டிடிவி தினகரன் ஆதரவு எம்.எல்.ஏக்கள் முதலமைச்சர் பதவியில் இருந்து எடப்பாடியை நீக்க வேண்டும் என தெரிவித்துள்ள நிலையில், எடப்பாடி பழனிசாமி அமைச்சர்களுடன் அவசர ஆலோசனையில் ஈடுபட்டு வருகிறார்.

சில நாட்களுக்கு முன்பு மேலூரில் நடைபெற்ற பொதுக்கூட்டத்தில் ஜெ ஜெவென கூட்டம் அலை மோதியது. இதில் மிகவும் மிரண்டு போன எடப்பாடி அணி விரைவில் அணிகளை இணைக்க வேண்டும் என விரும்பியது.

நீண்ட நாள் பேச்சுவார்த்தைக்கு பிறகு நேற்று அதிமுகவின் ஒபிஎஸ் அணியும் இபிஎஸ் அணியும் ஒன்றாக இணைந்தன. பேச்சுவார்த்தைக்கு பிறகு தலைமை அலுவலகம் சென்ற ஒபிஎஸ் அங்கு எடப்பாடி பழனிசாமியுடன் கைகோர்த்து ஒன்றாக இணைந்ததாக அறிவித்தார்.

மேலும் அங்கு ஒபிஎஸ்க்கு துணை முதலமைச்சர் பதவியும், கட்சி தலைமை ஒருங்கிணைப்பாளர் பதவியும் வழங்கப்பட்டது. மேலும் வைத்தியலிங்கம் துணை ஒருங்கிணைப்பாளராக செயல்படுவார் எனவும் முதலமைச்சர் எடப்பாடி அறிவித்தார்.

இதைதொடர்ந்து சசிகலாவை நீக்க விரைவில் பொதுக்குழு கூட்டப்படும் என வைத்தியலிங்கம் எம்.பி தெரிவித்தார்.
இந்நிலையில், சசிகலாவை கட்சியில் இருந்து நீக்க பொதுக்குழு விரைவில் கூட்டப்படும் என கூறிய வைத்தியலிங்கம் எம்.பியை கட்சியில் இருந்து நீக்கி டிடிவி தினகரன் உத்தரவிட்டுள்ளார்.

இதற்கு பதிலளித்து பேசிய வைத்தியலிங்கம் என்னை கட்சியில் இருந்து நீக்க டிடிவிக்கு உரிமையில்லை என தெரிவித்தார்.
இதனிடையே டிடிவி ஆதரவு எம்.எல்.ஏக்கள் 19 பேர் முதலமைச்சர் எடப்பாடியை பதவி நீக்கம் செய்ய வேண்டும் என தனித்தனியாக ஆளுநரிடம் கடிதம் அளித்தனர்.

இந்த பரபரப்பான அரசியல் சூழ்நிலையில், முதலமைச்சர் எடப்பாடி பழனி சாமி அமைச்சர்கள் செங்கோட்டையன், தங்கமணி உள்ளிட்ட மூத்த அமைச்சர்களுடன் ஆலோசனை நடத்தி வருகின்றனர்.

பதிலடி கொடுக்க தயாராகும் எடப்பாடி... - அமைச்சர்களுடன் அவசர ஆலோசனை...

DDV Dinakaran supports MLAs as Chief Minister Oommen Chandy has said that Edappadi has been in urgent consultation with the Palaniasam ministers.

About the Author