BKC Metro Station Fire: மும்பை மெட்ரோவில் தீ விபத்து! அலறிய பயணிகள்! சேவை தற்காலிகமாக நிறுத்தம்!
மும்பை மெட்ரோவில் ஏற்பட்ட தீ விபத்தால் பெரும் பரபரப்பு ஏற்பட்டுள்ளது. பி.கே.சி. மெட்ரோ நிலையத்தின் நுழைவு மற்றும் வெளியேறும் வாயிலுக்கு அருகே தீ விபத்து ஏற்பட்டதால் மெட்ரோ சேவை தற்காலிகமாக நிறுத்தப்பட்டுள்ளது.
 )
Followமும்பை மெட்ரோ நிலையத்தில் ஏற்பட்ட தீ விபத்து காரணமாக மெட்ரோ சேவை தற்காலிகமாக நிறுத்தப்பட்டுள்ளது. பந்த்ரா குர்லா காம்ப்ளக்ஸ் (பி.கே.சி.) மெட்ரோ நிலையத்தின் நுழைவு மற்றும் வெளியேறும் A4 வாயிலுக்கு அருகே தீ விபத்து ஏற்பட்டது. தீ விபத்தால் மெட்ரோ நிலையத்தைச் சுற்றி புகை சூழ்ந்தது. இந்த தீ விபத்தை அடுத்து பி.கே.சி. நிலையத்தில் இருந்த பயணிகள் பாதுகாப்பாக வெளியேற்றப்பட்டனர். பாதுகாப்புக் கருதி தற்போது பயணிகள் சேவை தற்காலிகமாக நிறுத்தப்பட்டுள்ளது.
இந்த சம்பவம் தொடர்பாக மும்பை தீயணைப்புத்துறையினருக்கு தகவல் தெரிவிக்கப்பட்டது. உடனே சம்பவ இடத்திற்கு விரைந்த தீயணைப்பு வீரர்கள் நீண்ட நேரம் போராடி தீயை அனைத்தனர். ஆனால் அடர்ந்த புகை சூழ்ந்தது. மெட்ரோ நிலையத்திலும் அடர்ந்த புகை காணப்பட்டது. இதனால் பந்த்ரா குர்லா வளாக மெட்ரோ ரயில் நிலைய சேவை நிறுத்தப்பட்டது. பயணிகள் பந்த்ரா காலனி மெட்ரோ நிலையத்தைப் பயன்படுத்திக் கொள்ளுமாறு அறிவுறுத்தப்பட்டுள்ளது.
இதையும் படிங்க: Car Accident:100 கி.மீ. வேகத்தில் சீறி பாய்ந்த இன்னோவா கார்! சிதறிய 6 கல்லூரி மாணவர்கள் உடல்கள்! நடந்தது என்ன?
அதிர்ஷ்டவசமாக, இந்த விபத்தில் எந்த பயணிகளுக்கும், ஊழியர்களுக்கும் எந்த வித காயமும் ஏற்படவில்லை. பாதுகாப்புக் கருதி அடுத்த அறிவிப்பு வரும் வரை பந்த்ரா - குர்லா வளாக மெட்ரோ சேவை நிறுத்தப்பட்டுள்ளதாக மும்பை மெட்ரோ நிறுவனம் தெரிவித்துள்ளது. பயணிகளின் பாதுகாப்பு எங்கள் முதல் முன்னுரிமை. தீ விபத்து ஏற்பட்டவுடன் தீயணைப்புத் துறையினர் விரைந்து வந்து தீயை அணைத்தனர். பாதுகாப்புக்கு முக்கியத்துவம் அளிப்பதால் பி.கே.சி. நிலையத்தின் பயணிகள் சேவை தற்காலிகமாக நிறுத்தப்பட்டுள்ளதாக மும்பை மெட்ரோ தெரிவித்துள்ளது. புகை குறைந்த பிறகு பாதுகாப்பு ஆய்வு மேற்கொள்ளப்படும். பாதுகாப்பு உறுதி செய்யப்பட்ட பிறகு ரயில் சேவை மீண்டும் தொடங்கும் என்று அறிவிக்கப்பட்டுள்ளது. பயணிகளின் பொறுமைக்கு நன்றி என்று மும்பை மெட்ரோ தெரிவித்துள்ளது.
மெட்ரோ நிலையத்திலிருந்து 40 முதல் 50 அடி ஆழத்தில் உள்ள தளபாடங்கள் கடை மற்றும் சேமிப்புக் கடையில் தீ விபத்து ஏற்பட்டுள்ளது. மெட்ரோ நிலையத்தின் எந்தப் பகுதியிலும் தீ விபத்து ஏற்படவில்லை. A4 நுழைவு வாயிலுக்கு அருகில் இந்தக் கடை இருப்பதால் பயணிகளுக்கும் சிரமம் ஏற்பட்டுள்ளது. இதனால் சேவை நிறுத்தப்பட்டுள்ளதாக மும்பை மெட்ரோ தெரிவித்துள்ளது.
இதையும் படிங்க: Aadhaar Update: ஆதாரில் இனி இந்த விவரத்தை 2 முறை மட்டுமே திருத்தம் செய்ய முடியும்
மும்பை மெட்ரோவின் மற்ற நிலையங்கள் வழக்கம்போல் செயல்படுகின்றன. பி.கே.சி. நிலையம் மட்டும் செயல்படவில்லை. தற்போது அதிகாரிகள் பி.கே.சி. நிலையத்தில் முகாமிட்டுள்ளனர். மெட்ரோ சேவையை மீண்டும் தொடங்க ஊழியர்கள் விரைவாகப் பணியாற்றி வருகின்றனர். இதற்கிடையில், மும்பையின் செம்பூரில் ஒரு கட்டிடத்தில் தீ விபத்து ஏற்பட்டு ஒருவர் காயமடைந்துள்ளார். பிருஹன் மும்பை மாநகராட்சிக்குட்பட்ட கட்டிடத்தில் தீ விபத்து ஏற்பட்டது. 60 வயதுடைய ஒருவர் தீ விபத்தில் காயமடைந்துள்ளார்.
சேனலை கிளிக் செய்து பின்தொடரவும்
