Today Rasipalan 7th May 2023: நிலுவையில் இருந்த சொத்து பிரச்னை உங்களுக்கு சாதகமாக முடியும்..!

மே 7ம் தேதியான இன்றைய தினத்திற்கான 12 ராசிக்காரர்களுக்கான ராசி பலனை பார்ப்ப்போம்.  

மேஷம்:

கிரக அமைப்புகள் உங்களுக்கு சாதகமாக இருப்பதால் வெற்றி உங்களை தேடிவரும். நேரத்தை வீணடிக்காமல் முழுமையாக பயன்படுத்துங்கள். சகோதரர்களுடனான உறவு பாதிக்கும். எனவே கவனமாக இருக்கவும். 

ரிஷபம்:

புதிய வாகனம் வாங்க திட்டமிடுவீர்கள். கடன் கொடுத்த பணம் திரும்ப கிடைப்பதன் மூலம் பொருளாதார பிரச்னை தீரும். நண்பர்களுடன் நேரத்தை வீணடித்தால் முக்கியமான வேலையை செய்து முடிக்க முடியாமல் போகும். 

மிதுனம்:

உங்களது செண்டிமெண்ட்டை மற்றவர்கள் தவறாக பயன்படுத்தக்கூடும். அதனால் யாரையும் எளிதில் நம்ப வேண்டாம். தொழிலில் வெளிப்படைத்தன்மை அவசியம். கணவன் - மனைவி இடையே இனிமையான உறவு இருக்கும்.

கடகம்:

எந்த முக்கியமான வேலையையும் தொடங்குவதற்கு முன், அதுதொடர்பான திட்டங்களை மறுபரிசீலனை செய்யவும். உங்கள் திட்டங்களை தொழிலில் விரைந்து செயல்படுத்துங்கள். கணவன் - மனைவி இடையேயான பிரச்னைகள் தீரும்.

சிம்மம்:

வீட்டு பராமரிப்பு வேலை தொடர்பாக திட்டமிடுவீர்கள். பட்ஜெட்டை மனதில்வைத்து செயல்படவும். சகோதரர்கள் அல்லது உறவினர்களுடன் சொத்து பிரச்னை ஏற்படும். தொழிலில் அதிக கவனம் செலுத்துவீர்கள்.

கன்னி:

நிலுவையில் இருந்துவந்த சொத்து பிரச்னை உங்களுக்கு சாதகமாக முடியும். எந்த செயலையும் மிகுந்த கவனத்துடன் செய்யவும். கவனக்குறைவால் பண விஷயத்தில் தவறும் இழப்பும் ஏற்பட வாய்ப்புள்ளது. உங்கள் திட்டங்களை யாரிடமும் சொல்ல வேண்டாம். 

துலாம்:

இன்றைய தினம் எந்த வேலையையும் தொடங்குவதற்கு முன் உங்கள் உள்ளுணர்வை ஒன்றுக்கு இரண்டு முறை கேட்டுக்கொள்ளுங்கள். வீட்டு பெரியவர்களின் அறிவுரைகளை உதாசினப்படுத்த வேண்டாம். அவர்களது ஆசிர்வாதம் முக்கியம். 

விருச்சிகம்:

ஆன்மீக ஈடுபாடு அதிகரிக்கும். சமூகத்தில் உங்கள் மதிப்பு உயரும். வாகனம் வாங்கும் திட்டமிருந்தால் கைவிடுங்கள். தேவையில்லாத செலவுகளை தவிர்க்கவும். தொழிலில் கடின உழைப்பு அவசியம்.

தனுசு:

ஆன்மீக ஈடுபாடு மன அமைதி அளிக்கும். சொத்து, வாகனம் வாங்கும் திட்டமிருந்தால் அதுகுறித்து சீரியஸாக யோசிக்கவும். சிறிய தவறு பெரிய விளைவுகளை ஏற்படுத்தக்கூடும். அனுபவஸ்தர்களின் ஆலோசனையை கேட்டு செயல்படுவது ஆதாயம் அளிக்கும். 

மகரம்:

மாணவர்களின் கடின உழைப்புக்கேற்ற நல்ல ரிசல்ட் கிடைக்கும். தொழிலில் சில பிரச்னைகள் ஏற்படலாம். வாழ்க்கைத்துணையின் ஒத்துழைப்பும் ஆதரவும் உங்களது நம்பிக்கையை அதிகரிக்கும். 

கும்பம்:

உங்கள் மீதான நன்மதிப்பு உயரும். பொருளாதாரம் கவலையளிக்கும். எதுவாக இருந்தாலும் வீட்டு பெரியவர்களிடம் ஆலோசிக்கவும். புதிய தொழில் தொடங்க ஏற்ற நேரம் இது.

மீனம்:

உங்களுக்கு பிடித்தமானவற்றை செய்வதன் மூலம் மகிழ்ச்சி அடைவீர்கள். இளைஞர்கள் நேர்காணலில் வெற்றி கிடைக்காததால் கவலையில் இருப்பார்கள். தொழில், பணம் சார்ந்த விஷயங்களில் ஆவணங்களை முறையாக பராமரிக்கவும். கணவன் - மனைவி இடையே கருத்து வேறுபாடு ஏற்படும்.