Tomato Price : திடீரென பாதியாக குறைந்த தக்காளி விலை.! கோயம்பேட்டில் ஒரு கிலோ இவ்வளவு தானா.?

சென்னை கோயம்பேடு காய்கறி சந்தையில் கடந்து சில நாட்களாக காய்கறிகள் வரத்து குறைந்தது உள்ளதால் விற்பனை விலையானது உயர்ந்திருந்தது. இந்த நிலையில் காய்கறிகள் வரத்து மீண்டும் அதிகரித்துள்ளதையடுத்து  தக்காளி, பீட்ரூட், உருளைக்கிழங்கு உள்ளிட்ட காய்கறிகளின் விலை குறைய தொடங்கியுள்ளது

தக்காளி விலை குறைந்தது

தமிழகத்தின் மிகப்பெரிய காய்கறி சந்தையான கோயம்பேட்டிற்கு அண்டை மாநிலங்கள் மற்றும் பல்வேறு மாவட்டங்களில் இருந்து காய்கறிகள் விற்பனைக்கு கொண்டு வருகிறது. கடந்த சில நாட்களாக தொடர்ந்து இருந்து பெய்து வந்த மழையின் காரணமாக காய்கறி விளைச்சல் பாதிக்கப்பட்டது. இதனையடுத்து வரத்து குறைந்ததால் விலை உயர்ந்திருந்தது. 

தற்போது மீண்டும் காய்கறிகளின் வரத்து அதிகரித்துள்ளதால் விலை குறைய தொடங்கியுள்ளது.  கடந்த வாரம் வரை ஒரு கிலோ தக்காளி 65 ரூபாய் முதல் 80 ரூபாய் வரை விற்பனை செய்யப்பட்டு வந்தது . இந்த நிலையில் தக்காளி விலையானது குறைந்துள்ளது.  அந்த வகையில் ஒரு கிலோ தக்காளி 30 ரூபாய்க்கு முதல் 45 ரூபாய் வரை விற்பனை செய்யப்படுகிறது. 

வெங்காயத்தின் விலை என்ன.?

பெரிய வெங்காயம் ஒரு கிலோ 35 ரூபாய்க்கும், சின்ன வெங்காயம் ஒரு கிலோ 60 ரூபாய்க்கும்,  பீட்ரூட் ஒரு கிலோ 30 ரூபாய்க்கும், பச்சை மிளகாய் ஒரு கிலோ 50 ரூபாய்க்கும், உருளைக்கிழங்கு ஒரு கிலோ 40 ரூபாய்க்கும், நெல்லிக்காய் ஒரு கிலோ 80 ரூபாய்க்கும், வாழைப்பூ ஒரு கிலோ 20 ரூபாய்க்கும், குடை மிளகாய் ஒரு கிலோ 50 ரூபாய்க்கும் விற்பனையாகிறது.

கேரட் விலை என்ன தெரியுமா.?

சுரைக்காய் ஒரு கிலோ 30 ரூபாய்க்கும், அவரைக்காய் ஒரு கிலோ 80 ரூபாய்க்கும், முட்டைக்கோஸ் ஒரு கிலோ 20 ரூபாய்க்கும், கேரட் ஒரு கிலோ 70 ரூபாய்க்கும், காலிபிளவர் ஒரு கிலோ 25 ரூபாய்க்கும், முருங்கைக்காய் ஒரு கிலோ 50 ரூபாய்க்கும், கத்திரிக்காய் ஒரு கிலோ 60 ரூபாய்க்கும், கொத்தவரை ஒரு கிலோ 50 ரூபாய்க்கு விற்பனை செய்யப்படுகிறது.

வெண்டைக்காய் விலை.?

பீன்ஸ் ஒரு கிலோ 70 ரூபாய்க்கும், இஞ்சி ஒரு கிலோ 130 ரூபாய்க்கும், மாங்காய் ஒரு கிலோ 65 ரூபாய்க்கும், வெண்டைக்காய் ஒரு கிலோ 40 ரூபாய்க்கும், முள்ளங்கி ஒரு கிலோ 30 ரூபாய்க்கும், பீர்க்கங்காய் ஒரு கிலோ 45 ரூபாய்க்கும், புடலங்காய் ஒரு கிலோ 40 ரூபாய்க்கும் சென்னை கோயம்பேடு காய்கறி சந்தையில் விற்பனையாகிறது