தமிழ்நாட்டில் இந்த 18 மாவட்டங்களில் மழை பிச்சு உதறப்போகுது! லிஸ்ட்ல உங்க மாவட்டம் இருக்கா பாருங்க!

தமிழகத்தில் பிப்ரவரி மாதத்தில் கோடை வெயிலை மிஞ்சும் அளவுக்கு வெயில் வாட்டி வதைத்து வந்த நிலையில் கடந்த சில நாட்களாக டெல்டா உள்ளிட்ட மாவட்டங்களில் கனமழை பெய்து வருகிறது. 

தஞ்சாவூர், தென்காசி, நாகப்பட்டினம் உள்ளிட்ட மாவட்டங்களில் மழை பெய்து வரும் நிலையில் அடுத்த 3 மணிநேரத்தில் தமிழகத்தில் 18 மாவட்டங்களில் கனமழை எச்சரிக்கை விடுக்கப்பட்டுள்ளது. 

Tamilnadu Weather Update

வடகிழக்கு பருவமழை நிறைவு பெற்றதை அடுத்து தமிழகத்தில் கோடை வெயிலை மிஞ்சும் அளவுக்கு பிப்ரவரி மாதத்திலேயே வெயில் கடுமையாக வாட்டி வதைத்து வந்தது. இதனால் பொதுமக்கள் பகல் நேரங்களில் வெளியில் செல்வதை தவிர்த்து வந்தனர். அதே நேரத்தில் இரவு நேரங்களில் பனிபொழிவும் அதிகமாக இருந்து வருகிறது. இந்நிலையில் தமிழகத்தில் 9 மாவட்டங்களில் கனமழை பெய்யும் என வானிலை மையம் எச்சரித்திருந்தது. அதன்படி தஞ்சாவூர் மாவட்டம் ஒரத்தநாடு, பட்டுக்கோட்டை, பாப்பாநாடு,  நாகப்பட்டினம் மாவட்டம் சித்தாய்மூர், கச்சநகரம், பாங்கல், கொளப்பாடு உள்ளிட்ட பல்வேறு பகுதிகளில் பரவலாக மழை பெய்தது. 

Tamilnadu Rain

இந்நிலையில் எந்தெந்த மாவட்டங்களில் மழை பெய்யப்போகிறது என்ற தகவல் சென்னை வானிலை மையம் அறிக்கை வெளியிட்டுள்ளது.  அதில், கிழக்கு திசை காற்றின் வேகமாறுபாடு காரணமாக இன்று தென்தமிழகத்தில் அநேக இடங்களிலும், வடதமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும். கன்னியாகுமரி, திருநெல்வேலி, தென்காசி, தூத்துக்குடி, விருதுநகர் மற்றும் ராமநாதபுரம் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

Rain update

நாளை தென்தமிழகத்தில் ஒருசில இடங்களிலும், வடதமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். 03ம் தேதி தென்தமிழகத்தில் ஓரிரு இடங்களில் லேசானது முதல் மிதமான மழை பெய்யக்கூடும். வடதமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும். அதேபோல் 04 மற்றும் 06ம் தேதி வரை தமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும் என வானிலை மையம் தெரிவித்துள்ளது. 

Chennai Weather Update

சென்னை மற்றும் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 33 டிகிரி செல்சியஸை ஒட்டியும், குறைந்தபட்ச வெப்பநிலை 24 -25 டிகிரி செல்சியஸை ஒட்டியும் இருக்கக்கூடும் என தெரிவித்திருந்தது. 

Tamilnadu Rain Alert

இதனிடையே அடுத்த 3 மணிநேரத்தில் அதாவது காலை 10 மணிவரை தமிழ்நாட்டில் 18 மாவட்டங்களில் மழைக்கு வாய்ப்புள்ளது. நாகப்பட்டினம், திருவாரூர், தஞ்சாவூர், ராமநாதபுரம், புதுக்கோட்டை, மயிலாடுதுறை, சிவகங்கை, தேனி, திண்டுக்கல், மதுரை, விருதுநகர், தென்காசி, திருநெல்வேலி, கன்னியாகுமரி, தூத்துக்குடி, கடலூர், கள்ளக்குறிச்சி, விழுப்புரம் மற்றும் புதுச்சேரி, காரைக்கால் பகுதிகளில் மழைக்கு வாய்ப்புள்ளது.