ஏறிய வேகத்தில் சரசரவென சரிந்த காய்கறிகளின் விலை.! ஒரு கிலோ தக்காளி, வெங்காயம் இவ்வளவு தானா.?
சமையலுக்கு இன்றியமையாத தக்காளி மற்றும் வெங்காயத்தின் விலை சமீப காலங்களில் உச்சத்தை தொட்ட நிலையில், தற்போது விலை சரிந்துள்ளது. இதனால் இல்லத்தரசிகள் மகிழ்ச்சியடைந்துள்ளனர். கூடை கூடையாக தக்காளி, வெங்காயத்தை வாங்கிச் செல்கின்றனர்.
Followஏறிய வேகத்தில் சரசரவென சரிந்த காய்கறிகளின் விலை.! ஒரு கிலோ தக்காளி, வெங்காயம் இவ்வளவு தானா.?
காய்கறிகள் விலை என்ன.?
சமையலும் காய்கறிகளையும் பிரிக்க முடியாத ஒன்று, அந்த வகையில் காய்கறிகள் தான் சமையலில் ருசியையும், மனத்தையும் கொடுக்கிறது. அதிலும் முக்கியமானது தக்காளி மற்றும் வெங்காயம், இந்த இரண்டும் இல்லையென்றால் சமையல் செய்வது சாத்தியம் இல்லாத காரியம், ரசம் வைப்பது முதல் பிரியாணி சமைப்பது வரை தக்காளி வெங்காயத்தின் தேவை அதிகளவில் உள்ளது. எனவே மற்ற காய்கறிகளின் விலை உயர்ந்தால் கூட கவலைப்படாத இல்லத்தரசிகள் தக்காளி மற்றும் வெங்காயத்தின் விலை உயர்ந்தால் திக்குமுக்காடி போவார்கள்.
tomato onion
ஏறி இறங்கும் தக்காளி வெங்காயம் விலை
அந்த வகையில் கடந்த சில மாதங்களாக எப்போதும் இல்லாத வகையில் தக்காளி மற்றும் வெங்காயத்தின் விலையானது உச்சத்தை தொட்டது. ஒரு கிலோ 100 முதல் 150 ரூபாய் வரை போட்டி போட்டு உயர்ந்தது. இதனால் மாத பட்ஜெட்டில் பெரிய அளவில் பற்றாக்குறை ஏற்படும் நிலை ஏற்பட்டது. இதனையடுத்து கிலோ கணக்கில் வாங்கி சென்ற மக்கள் அரை கிலோ ஒரு கிலோ என்ற அளவில் வாங்கும் நிலை உருவானது. இதனையடுத்து தக்காளி, வெங்காயத்தின் விலை எப்போது குறையும் என மக்கள் காத்து இருந்தனர். அதற்கு ஏற்றார் போல காரிப் பருவ காய்கறிகளின் வரத்து அதிகரித்ததால் தக்காளி, வெங்காயம் விலை சரிய தொடங்கியது.
tomato price today
காரிப் பருவ காய்கறிகள் வரத்து அதிகரிப்பு
இதனால் சந்தோஷத்தில் துள்ளி குதித்த இல்லத்தரசிகள் தக்காளி, வெங்காயத்தை கூடை, கூடையாக வாங்கி சென்றனர். அதன் படி ஒரு கிலோ தக்காளி 10 முதல் 15 ரூபாய்க்கும், பெரிய வெங்காயம் ஒரு கிலோ 30 முதல் 40ரூபாய்க்கும் விற்பனையாகிறது. மேலும் கடந்த வாரம் பொங்கல் பண்டிகை தினத்தில் உச்சத்தை தொட்ட பச்சை காய்கறிகளின் விலையும் சரிந்துள்ளது. கடந்த வாரம் வரை ஒரு கிலோ 80 முதல் 100 ரூபாய்க்கு விற்பனையான காய்கறிகள் தற்போது ஒரு கிலோ 25 முதல் 35 ரூபாய்க்கு விற்பனையாகிறது.
vegetable price
கோயம்பேட்டில் காய்கறி விலை என்ன.?
அதன் படி சென்னை கோயம்பேடு காய்கறி சந்தையில் பச்சை காய்கறிகளின் விலை குறைந்துள்ளது. பெரிய வெங்காயம் ஒரு கிலோ 20 முதல் 35 ரூபாய்க்கும், சின்ன வெங்காயம் ஒரு கிலோ 50 முதல் 80 ரூபாய்க்கும், தக்காளி ஒரு கிலோ 15 முதல் 20 ரூபாய்க்கும், பச்சை மிளகாய் ஒரு கிலோ 35 ரூபாய்க்கும், பீட்ரூட் ஒரு கிலோ 20 ரூபாய்க்கும், உருளைக்கிழங்கு ஒரு கிலோ 30 ரூபாய்க்கும், குடைமிளகாய் ஒரு கிலோ 25 ரூபாய்க்கும் விற்பனை செய்யப்படுகிறது.
koyambedu vegetable price
பச்சை காய்கறி விலை என்ன.?
பாகற்காய் ஒரு கிலோ 40 ரூபாய்க்கும், சுரைக்காய் ஒரு கிலோ 30 ரூபாய்க்கும், பீன்ஸ் ஒரு கிலோ 60 ரூபாய்க்கும், அவரைக்காய் ஒரு கிலோ 35 ரூபாய்க்கும், முட்டைக்கோஸ் ஒரு கிலோ 10 ரூபாய்க்கும், கேரட் ஒரு கிலோ 30 ரூபாய்க்கும், காலிபிளவர் ஒன்று 15 ரூபாய்க்கும், கொத்தவரை ஒரு கிலோ 50 ரூபாய்க்கும், வெள்ளரிக்காய் ஒரு கிலோ 25 ரூபாய்க்கும், முருங்கைக்காய் ஒரு கிலோ 80 ரூபாய்க்கும், கத்திரிக்காய் ஒரு கிலோ 20 ரூபாய்க்கும் விற்பனையாகிறது.
Vegetable price today
சரிந்தது காய்கறி விலை
பீன்ஸ் ஒரு கிலோ 30 ரூபாய்க்கும், இஞ்சி ஒரு கிலோ 50 ரூபாய்க்கும், வெண்டைக்காய் ஒரு கிலோ 50 ரூபாய்க்கும், பூசணி ஒரு கிலோ 20 ரூபாய்க்கும், முள்ளங்கி ஒரு கிலோ 10 ரூபாய்க்கும், பீர்க்கங்காய் ஒரு கிலோ 40 ரூபாய்க்கும், புடலங்காய் ஒரு கிலோ 25 ரூபாய்க்கும் சென்னை கோயம்பேடு காய்கறி சந்தையில் விற்பனை செய்யப்பட்டு வருகிறது
சேனலை கிளிக் செய்து பின்தொடரவும்
