அட இப்படி ஒரு ஐடியா இல்லாம போச்சே! இனி விளம்பரங்களே இல்லாமல் Youtube பார்க்கலாம்!!

யூடியூப் பிரீமியம் சந்தா செலுத்தாமலேயே யூடியூப் வீடியோக்களில் வரும் விளம்பரங்களை கட்டுப்படுத்துவதற்கான சில அசத்தலான வழிகளை இங்கு பார்க்கலாம். 

உலகின் மிகவும் பிரபலமான வீடியோ ஸ்ட்ரீமிங் தளங்களில் நம்பர் ஒன் இடத்தில் இருப்பது யூடியூப். இதற்கு முன்பாக யூடியூப்பில் வீடியோக்களைப் பார்க்கும் போது பெரிய அளவில் விளம்பரங்களே வராது. அதன்பிறகு, 2 நொடி விளம்பரங்கள், 5 நொடி விளம்பரங்கள் என வரத்தொடங்கின. அந்த வரிசையில் தற்போது சராசரியாக 20 நொடி விளம்பரங்கள், அதுவும் தவிர்க்கவே முடியாதபடி வந்தவண்ணம் உள்ளன. விளம்பரங்கள் காட்டப்படுவதைத் நிறுத்த வேண்டும் என்றால், காசு கொடுக்க வேண்டிய சூழல் உருவாகிவிட்டது. 

அதிலும் கொடுமை, சில சமயங்களில் 10 நொடி விளம்பரங்களை பார்க்க வேண்டுமென்றால், 25 நொடிக்கு விளம்பரங்களை பார்க்க வேண்டிய அவதி பலருக்கும் ஏற்பட்டிருக்கும். 

இப்படியான விளம்பரத் தொல்லையில் இருந்து மீண்டு, சுதந்திரமாக வீடியோக்களை பார்ப்பதற்கென சில மூன்றாம் தரப்பு அம்சங்கள் உள்ளன. யூ டியூபை உங்கள் ஸ்மார்ட்போன் செயலியாக பயன்படுத்தாமல், பிரவுசரில் திறந்து பயன்படுத்த வேண்டும். 'Adblock for YouTube' என்ற Chrome நீட்டிப்பின் உதவியுடன், நீங்கள் யூ டியூப் விளம்பரங்களை இலவசமாகத் தடுக்க முடியும்.

Facebook : ஃபேஸ்புக்கில் இனி இந்த வசதி கிடையாதாம்! மெட்டா அதிரடி

இந்த நீட்டிப்பை Chrome மற்றும் Edge பிரவுசர்களில் பயன்படுத்தலாம். குரோம் நீட்டிப்பை விரும்பாதவர்களுக்கு இன்னொரு ஒரு வழியும் உள்ளது. கூகுள் ப்ளே ஸ்டோரில் இருந்து “Free Adblocker Browser: Adblock & Private Browser" என்ற மூன்றாம் தரப்பு செயலியை நீங்கள் பதிவிறக்கம் செய்ய வேண்டும். இந்த பயன்பாட்டின் மூலம், நீங்கள் யூ டியூப் வீடியோக்களில் இருந்து விளம்பரங்களை மிக எளிதாகத் தடுக்கலாம், விளம்பரமில்லா வீடியோவை அனுபவிக்கலாம். 

மூன்றாம் தரப்பு செயலியை ஸ்மார்ட்போனில் இன்ஸ்டால் செய்யும் போது, அத்தகைய செயலியின் நம்பிக்கைத்தன்மை, பாதுகாப்பை உறுதி செய்ய வேண்டும். குறிப்பாக உங்கள் தனிப்பட்ட விவரங்களை திருடும் செயலியாக இல்லாத வகையில் கவனமாக இருக்க வேண்டும்.

வாட்ஸ்அப் கால்களுக்கு இனி கட்டணம்? வாடிக்கையாளர்கள் கவலை