நிலவைப் படம்பிடித்த சந்திரயான்-3! முதல் காட்சிகளை வெளியிட்டது இஸ்ரோ!
சந்திரயான்-3 விண்கலம் சந்திரனின் சுற்றுவட்டப் பாதையில் சனிக்கிழமை நுழைந்த பிறகு, மேடு பள்ளங்கள் நிறைந்த நிலவின் மேற்பரப்பை முதல் முறையாகப் படம் பிடித்துள்ளது.
 )
Followஇந்தியாவின் மூன்றாவது நிலவுப் பயணமான சந்திரயான்-3 மூலம் பதிவு செய்யப்பட்ட சந்திரனின் மேல்பரப்பைக் காட்டும் முதல் படங்களை இந்திய விண்வெளி ஆராய்ச்சி நிறுவனம் (இஸ்ரோ) வெளியிட்டுள்ளது.
சந்திரயான்-3 விண்கலம் சந்திரனின் சுற்றுவட்டப் பாதையில் சனிக்கிழமை நுழைந்த பிறகு, மேடு பள்ளங்கள் நிறைந்த நிலவின் மேற்பரப்பை முதல் முறையாகப் படம் பிடித்துள்ளது. இதுகுறித்து ட்விட்டரில் பதிவிட்டுள்ள இஸ்ரோ சந்திரயான்-3 எடுத்த வீடியோவையும் வெளியிட்டுள்ளது.
"ஆகஸ்ட் 5, 2023 அன்று நிலவின் சுற்றுப்பாதைக்குள் சென்ற பின்பு (LOI) சந்திரயான்-3 விண்கலம் நிலவைப் படம்பிடித்துள்ளது" என்று இஸ்ரோவின் அதிகாரபூர்வ ட்விட்டர் பக்கத்தில் ட்வீட் செய்யப்பட்டுள்ளது.
— LVM3-M4/CHANDRAYAAN-3 MISSION (@chandrayaan_3) August 6, 2023
நிலவு பயணம் இதுவரை சீராக உள்ளது. விக்ரம் லேண்டர் இந்த மாத இறுதியில் ஆகஸ்ட் 23 அன்று நிலவின் மேற்பரப்பில் மென்மையாகத் தரையிறங்கும் என்று இஸ்ரோ எதிர்பார்க்கிறது.
சந்திரயான்-3, இதுவரை எந்த நாடும் செல்லாத நிலவின் தென் துருவத்திற்குச் செல்லும் சிக்கலான 41 நாள் பயணத்தை மேற்கொண்டிருக்கிறது. விண்ணில் ஏவப்பட்ட 22 நாட்களுக்குப் பிறகு, சனிக்கிழமை நிலவின் சுற்றுப்பாதையில் வெற்றிகரமாக நுழைந்தது.
நிலவில் தடம் பதிக்கும் இஸ்ரோவின் கனவுத் திட்டமான சந்திரயான்-3 பயணத்திற்காக ரூ.600 கோடி செலவிடப்பட்டுள்ளது. ஆகஸ்ட் 5ஆம் தேதி சந்திரயான்-3 நிலவின் சுற்றுப்பாதையில் நுழைந்தது இந்தப் பயணத்தில் ஒரு முக்கிய மைல்கல்லாக அமைந்தது.
இஸ்ரோ முதல் கோவிட்-19 வரை! சுதந்திர இந்தியாவின் வியக்க வைக்கும் அறிவியல் தொழில்நுட்ப சாதனைகள்
சேனலை கிளிக் செய்து பின்தொடரவும்
