Today Rasipalan 24th Mar 2023: சொத்து வாங்குதல், விற்றல் வெற்றிகரமாக நடக்கும்..! தற்பெருமை மட்டும் வேண்டாம்

மார்ச் 24ம் தேதியான இன்றைய தினத்திற்கான 12 ராசிக்காரர்களுக்கான ராசி பலனை பார்ப்ப்போம்.  

மேஷம்: 

அனுபவஸ்தர்களின் ஆதரவும் வழிகாட்டுதலும் உங்களது குழப்பங்களை தீர்த்து தெளிவை ஏற்படுத்தும். அதனால் மனம் தெளிவடையும். விரும்பத்தகாத சூழல்களில் பொறுமையை கடைபிடிக்கவும். மாணவர்கள் படிப்பில் கவனம் செலுத்தவும். இளைஞர்களுக்கு வேலை வாய்ப்புகள் கிடைக்கும். 

ரிஷபம்:

நீண்டகாலத்திற்கான திட்டமிடுவீர்கள். பொருளாதார பிரச்னை ஏற்படும். அதற்கான தீர்வும் கிடைக்கும். செலவுகளை குறைப்பது நல்லது. இளைஞர்கள் சோம்பேறித்தனத்தை தவிர்க்கவும். மேலதிகாரிகளுடன் வாக்குவாதம் செய்ய வேண்டாம்.

மிதுனம்:

பொருளாதார நிலை மேம்படும். நண்பருடனான ஆலோசனை ஆதாயம் தரும். உங்கள் வேலையில் மட்டும் கவனம் செலுத்துங்கள். தேவையில்லாத விஷயங்களில் தலையிட வேண்டாம். அனுபவஸ்தர்களின் ஆதரவால் ஆதாயம் அடைவீர்கள். 

கடகம்:

குடும்பத்தில் இருந்துவந்த பிரச்னைகள் தீரும். அதனால் குடும்பத்தில் நிம்மதி நிலவும். நீங்களும் மன அமைதி பெறுவீர்கள். அறிமுகமில்லாதவர்களை சீக்கிரம் நம்ப வேண்டாம். உத்யோகத்தில் நிதானமாகவும் பொறுமையாகவும் செயல்படவும். அதீத ஆர்வம் காட்டவேண்டாம். 

சிம்மம்:

உங்கள் செயல்திறன் அதிகரிக்கும். நெருக்கமானவர்களுடனான சந்திப்பு மனநிம்மதி அளிக்கும். பக்குவமாக நடந்துகொள்ளவும். அதீத சுய பெருமையும், உங்களை பற்றி நீங்களே மிக உயர்வாக நினைப்பதும் பாதிப்பை ஏற்படுத்தும். அவசரத்தில் எந்த முடிவும் எடுக்க வேண்டாம். எந்த புதிய வேலையையும் இப்போது தொடங்க வேண்டாம்.

கன்னி:

சொத்து விற்கவோ வாங்கவோ முயற்சி செய்கிறீர்கள் என்றால், இன்று வெற்றிகரமாக முடியும். கோபப்படாமல் பிரச்னைகளை சுமூகமாக முடிக்கவும். மற்றவர்களின் தவறுகளை கோபப்படாமல் சுட்டிக்காட்டவும். ஆரோக்கியத்தில் கவனம் செலுத்தவும்.

துலாம்:

குழந்தைகளிடமிருந்து கிடைக்கும் நற்செய்தி உங்களுக்கு மகிழ்ச்சியளிக்கும். நம்பிக்கை குறைவு ஏற்படும். சோம்பேறித்தனத்தை தவிர்த்து வேலையில் கவனம் செலுத்தவும். யோகா, தியானம் செய்து நல்லது. சக ஊழியர்களிடம் நல்லுறவை பேணவும்.  தேவையில்லாத வேலைகளில் கவனம் செலுத்தாமல் வேலையில் கவனம் செலுத்துங்கள்.

விருச்சிகம்:

உங்களுக்கு சாதகமான நாள். குறிப்பாக பெண்களுக்கு மிகவும் சாதகமான வெற்றிகரமான தினம். சிறிய விருந்தினர் ஒருவரின் வருகை குடும்பத்தில் ஆனந்தத்தை ஏற்படுத்தும். தேவையில்லாத செலவுகள் அதிகரிப்பால் அமைதியையும் தூக்கத்தையும் இழப்பீர்கள். 

தனுசு:

கடின உழைப்புக்கான பலன் கிடைக்கும். நிலுவையில் இருந்துவந்த பணம் இன்று கிடைக்கும். மற்றவர்களின் தனிப்பட்ட விஷயங்களில் தலையிட வேண்டாம். தவறான புரிதலால் நெருங்கிய உறவினருடன் கருத்து வேறுபாடு ஏற்படலாம். குழந்தைகளின் செயல்பாடுகளை கவனிக்கவும். 

மகரம்:

குழந்தைகள் எதிர்மறை சிந்தனை மற்றும் செயலால் கவலை அடைவார்கள். உங்களது பாசிட்டிவான செயல்களால் குழந்தைகள் தெளிவடைவார்கள். பணிச்சுமை அதிகரிக்கும். குடும்பத்தில் இனிமையான சூழல் நிலவும்.

கும்பம்:

தேங்கிக்கிடந்த வேலைகள் இன்று முடியும். அவசரப்படாமல் எந்த வேலையையும் நிதானமாக செய்யவும். ஸ்பெஷலான ஒரு நபருடனான சந்திப்பு ஆதாயம் தரும். அதீத நம்பிக்கை பிரச்னையை ஏற்படுத்தும். தொழிலுக்காக லோன் வாங்கும் திட்டமிருந்தால் ஒன்றுக்கு இரண்டு முறை யோசிக்கவும்.

மீனம்:

பொருளாதார நிலை சிறப்பாக இருக்கும். அன்பிற்குரியவருடன் செலவழிக்கும் நேரம் மகிழ்ச்சியளிக்கும். குழந்தைகளை வெளிநாட்டிற்கு அனுப்பும் பணிகளை தொடங்குவீர்கள். சில போட்டியாளர்கள் உங்கள் மீது ஆதிக்கம் செலுத்த நினைப்பார்கள். ஆனால் கவலைப்பட வேண்டாம். அது உங்களை எந்த விதத்திலும் பாதிக்காது.