பல்வேறு தேசவிரோத குற்றச்செயல்களில் அடைக்கப்பட்ட இஸ்லாமிய மாணவ இயக்க அமைப்பை சேர்ந்த (சிமி) குற்றவாளிகள் , காவலரை கழுத்துஅறுத்து கொன்றுவிட்டு போபால் சிறையில் இருந்து தப்பினர்.
இதுபற்றி விவரம் வருமாறு, பல்வேறு குற்றச்செயல்கள் பயங்கரவாத நடவடிக்கைகளில் ஈடுபட்ட இஸ்லாமிய மாணவ இயக்க (சிமி) குற்றவாளிகள், போபால் சிறையில் அடைக்கப்பட்டனர். இவர்களில் சென்னை சென்ட்ரல் ர யில் நிலைய வெடிகுண்டு வழக்கில் கைது செய்யப்பட்ட குற்றவாளிகளும் அடக்கம்.
இந்நிலையில், இன்று அதிகாலை சுமார் 2.30 மணியளவில் சிமி இயக்கத்தை சேர்ந்த 8 குற்றவாளிகள், சிறை காவலர் ஒருவரை, கூரிய ஆயுதத்தால், கழுத்தை அறுத்து கொன்றுவிட்டு, சிறையில் வழங்கப்படும் போர்வைகளை, ஒன்றாக கயிறுபோல் திரித்து, சிறை சுவரில் வீசி, அதில் ஏறி தப்பி சென்றனர்.
தப்பி சென்ற 8 குற்றவாளிகளில் 2 பேர், சென்னை சென்ட்ரல் ரயில் குண்டுவெடிப்பில் கைதான குற்றவாளிகள் ஆவர். 8 சிமி குற்றவாளிகள் தப்பி சென்றதையடுத்து, இந்தியா முழுவதும் அனைத்து மாநிலங்களுக்கும் எச்சரிக்கை அனுப்பப்பட்டுள்ளது.
சிமி தீவிரவாதிகள், தாக்குதல் நடவடிக்கைகளில் ஈடுபடலாம் என்பதால், அனைத்து மாநிலங்களும் எச்சரிக்கையாக இருக்க வேண்டும் என மத்திய உளவுத்துறை அறிவுறுத்தியுள்ளது. தப்பியோடிய 8 சிமி குற்றவாளிகளை பிடிக்க, தீவிர முயற்சிகள் எடுக்கப்பட்டுள்ளது.
