கடும்போட்டிக்கு இடையே அடிச்சு தூக்கிய டி.ஆர்.பாலு..! மு.க.ஸ்டாலின் கொடுத்த முக்கிய பதவி..!
சென்னையில் நடைபெற்ற திமுக மக்களவை உறுப்பினர்களின் ஆலோசனை கூட்டத்தில், திமுக மக்களவை குழு தலைவராக டி.ஆர்.பாலு ஒருமனதாக தேர்வு செய்யப்பட்டார்.
சென்னையில் நடைபெற்ற திமுக மக்களவை உறுப்பினர்களின் ஆலோசனை கூட்டத்தில், திமுக மக்களவை குழு தலைவராக டி.ஆர்.பாலு ஒருமனதாக தேர்வு செய்யப்பட்டார்.
திமுக தலைவர் மு.க. ஸ்டாலின் தலைமையில் திமுக புதிய எம்பிக்கள் கூட்டம் சென்னையில் மாலையில் நடைபெற்றது. அண்ணா அறிவாலயத்தில் மாலை 5 மணிக்கு கூடிய இந்த கூட்டத்தில் உதயசூரியன் சின்னத்தில் போட்டியிட்டு வெற்றி பெற்ற 23 மக்களவை உறுப்பினர்களும், இடைத்தேர்தலில் வெற்றி பெற்ற 13 எம்.எல்.ஏ.க்களும் கலந்து கொண்டனர். குறிப்பாக, ஈரோடு - கணேசமூர்த்தி, பெரம்பலூர் - பச்சமுத்து, விழுப்புரம் - ரவிக்குமார், நாமக்கல் - சின்ராஜ் ஆகியோருக்கும் அழைப்பு விடுக்கப்பட்டது. 
இந்த கூட்டத்தில் மக்களவை திமுக குழு தலைவர் பதவி யாருக்கு? என்பது குறித்து முடிவு செய்யப்படும். இந்த பதவியை பிடிக்க மூத்த தலைவர் டி.ஆர்.பாலு - கனிமொழி இடையே கடும் போட்டி நிலவி வருவதாக கூறப்பட்டது. இந்நிலையில் திமுக மக்களவை குழு தலைவராக டி.ஆர்.பாலு ஒரு மனதாக தேர்வு செய்யப்பட்டார். மேலும் திமுக மக்களவை கொறடாவாக முன்னாள் மத்திய அமைச்சர் ஆ.ராசா தேர்வு செய்யப்பட்டுள்ளார்.
சேனலை கிளிக் செய்து பின்தொடரவும்
