குழந்தைகளின் மனதில் இருந்து எதிர்மறையை அகற்றவும், அவர்களின் வளர்ச்சியும் மேம்படவும் சில வழிகள் இங்கே உள்ளன. அவை..
பொதுவாகவே, குழந்தைகளுக்கு உடல் வளர்ச்சியுடன், மன வளர்ச்சியும் மிகவும் முக்கியம். இதற்கு அவர்களைச் சுற்றி நேர்மறை ஆற்றல் அவசியம். இன்னும் சொல்லபோனால், அவர்கள் தங்கள் இளம் பருவத்தில் நல்லவர்களாக இருக்க வேண்டுமென்றால், சிறுவயதில் அவர்களை சுற்றி நல்ல சூழல் இருந்திருக்க வேண்டும். ஆனால், நல்ல சூழல் இருந்தாலும் கூட சில சமயங்களில், சில குழந்தைகளுக்கு எதிர்மறையான எண்ணங்கள் வருகிறது. இதனால் அவர்கள் எல்லாவற்றையும் எதிர்மறையான கண்ணோட்டத்தில் தான் பார்க்கிறார்கள்.
இப்படிப்பட்ட சூழ்நிலையில், அவர்களின் மனதில் இருந்து எதிர்மறையை அகற்றுவது பெற்றோருக்கு ஒரு பெரிய பணி என்றே சொல்லலாம். உங்கள் குழந்தையும் இந்த மாதிரி எதிர்மறையான கண்ணோட்டத்தில் இருந்தால், கவலைப்பட வேண்டாம், அதற்கும் ஒரு தீர்வு இருக்கிறது.
முக்கியமாக, குழந்தைகளின் கெட்ட எண்ணங்களுக்கு பல விஷயங்கள் காரணமாகும். இதனால் அவர்கள் கவலை மற்றும் மன அழுத்தத்தை அனுபவிப்பது மட்டுமல்லாமல், அவர்களின் சிந்தனை மற்றும் நடத்தை எதிர்மறையாக மாறும். இது அவர்களின் ஆளுமையை பெரிதும் பாதிக்கும். குறிப்பாக, இது அவர்களின் எதிர்காலத்தை ஆபத்தில் ஆழ்த்துகிறது. ஆனால் இதைப் பற்றி நீங்கள் கவலைப்படாமல், உங்கள் குழந்தைகளின் மனதில் நேர்மறை எண்ணங்களை வளர்க்க சில எளிய நடவடிக்கைகளை எடுக்க வேண்டும். இப்போது அவற்றை பற்றி இங்கு தெரிந்துகொள்ளலாம் வாருங்கள்..
இதையும் படிங்க: உங்கள் குழந்தை சோம்பேறியாக இருக்கா..? சுறுசுறுப்பாக வைக்க ஈசி டிப்ஸ்!
குழந்தைகளின் மனதில் நேர்மறை எண்ணங்களை வளர்க்க சில வழிகள்:
பெற்றோர்கள் தங்கள் குழந்தைகளை எப்படி வளர்க்கிறார்கள் என்பதைப் பொறுத்தே குழந்தைகளின் ஆளுமை உருவாகிறது. மேலும், அவர்களைச் சுற்றியுள்ள சூழல் எப்படி இருக்கிறது?...மக்கள் எப்படி இருக்கிறார்கள்...? என்பதும் மிகவும் முக்கியம். குழந்தைகளின் மனதில் இருந்து அனைத்து எதிர்மறை எண்ணங்களையும் "நினைவு" மூலம் அகற்றலாம்.
இதையும் படிங்க: குழந்தைகளை மென்மையாகவும், கண்ணியமாகவும் வளர்க்க சில டிப்ஸ் இதோ!
மைண்ட்ஃபுல்னெஸ் என்றால் என்ன?
மருத்துவர்களின் கூற்றுப்படி, மைண்ட்ஃபுல்னெஸ் என்பது ஒரு வகையான உடற்பயிற்சி. அதைச் செய்ய, முதலில் ஒரு அமைதியான இடத்தில் உட்காரவும், இப்போது மூச்சை ஆழமாக உள்ளிழுத்து, பிறகு ஆழ்ந்த மூச்சு வெளியிடுங்கள். இதை இப்படியே தொடர்ந்து சிறிது நேரம் செய்யுங்கள்.
அச்சமயத்தில், உங்கள் மனதில் ஏதேனும் எதிர்மறை எண்ணம் வந்தால், அதை நேர்மறை சிந்தனையுடன் முறியடிக்கவும். இதை ஒரு சிந்தனை என்று நீங்கள் சொல்லுங்கள். முதலில் உங்கள் மனதைப் பெறுவது கடினமாக இருந்தாலும் படிப்படியாகப் பழகிவிடுவீர்கள். நீங்கள் படிப்படியாக நேர்மறையாக மட்டுமே சிந்திக்கத் தொடங்குவீர்கள்.
இதற்கிடையில், பெற்றோர்கள் தங்கள் குழந்தைகளுடன் எப்போதும் நேர்மறையான கலந்துரையாடல்களைத் தவிர, இந்தப் பயிற்சியை தொடர்ந்து செய்ய பழகுங்கள். மேலும், அவர்களைச் சுற்றி ஒரு வளமான சூழலை உருவாக்குங்கள். இது உங்கள் குழந்தைகளின் சிந்தனையை மாற்றுவது மட்டுமல்லாமல், அவர்களின் வளர்ச்சியையும் மேம்படுத்தும்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
