தேசிய சுற்றுலா தினம் 2024: ஜனவரி 25 அன்று ஏன் தேசிய சுற்றுலா தினம் கொண்டாடப்படுகிறது தெரியுமா?
ஜனவரி 25 அன்று ஏன் தேசிய சுற்றுலா தினம் கொண்டாடப்படுகிறது, இந்த நாளின் வரலாறு மற்றும் முக்கியத்துவம் என்ன என்பதை தெரிந்து கொள்ளலாம்.
 )
Followஇந்தியாவில் தேசிய சுற்றுலா தினம் ஜனவரி 25 அன்று கொண்டாடப்படுகிறது. இந்நாளைக் கொண்டாடுவதன் முக்கிய நோக்கம், நாட்டின் சுற்றுலாத் துறையை ஊக்குவிப்பதும், சுற்றுலாவை மேம்படுத்துவதும் ஆகும். தேசிய சுற்றுலா தினம் அல்லது உலக சுற்றுலா தினம் ஏன் ஜனவரி 25 அன்று கொண்டாடப்படுகிறது என்ற கேள்வி பலருக்கும் உண்டு. அது ஏன் என்பதை இங்கு தெரிந்து கொள்ளுங்கள்.
தேசிய சுற்றுலா தினம்
பயணம் என்பது சுற்றுலாவின் ஒரு பகுதி மட்டுமல்ல, நாட்டின் பொருளாதாரத்தின் ஒரு பகுதியும் கூட ஆகும். அதனால்தான், நாட்டின் பொருளாதாரத்திற்கு சுற்றுலாவின் முக்கியத்துவம் குறித்த விழிப்புணர்வை ஏற்படுத்துவதற்காக இந்திய அரசு ஜனவரி 25 ஆம் தேதியை தேசிய சுற்றுலா தினமாக அறிவித்துள்ளது.
தேசிய சுற்றுலா தினம் - வரலாறு
இந்திய சுதந்திரத்தின் அடுத்த ஆண்டு அதாவது 1948 இல் நாட்டில் சுற்றுலா தினத்தை கொண்டாடுவது தொடங்கியது. சுற்றுலாவின் முக்கியத்துவத்தைப் புரிந்துகொண்டு, சுதந்திர இந்தியாவில் அதை ஊக்குவிக்கும் முயற்சியாக சுற்றுலாப் போக்குவரத்துக் குழு உருவாக்கப்பட்டது. குழு அமைக்கப்பட்டு மூன்று ஆண்டுகளுக்குப் பிறகு, 1951 இல் கொல்கத்தா மற்றும் சென்னையில் சுற்றுலா தினத்தின் பிராந்திய அலுவலகங்கள் தொடங்கப்பட்டன. பின்னர் டெல்லி, மும்பை மற்றும் கொல்கத்தாவில் சுற்றுலா அலுவலகங்கள் கட்டப்பட்டன. 1998 ஆம் ஆண்டில், சுற்றுலா மற்றும் தகவல் தொடர்பு அமைச்சரின் தலைமையில் சுற்றுலாத் துறை நிறுவப்பட்டது.
தேசிய சுற்றுலா தினம் - எப்போது கொண்டாடப்படுகிறது?
சுற்றுலா தினம் இந்தியாவில் இரண்டு முறை கொண்டாடப்படுகிறது. ஒன்று தேசிய அளவில், மற்றொன்று சர்வதேச சுற்றுலா தினத்தில் ஆகும். இந்தியாவின் சுற்றுலா தினம் ஜனவரி 25 அன்று கொண்டாடப்படுகிறது. அதேபோல சர்வதேச சுற்றுலா தினம் செப்டம்பர் 27 அன்று கொண்டாடப்படுகிறது.
தேசிய சுற்றுலா தின முக்கியத்துவம்
தேசிய சுற்றுலா தினத்தின் நோக்கம், சுற்றுலாத் துறையின் முக்கியத்துவம் குறித்து பொதுமக்களுக்கு விழிப்புணர்வை ஏற்படுத்துவதும், சுற்றுலாவின் சமூக, அரசியல், பொருளாதாரம் மற்றும் கலாச்சார பங்களிப்புகளின் அடிப்படையில் சுற்றுலாவின் மதிப்பு குறித்து உலக அளவில் விழிப்புணர்வு ஏற்படுத்துவதும் ஆகும். நாட்டின் மொத்த உள்நாட்டு உற்பத்தியில் 9.2 சதவீதமும், வேலைவாய்ப்பில் 8.1 சதவீதமும் இத்துறை பங்களிப்பதால், நாட்டின் பொருளாதாரத்திற்கு சுற்றுலாவின் முக்கியத்துவத்தை எடுத்துரைக்கும் வகையில் இந்த நாள் கொண்டாடப்படுகிறது.
உலக சுற்றுலா தினம் நாடு முழுவதும் பல்வேறு வழிகளில் கொண்டாடப்படுகிறது. இந்த நாளில், நாடு முழுவதும் மற்றும் மாநில அளவில் பல வகையான நிகழ்ச்சிகள் ஏற்பாடு செய்யப்பட்டுள்ளன. தேசிய சுற்றுலா தினத்தில், கருத்தரங்குகள் மற்றும் கலாச்சார நிகழ்ச்சிகள் மூலம் நாடு முழுவதும் சுற்றுலாவை மேம்படுத்த முயற்சிகள் மேற்கொள்ளப்படுகின்றன என்பது குறிப்பிடத்தக்கது.
மாலத்தீவை விடுங்க பாஸ்.. நம்ம அந்தமானை கம்மி விலையில் சுற்றி பாருங்க! டிக்கெட் விலை கம்மிதான்!
சேனலை கிளிக் செய்து பின்தொடரவும்
