சமாஜ்வாதி கட்சியை புரட்டி எடுத்த யோகி ஆதித்யநாத்! அனல் பறக்கும் உ.பி. இடைத்தேர்தல்!
சமாஜ்வாதி கட்சியை கடுமையாக விமர்சித்த முதல்வர் யோகி ஆதித்யநாத், ராமர் கோயில் கட்டுமானம் குறித்து பெருமிதம் தெரிவித்தார். சமாஜ்வாதி கட்சி, டாக்டர் லோகியாவின் கொள்கைகளிலிருந்து விலகி, முஸ்லிம் வாக்கு வங்கி குறித்த அச்சத்தால் மகாராஜா சுஹேல் தேவ் நினைவிடத்திற்குச் செல்லவில்லை என்றும் சாடினார்.
 )
Followஉ.பி.யில் நடைபெறும் சட்டமன்ற இடைத்தேர்தல் பிரசாரத்தில் பேசிய அந்த மாநில முதல்வர் யோகி ஆதித்யநாத், கடந்த பத்து ஆண்டுகளாக பிரதமர் நரேந்திர மோடியின் தலைமையில், நாட்டின் பாதுகாப்பு, ஏழைகள் நலன், உள்கட்டமைப்பு மேம்பாடு மற்றும் பாரம்பரியத்தை மதித்தல் ஆகியவை தடையின்றி நடைபெற்று வருகின்றன என்றார். 2014-க்கு முன்பு, ஐக்கிய முற்போக்கு கூட்டணி அரசு தேசிய பாதுகாப்புடன் விளையாடியது; நமது பாரம்பரியத்தை அவமதித்தது என்றும் இப்போது மாநிலத்தில் பெரிய அளவிலான வளர்ச்சிப் பணிகள் நடைபெறுவதுடன், பாரம்பரியமும் மதிக்கப்படுகிறது எனவும் எடுத்துரைத்தார்.
"இன்று அயோத்தியில் தெய்வீகமான, பிரமாண்டமான ராமர் கோயிலில் ராமர் வீற்றிருக்கிறார், இதைப் பார்த்து ஒவ்வொரு இந்தியரும் பெருமிதம் கொள்கிறார்கள். இது நமது பாரம்பரியம். இந்தப் பாரம்பரியத்தை சமாஜ்வாதி கட்சியினர் எப்போதும் அவமதித்து வந்துள்ளனர். அவர்களின் உண்மையான மரபு கான் முபாரக், அத்திக் அகமது மற்றும் முக்தார் அன்சாரி. அம்பேத்கர் நகர் மண்ணில் டாக்டர் லோகியா பிறந்தார், ஆனால் சமாஜ்வாதி கட்சி டாக்டர் லோகியா மற்றும் ஆச்சார்யா நரேந்திர தேவின் கொள்கைகள் மற்றும் கோட்பாடுகளிலிருந்து விலகிச் சென்றுவிட்டது. அதனால்தான் அவர்கள் மகாராஜா சுஹேல் தேவின் நினைவிடத்திற்குச் செல்வதில்லை, ஏனெனில் அவர்களுக்கு முஸ்லிம் வாக்கு வங்கி நழுவிவிடுமோ என்ற அச்சம் உள்ளது." இவ்வாறு முதல்வர் யோகி ஆதித்யநாத் சட்டமன்றத் தொகுதி இடைத்தேர்தல் பிரச்சாரக் கூட்டத்தில் பேசினார்.
வெள்ளிக்கிழமை சட்டமன்றத் இடைத்தேர்தல் பிரச்சாரக் கூட்டத்தில் பேசிய முதல்வர் யோகி ஆதித்யநாத் அம்பேத்கர் நகரின் கதேரி தொகுதி வேட்பாளர் தர்மராஜ் நிஷாத் மற்றும் மிர்சாபூரின் மஜ்வான் தொகுதி வேட்பாளர் சுசிஸ்மிதா மௌரியா ஆகியோருக்கு ஆதரவாக வாக்கு சேகரித்தார்.
