மகா கும்பமேளா 2025: பக்தர்கள் வசதிக்காக மின்சார பஸ்கள் இயக்கம்!
Prayagraj Mahakumbh 2025: யோகி அரசு மகா கும்பமேளா 2025-ல் பக்தர்களுக்காக மின்சார பேருந்துகளை இயக்கவுள்ளது. ஜனவரி 29, 2025-க்குள் 40 பேருந்துகள் பிரயாக்ராஜை அடைந்து, பல்வேறு வழித்தடங்களில் இயக்கப்படும்.
Followமகா கும்பமேளாவில் கலந்துகொள்ளும் பக்தர்களுக்கு போக்குவரத்து வசதியை எளிதாக்க, யோகி அரசு மின்சார பஸ்களை இயக்கப்போகிறது. மகா கும்பமேளாவுக்கு முன்னால் பிரயாக்ராஜ்ல 10 முதல் 15 மின்சார பஸ்கள் ஓட ஆரம்பித்துவிடும். ஜனவரி 29ஆம் தேதிக்குள் 30 பஸ்கள் லக்னோவில் இருந்து பிரயாக்ராஜ்க்கு அனுப்பி வைக்கப்படும்.
இந்த மின்சார பஸ்கள் பல வழித்தடங்களில் பக்தர்களுக்கு போக்குவரத்து வசதியை வழங்கி, அவர்களின் பயணத்தை எளிதாக்கும். ஜனவரி 13இல் இருந்து பிப்ரவரி 26 வரை பிரயாக்ராஜில் நடக்கிற மகா கும்பமேளாவுக்கு கோடிக்கணக்கான மக்கள் வருவரா்கள் என்று எதிர்பார்க்கப்படுகிறது. இந்த மின்சார பஸ்கள் அவர்களின் போக்குவரத்துக்கு வசதிக்கு முக்கிய பங்கு வகிக்கும்.
மகா கும்பமேளாவுக்கு முன்பே...
உத்தரப் பிரதேச போக்குவரத்து கழகத்தின் ஜிஎம் டெக்னிக்கல் அஜித் குமார் சிங் கூறுகையில், மகா கும்பமேளா ஆரம்பிக்கறதுக்கு முன்னாடி 10ல இருந்து 15 மின்சார பஸ்கள் பிரயாக்ராஜில் ஓட ஆரம்பித்துவிடும். மௌனி அமாவாசை பர்வத்துக்கு முன்பு, 30-40 பஸ்கள் வந்துவிடும். இந்த பஸ்களை ஸ்விட்ச் மொபிலிட்டி நிறுவனம் சப்ளை செய்கிறது. இந்த பஸ்கள் 12 மீட்டர் நீளம் கொண்டவை. ஒரு தடவை சார்ஜ் செய்தால் 200 கிலோமீட்டருக்கு மேல் பயணிக்கக்கூடியவை" என்றார்.
போக்குவரத்து கழகத்துக்குக் கிடைக்கும் புதிய மின்சாரப் பேருந்துகள் நேரடியாக பிரயாக்ராஜ் ஏரியாவுக்கே அனுப்பி வைக்கப்படும். முன்பு கான்பூரில் பேருந்துகள் சோதனையிடப்படும். மகா கும்பமேளாவை மனதில் கொண்டு இந்தப் பேருந்துகள் பிரயாக்ராஜில் உள்ள டெப்போவிலேயே சோதனையிடப்பட்டு, பதிவு செய்யப்பட்டு ஓடத் தொடங்கிவிடும்.
வழித்தடத் திட்டமும் ரெடி:
பிரயாக்ராஜ் ஏரியா மேனேஜர் எம்.கே. திரிவேதி கூறுகையில், "மின்சார பஸ்களுக்கான வழித்தடத் திட்டம் தயாராக உள்ளது. பிரயாக்ராஜில் பஸ்களை சார்ஜ் பண்றதுக்கு நேரு பூங்கா, பேலா கச்சார், அந்தாவா உள்பட 4 இடங்களில் ஏற்பாடு செய்யப்பட்டுள்ளது. கும்பமேளா நிர்வாகமும் போலீஸும் சேர்ந்து இந்தப் பேருந்து வழித்தடங்களை முடிவு செய்துள்ளனர். பயணிகள் அதிகமாக வரும் நாள்களில் 6 வழித்தடங்களில் இந்தப் பேருந்துகள் இயக்கப்படும். சாதாரண நாட்களில் 11 வழித்தடங்களில் ஓடும்" என்றார்.
டபுள் டெக்கர் பேருந்துகள்:
இந்த மின்சாரப் பேருந்து சேவையின் இரண்டாம் கட்டத்தில் டபுள் டெக்கர் பஸ்களையும் இயக்க போக்குவரத்துத் துறை திட்டமிட்டுள்ளது. இரண்டாம் கட்டத்தில் 120 மின்சார பஸ்கள் பயன்பாட்டுக்கு வரும் என்று எதிர்பார்க்கப்படுகிறது. இதில் 20 பஸ்கள் டபுள் டெக்கர் பஸ்களாக இருக்கும். 100 பஸ்கள் 9 மீட்டர், 12 மீட்டர் அளவுள்ளவையாக இருக்கும். ஸ்விட்ச் மொபிலிட்டி 20 டபுள் டெக்கர் பஸ்களை சப்ளை செய்யும். மற்ற பேருந்துகளை பினாக்கிள் மொபிலிட்டி வழங்கும் எனத் தகவல் வெளியாகியுள்ளது. ஆனால் இவை கும்பமேளாவுக்குள் பயன்பாட்டுக்கு வர சாத்தியம் இல்லை.
சேனலை கிளிக் செய்து பின்தொடரவும்
