தீபாவளிக்கு கார், பைக் கண்ட நேரத்துல வாங்காதீங்க... இந்த நேரத்துல வாங்குங்க.. செழிப்பு தான்!!

Diwali 2024 : இந்த ஆண்டு தீபாவளி பண்டிகை அன்று கார், பைக் வாங்க நல்ல நேரம் என்ன என்பதை பற்றி இங்கு பார்க்கலாம்.

Diwali 2024 Shopping In Tamil

தீபாவளி என்றால் ஒரே கொண்டாட்டம் தான். ஆம், தீபாவளி பண்டிகை அனைவரும் எதிர்பார்க்கும் பண்டிகைகளில் ஒன்றாகும். அதுவும் குறிப்பாக குழந்தைகள் இந்நாளுக்காக தான் காத்துக் கொண்டிருப்பார்கள். ஏனெனில், தீபாவளி அன்று அதிகாலையிலேயே எழுந்து, புத்தம் புது ஆடைகளை உடுத்தி, பட்டாசுகளை கொழுத்திக் கொண்டாடி மகிழ்வார்கள்.  இதுதவிர இந்நாளில் வீட்டில் செய்யப்படும் பண்டம் பலகாரங்களை உண்டும், பிறருக்கும் கொடுத்து பண்டிகையை சிறப்பாக கொண்டாடுவார்கள்.

பொதுவாக தீபாவளி பண்டிகை நாட்களில் புது புது பொருட்களை பெரும்பாலானோர் வாங்குவது வழக்கமாக கொண்டுள்ளனர். அதிலும் குறிப்பாக  சிலர் கார் அல்லது பைக் என புது வாகனங்களை வாங்குவார்கள். காரணம் இந்த தீபாவளி பண்டிகை நாட்களில் வழங்கப்படும் சிறப்பு சலுகைகள் தான். ஆம், தீபாவளி பண்டிகை காலங்களில் வழங்கப்படும் இந்த சலுகையானது வாகனம் வாங்க விரும்புவோரை கவர்ந்திழுக்கும்.
இன்னும் சிலரோ வீடு, தங்க நகைகள், நிலம் போன்றவற்றை வாங்குவார்கள். 

எவ்வளவுதான் அவர்கள் வாங்கினாலும் ஒவ்வொரு செயலையும் செய்வதற்கு முன் ஜோதிடத்தை தான் பின்பற்றுவார்கள். அந்த வகையில் இந்த ஆண்டு வரும் தீபாவளி பண்டிகை அன்று நீங்கள் புதிய கார் அல்லது பைக் வாங்க போகிறீர்கள் என்றால் அவற்றை வாங்குவதற்கான உகந்த நேரம் என்ன என்பதை தெரிந்து கொண்டு வாங்கினால், லட்சுமி தேவியின் ஆசீர்வாதத்தை பெறுவீர்கள் மற்றும் வீட்டில் நீண்ட காலம் செழிப்பு ஏற்படும் என்பது நம்பிக்கை. எனவே இந்த ஆண்டு தீபாவளி பண்டிகை என்று கார், பைக் வாங்க நல்ல நேரம் என்ன என்பதை பற்றி இங்கு பார்க்கலாம்.

தீபாவளி 2024 எப்போது?

உண்மையில் இந்த 2024 ஆம் ஆண்டு தீபாவளி பண்டிகை குறித்த தேதி பல குழப்பங்கள் உள்ளது. ஏனெனில் கார்த்திகை அமாவாசை ஆனது அக்டோபர் 31ஆம் தேதி அன்று மதியம் 3:52 மணிக்கு தொடங்கி, மறுநாள் அதாவது நவம்பர் 1ஆம் தேதி மாலை 6:16 மணிக்கு முடிகிறது. இத்தகைய சூழ்நிலையில் இந்த இரண்டு நாட்களிலும் லட்சுமி தேவியை வழிபடுவதற்கு நல்ல காலமாகும். இருப்பினும் பெரும்பாலான இடங்களில் தீபாவளி பண்டிகையானது அக்டோபர் 31ம் தேதி அன்று தான் கொண்டாடப்படும். மேலும் ஷாப்பிங் செய்வதற்கு இந்த இரண்டு நாட்களுமே சிறந்தது.

தீபாவளி 2024 அன்று கார் பைக் வாங்க உகந்த நேரம்:

அக்டோபர் 31ஆம் தேதி அன்று தீபாவளி ஷாப்பிங்கிற்கான நல்ல நேரமானது மாலை 4:13 மணிக்கு தொடங்கி 8:51 மணிக்கு முடிவடையும்.

அதுபோல நவம்பர் 1ஆம் தேதி தீபாவளி ஷாப்பிங் செய்ய நல்ல நேரம் காலை 6:33 முதல் காலை 10:42 வரையும், மாலை 4:13 முதல் 5:36 வரையும் உள்ளது. 

இதையும் படிங்க:  ஒண்ணா ரெண்டா... எல்லாமே கம்மி விலையில்! தெறிக்க விடும் ஒன்பிளஸ் தீபாவளி ஆஃபர்!

தீபாவளி அன்று ஷாப்பிங்கின் முக்கியத்துவம்: 

தீபாவளி நாளில் விநாயகர் பெருமானையும், லட்சுமி தேவியையும் வழிபடுவதுடன் செல்வத்தின் கடவுளான குபேரரை வழிபடுவது சிறப்பான பலன்களை தருவதாக சொல்லப்படுகிறது. எனவே தீபாவளி பண்டிகை நாட்களில் புதிய பொருட்களை வாங்குவது பன்மடங்கு அதிகரித்து செல்வ செழிப்பை கொண்டு வரும் என்பது ஐதீகம்.

இதையும் படிங்க:  ரயில்களில் இனி கூட்ட நெரிசல் இருக்காது.! தீபாவளி, பூஜை விடுமுறைக்கு வெளியூர் செல்லும் பயணிகளுக்கு குட் நியூஸ்