வங்கி வேலை எதுவும் இருந்தா சீக்கிரம் முடிங்க மக்களே..! மார்ச் 27 முதல் 7 நாட்கள் லீவ் வருது
வரும் 27ம் தேதி முதல் ஏப்ரல் 4ம் தேதி வரையிலான 9 நாட்களில் 7 நாட்கள் வங்கிகளுக்கு விடுமுறை வருகிறது.
பொதுத்துறை வங்கிகளை தனியார்மயமாக்க எதிர்ப்பு தெரிவித்து வங்கி ஊழியர்கள் போராட்டம் நடத்தியதால் அண்மையில் 4 நாட்கள் தொடர்ச்சியாக வங்கிகள் செயல்படாததால் மக்கள் கடும் அவதிப்பட்டனர்.
இந்நிலையில், வரும் 27ம் தேதியிலிருந்து ஏப்ரல் 4ம் தேதி வரையிலான 9 நாட்களில் எதார்த்தமாகவே 7 நாட்கள் விடுமுறை அமைந்துள்ளது.
மார்ச் 27 – நான்காவது சனிக்கிழமை விடுமுறை
மார்ச் 28 – ஞாயிற்றுக்கிழமை
மார்ச் 29 – ஹோலி பண்டிகை விடுமுறை
மார்ச் 31 – நிதி ஆண்டின் கடைசி நாள் விடுமுறை
ஏப்ரல் 1 – வங்கிக் கணக்கு முடிப்பு விடுமுறை
ஏப்ரல் 2 – புனித வெள்ளி விடுமுறை
ஏப்ரல் 4 – ஞாயிற்றுக் கிழமை விடுமுறை
மார்ச் 27 முதல் ஏப்ரல் 4 வரையிலான 9 நாட்களில் மார்ச் 30 மற்றும் ஏப்ரல் 3 ஆகிய 2 நாட்கள் மட்டுமே வேலை நாட்கள். எனவே வங்கிகளில் வேலை எதுவும் இருந்தால் வாடிக்கையாளர்கள் விரைவில் முடித்துக்கொள்வது நல்லது.