இது சரிப்படாதுங்க... ராமதாஸ் அணியை விரட்டிய எடப்பாடி..? இப்படியொரு சிக்கலா..?
ராமதாஸ் தரப்பை கூட்டணியில் இணைத்தால் அன்புமணி தரப்பை சமாதானப்படுத்த வேண்டிய நிலை வரும்.
அல்லாடும் ராமதாஸ் அணி
தமிழக அரசியலில் பாமக கட்சியில் பிளவு ஏற்பட்டுள்ளது. அன்புமணி ராமதாஸ் தலைமையிலான பிரிவு ஜனவரியில் அதிமுக தலைமையிலான தேசிய ஜனநாயகக் கூட்டணியில் இணைந்தது. ஆனால் டாக்டர் ராமதாஸ் தரப்பு தனி அணியாக உள்ளது. அவர் தனது மகன் அன்புமணியுடனான மோதல் காரணமாக 'அய்யா பாமக' பெயரில் கட்சி தொடங்க தொடங்க உள்ளதாக கூறப்படுகிறது. அவரது தரப்பு அதிமுக கூட்டணியை நிராகரித்து வந்தது.
ராமதாஸ் தரப்பு திமுக கூட்டணியில் பேச்சுவார்த்தை நடத்தியது. ஆனால், விடுதலைச் சிறுத்தைகள் கட்சி எதிர்ப்பால் அது நிறைவேறவில்லை. தமிழக வெற்றிக் கழகம் உள்ளிட்ட பிற வாய்ப்புகளை ஆராய்ந்து வருகிறார். சமீபத்தில் விரைவில் நல்ல செய்தி வரும் என்று அவர் கூறி இருந்தார். தேர்தல் நெருங்கும் நிலையில் இதில் மாற்றங்கள் வரலாம் எனக் கூறப்பட்டது.
இபிஎஸ் -அருள் சந்திப்பு
இந்நிலையில், ராமதாஸ் தரப்பு பாமகவும், அதிமுக கூட்டணியில் இணைய இருப்பதாக தகவல்கள் வெளியாகின. டாக்டர் ராமதாஸ் தரப்பு எம்.எல்.ஏ.வான அருள், நேற்று எதிர்க்கட்சித் தலைவர் எடப்பாடி பழனிசாமியை அவரது இல்லத்தில் சந்தித்துப் பேசினார். இதனால் விரைவில் டாக்டர் ராமதாஸ் தரப்பு பா.ம.க.வும், அ.தி.மு.க. கூட்டணியில் இணையும் என்று எதிர்பார்க்கப்பட்டது. மதுரையில் பிரதமர் மோடி தலைமையில் நடக்கும் கூட்ட மேடையில் அய்யா டாக்டர் ராமதாஸ் இருப்பாரா? என்ற எதிர்பார்ப்பும் எழுந்தது.
ராமதாஸ் தரப்பை ஏற்க இபிஎஸ் மறுப்பு?
இந்நிலையில், அதிமுக கூட்டணியில் ராமதாஸ் பாமக தரப்பை ஏற்க இபிஎஸ் மறுத்துவிட்டதாக தகவல் வெளியாகி உள்ளது. ராமதாஸ் ஆதரவு எம்.எல்.ஏ., அருள் தன்னை சந்தித்த போதும் கூட்டணி குறித்து பேச இபிஎஸ் மறுப்பு தெரிவித்துள்ளார். அன்புமணி தரப்பு ஏற்கனவே கூட்டணியில் இணைந்து விட்டதால் இபிஎஸ் தரப்பு மறுப்பதாக கூறப்படுகிறது. ராமதாஸ் தரப்பை கூட்டணியில் இணைத்தால் அன்புமணி தரப்பை சமாதானப்படுத்த வேண்டிய நிலை வரும். அன்புமணி தரப்பு ஒருவேளை சமாதானம் அடைந்தாலும், தொகுதி பங்கீட்டில் குழப்பம் ஏற்படும்’’ எனத் தெரிவித்துள்ளார் எடப்பாடி பழனிசாமி என்கிறார்கள்.