இந்த நிகழ்வில் அமைச்சர்கள் சுவந்திர தேவ் சிங், ஓம் பிரகாஷ் ராஜ்பர், சஞ்சய் நிஷாத், தயாஷங்கர் மிஸ்ரா தயாளு, சட்ட மேலவை உறுப்பினர் டாக்டர் தர்மேந்திர சிங், அமைச்சர்கள் அனில் ராஜ்பர், ஆஷிஷ் படேல், ராம்கேஷ் நிஷாத், நாடாளுமன்ற உறுப்பினர் வினோத் பிந்த் மற்றும் பலர்கலந்து கொண்டனர்.
கதேரியில் வளர்ச்சிப் பணிகள்:
கதேரியில் நடைபெற்ற தேர்தல் பிரச்சாரக் கூட்டத்தில் உரையாற்றிய முதல்வர் யோகி ஆதித்யநாத், தேசிய ஜனநாயகக் கூட்டணி பஹ்ரைச்சில் மகாராஜா சுஹேல் தேவின் பிரமாண்டமான நினைவுச் சின்னத்தை கட்டியுள்ளது. அவர் இந்தியாவின் மகத்தான போர்வீரர்களில் ஒருவர். ஸ்ரீங்கிவேர்புரில் ராமர் மற்றும் நிஷாத ராஜாவின் நட்பிற்கு அடையாளமாக 56 அடி உயர சிலை நிறுவப்பட்டுள்ளது. இது பாரம்பரியத்தின் மதிப்பதைக் காட்டுகிறது.
சமாஜ்வாதி கட்சி பாரம்பரியங்கள், விவசாயிகள் மற்றும் இளைஞர்களை அவமதிக்கிறது. அயோத்தியில் சமாஜ்வாதி கட்சியின் ரவுடிகள் ஒரு நிஷாத் பெண்ணுக்கு என்ன செய்தார்கள் என்பது யாருக்கும் தெரியாததல்ல. அக்கட்சியின் தேசியத் தலைவரே தவறை மூடி மறைக்க முயல்வது போலப் பேசினார். எங்கள் அரசு நிஷாத் பெண்ணுடனும் அவரது குடும்பத்துடனும் உறுதியாக நிற்கிறது. இதுபோன்ற சம்பவத்தைச் செய்பவர்களுக்கு இங்கு இடமில்லை, அவர்களுக்கு நரகத்தில் மட்டுமே இடம் கிடைக்கும். இதில் அரசு உறுதியாக உள்ளது.
மாநிலத்தில் பெரிய அளவிலான வளர்ச்சிப் பணிகள் நடைபெற்று வருவதாக முதல்வர் யோகி தெரிவித்தார். இதில் கதேரியும் சாதனை படைக்கிறது. கடந்த 2 ஆண்டுகள் 2 மாதங்களில் இங்கு நடைபெற்று வரும் வளர்ச்சிப் பணிகளை நீங்கள் பார்த்திருப்பீர்கள். இது தொடர்ந்து நடைபெறும். முதியோர் ஓய்வூதியம், ஆதரவற்றோர், ஊனமுற்றோர் ஓய்வூதியம் ஆகியவற்றுடன் இலவசமாக சமையல் எரிவாயு சிலிண்டரையும் உ.பி. அரசு வழங்கி வருகிறது. நாங்கள் 'சப்கா சாத் சப்கா விகாஸ்' என்ற இலக்குடன் செயல்படுகிறோம்.
மக்களுக்கு அரசுத் திட்டங்களின் பலன்களை வழங்குவதில் எந்தவித பாகுபாடும் காட்டப்படுவதில்லை. ஆனால் முந்தைய அரசுகள் ஒவ்வொருவரின் முகத்தைப் பார்த்து திட்டங்களின் பலன்களை வழங்கின. மாநிலத்தில் இருந்து வறுமையை ஒழிப்பதை அரசு இலக்காகக் கொண்டுள்ளது. இதற்காக வறுமை ஒழிப்புத் திட்டம் செயல்படுத்தப்பட்டுள்ளது. இதன் ஆய்வுப் பணி வேகமாக நடைபெற்று வருகிறது. இதன் மூலம் இலவச வீடு, ஆயுஷ்மான் அட்டை, ரேஷன் அட்டை, ஓய்வூதியம் உள்ளிட்ட பிற வசதிகள் வழங்கப்படும்.
