காலாண்டு தேர்வுக்கு இத்தனை நாட்கள் விடுமுறையா? குஷியில் துள்ளிக் குதித்து கொண்டாடும் பள்ளி மாணவர்கள்!

தமிழக பள்ளிகளுக்கு 2025-26 கல்வியாண்டின் காலாண்டு மற்றும் அரையாண்டு தேர்வு விடுமுறை நாட்கள் அறிவிக்கப்பட்டுள்ளன. செப்டம்பர் 27 முதல் அக்டோபர் 7 வரை காலாண்டு விடுமுறையும், டிசம்பர் 24 முதல் ஜனவரி 4 வரை அரையாண்டு விடுமுறையும் வழங்கப்படும்.

Image Credit : our own

பள்ளி மாணவர்கள்

பள்ளி விடுமுறை என்றாலே அளவில்லா சந்தோஷம் தான். அதவும் தொடர் விடுமுறை என்றால் சொல்லவா வேண்டும். இந்நிலையில் தமிழகம் முழுவதும் தொடக்க பள்ளி, நடுநிலைப்பள்ளி, உயர்நிலைப் பள்ளி, மேல்நிலைப் பள்ளிகளுக்கு ஆண்டு பொதுத் தேர்வுகள் நடந்து முடிந்து கோடை விடுமுறை அறிவிக்கப்பட்டது. பின்னர் ஜூன் 2ம் தேதி பள்ளிகள் திறக்கப்பட்டு வகுப்பு நடைபெற்று வருகிறது. இந்நிலையில் 2025-26க்கான கால அட்டவணையை பள்ளிக்கல்வித்துறை சமீபத்தில் வெளியிட்டிருந்தது. அதில் மொத்த 210 நாட்கள் பள்ளி வேலை நாட்களாகவும், அனைத்து சனி மற்றும் ஞாயிற்றுக்கிழமை விடுமுறை என்ற சூப்பர் அறிவிப்பை வெளியிட்டிருந்தது.

Image Credit : Google

பள்ளி மாணவர்கள் விடுமுறை

அதுமட்டுமல்லாமல் எந்தெந்த மாதத்தில் எத்தனை நாட்கள் விடுமுறை மற்றும் காலாண்டு, அரையாண்டு எப்போது எத்தனை நாட்கள் பள்ளி மாணவர்களுக்கு விடுமுறை என்பதை அமைச்சர் அன்பில் மகஷே் வெளியிட்டிருந்தார்.

Image Credit : our own

காலாண்டு தேர்வு

அதில், காலாண்டு தேர்வு 1 முதல் 12 வகுப்பு வரை உள்ள மாணவர்களுக்கு செப்டம்பர் 18ம் தொடங்கி 26ம் தேதி வரை நடைபெறுகிறது. செப்டம்பர் 27ம் தேதி முதல் அக்டோபர் 7ம் தேதி விடுமுறை கிடைக்கிறது. அதாவது காலாண்டு விடுமுறை மொத்தம் 11 நாட்கள் கிடைக்கிறது. இந்த 11 நாட்கள் விடுமுறையில் ஆயுத பூஜை, விஜய தசமி மற்றும் காந்தி ஜெயந்தி உள்ளிட்ட விடுமுறைகள் அடங்கும்.

Image Credit : our own

அரையாண்டு தேர்வு

அதேபோல் அரையாண்டு தேர்வு டிசம்பர் 15ம் தேதி தொடங்கி டிசம்பர் 23ம் தேதி வரை நடைபெறுகிறது. 24ம் தேதி முதல் ஜனவரி 4ம் தேதி வரை அரையாண்டு விடுமுறை அளிக்கப்படுகிறது. மொத்தம் 12 நாட்கள் அரையாண்டுத் தேர்வு விடுமுறை வருகிறது. இதில், கிறிஸ்துமஸ், ஆங்கில புத்தாண்டு வருகிறது. காலாண்டு தேர்வுக்கு 11 நாட்களும், அரையாண்டு தேர்வுக்கு 12 நாட்களும் விடுமுறை கிடைக்க உள்ளது குறிப்பிடத்தக்கது.