதிரியும் இருக்கணும், பூசாத மாதிரியும் இருக்கணும்! அப்படிங்கிறா மாதிரி அழகா நழுவி பேசுறீங்களே மேடம்!)
* நேரம் மற்றும் வேலைப்பளுவின் காரணமாகவே பிரதமரால் கஜா புயல் பாதிப்பு பகுதிகளை நேரில் பார்வையிட வரமுடியவில்லை!: என மத்திய இணையமைச்சர் பொன்.ராதாகிருஷ்ணன் கூறியுள்ளார். (234 சட்டசபை தொகுதிகள், 39 நாடாளுமன்ற தொகுதிகளை கொண்ட தமிழ்நாட்டின் பிரச்னையை கவனிக்கிறது, இந்திய பிரதமரோட ‘வேலைகள் லிஸ்ட்’டில் இல்லைன்னு தெளிவா சொல்லிட்டீங்க தல)
* இடைத்தேர்தலில் குறைந்தபட்சம் 18 தொகுதிகளில் தி.மு.க. கூட்டணி வெற்றி பெற்று, பொதுத்தேர்தலை சந்திக்காமலேயே ஆட்சி அமைக்கும்!: என்று வைகோ கூறியுள்ளார். (அது சரிண்ணே, இந்த இடத்துல ஒரு டவுட்டு. இருபது தொகுதி இடைத்தேர்தல்ல தி.மு.க. கூட்டணியில இருக்கப்போற நீங்க, அடுத்த பொதுத்தேர்தல்ல எந்த கூட்டணிக்கு போவீங்க?)
* தன் பிரசாரத்தின் மூலம் காங்கிரஸுக்கு மாபெரும் வெற்றியை ஈட்டித் தந்துள்ளார் ராகுல். அடுத்து வரும் நாடாளுமன்ற தேர்தலில் மதச்சார்பற்ற கூட்டணியைத் தலைமை ஏற்று வழிநடத்த அவர் தகுதியானவர்தான் என்பதை இதன் மூலம் நிரூபித்துள்ளார்: என திருமாவளவன் பாராட்டியுள்ளார்.
(சரி, சரி தல. ஒரு வேளை ஸ்டாலின் கைவிட்டாலும் காங்கிரஸ் கைவிட கூடாதுங்கிற முன்னெச்சரிக்கையில கூட்டணிக்கு நீங்க குதிச்சுக் குதிச்சு துண்டு போடுற சாணக்கியத்தனத்தை பார்க்கிறப்ப...அட! அட! அட!)
* ஐந்து மாநில தேர்தல் முடிவுகள் வரும் நாடாளுமன்ற தேர்தலில் எதிரொலிக்காது. இந்த மாநிலங்களில் நீண்ட காலம் பா.ஜ.க. ஆட்சியில் இருந்ததால் மக்கள் இம்முறை மாற்றி ஓட்டுப் போட்டுள்ளனர் அவ்வளவே!: என்று டாக்டர்.கிருஷ்ணசாமி கூறியுள்ளார். (அதான் டாக்டரே அறுத்து, ஆராய்ஞ்சு உங்களுக்கு சப்போர்ட் பண்ணி சொல்லிட்டாரே அமித்ஷாஜி. பின்னே என்ன நாடாளுமன்ற தேர்தல்ல, நாற்பதுல அவருக்கு ஒரு இருபதை கொடுத்து கூட்டணியை கப்புன்னு கன்ஃபர்ம் பண்ணிடுங்க. நாற்பதும் நமதே!)
சேனலை கிளிக் செய்து பின்தொடரவும்