இவ்வாறு பேசிய முதல்வர் யோகி, இறுதியாக, வேட்பாளர் தர்மராஜ் நிஷாத்துக்கு ஆதரவு அளிக்குமாறு மக்களிடம் வேண்டுகோள் விடுத்தார். மேலும், அவரை பெரும்பான்மை வாக்குகள் வித்தியாசத்தில் வெற்றி பெறச் செய்து வளர்ச்சிக்கு மேலும் வேகம் சேர்க்குமாறும் கேட்டுக்கொண்டார்.
சமாஜ்வாதியை சாடிய யோகி:
மிர்சாபூரின் மஜ்வான் சட்டமன்றத் தொகுதியில் நடைபெற்ற பொதுக் கூட்டத்தில் உரையாற்றிய முதல்வர் யோகி ஆதித்யநாத், பிரதமர் நரேந்திர மோடியின் தலைமையில் புதிய இந்தியா, வளர்ந்த இந்தியா உருவாகி வருகிறது. மாநிலத்தில் இரட்டை எஞ்சின் அரசு புல்லட் ரயில் வேகத்தில் பாதுகாப்பு, செழிப்பு மற்றும் நல்லாட்சி மாதிரியை உருவாக்கும் பணியில் ஈடுபட்டுள்ளது. இதன் காரணமாகவே மாநிலத்தில் உள்கட்டமைப்பு மேம்பாட்டுப் பணிகள் வேகமாக நடைபெற்று வருகின்றன. இன்று மாநிலத்தில் இருந்து மாஃபியாக்கள் அழிக்கப்பட்டுள்ளனர்.
சமாஜ்வாதி கட்சி ஆட்சியில் சைஃபை குடும்பத்தினருக்கும் பெரிய மாஃபியா குடும்பத்தினருக்கும் மட்டுமே வளர்ச்சி. பாஜக சட்டமன்ற உறுப்பினர்கள் கிருஷ்ணானந்த் ராய் மற்றும் ராஜு பால் ஆகியோரைக் கொன்ற கொடூர மாஃபியாக்கள் சமாஜ்வாதி கட்சி மற்றும் பகுஜன் சமாஜ் கட்சியின் கழுத்தில் மாலைகளாக இருந்தனர். இன்று மாநிலம் மாஃபியாக்கள் மற்றும் பயத்திலிருந்து விடுபட்டுள்ளது. முன்பு மாநிலம் ஊரடங்கு மற்றும் கலவரங்களால் அறியப்பட்டது, இன்று 'ஊரடங்கு இல்லை, கலவரம் இல்லை, உத்தரப் பிரதேசத்தில் எல்லாம் நல்லது' என்று அறியப்படுகிறது. இதுதான் புதிய இந்தியாவின் புதிய உத்தரப் பிரதேசம்.
மிர்சாபூரில் விந்தியவாசினி நடைப்பாதைப் பணி கிட்டத்தட்ட நிறைவடைந்துவிட்டது. விரைவில் பக்தர்கள் இதன் பலனைப் பெறுவார்கள். 'ஒரு மாவட்டம், ஒரு மருத்துவக் கல்லூரி' திட்டத்தின் கீழ் விந்தியவாசினி பெயரில் மருத்துவக் கல்லூரி வேகமாகக் கட்டப்பட்டு வருகிறது. இளைஞர்களுக்காக புதிய பல்கலைக்கழகம் அமைக்க அனுமதி வழங்கப்பட்டுள்ளது. இந்தப் பணிகள் அனைத்தையும் சமாஜ்வாதி கட்சி செய்யவில்லை, ஏனெனில் அது அவர்களின் நிகழ்ச்சி நிரலில் இல்லை.
எங்கள் அரசு 'சப்கா சாத் சப்கா விகாஸ்' என்ற கொள்கையின் கீழ் செயல்படுகிறது, ஆனால் சமாஜ்வாதி கட்சியினர் குடும்ப அரசியலுக்காக செயல்பட்டனர். சமாஜ்வாதி கட்சி உங்களை வளர்ச்சி, பாதுகாப்பு மற்றும் பிற வசதிகளுக்காக ஏங்கச் செய்தது போல, நீங்கள் அவர்களை ஒவ்வொரு வாக்குக்கும் ஏங்கச் செய்ய வேண்டும்.
சேனலை கிளிக் செய்து பின்தொடரவும்
