புதன் வக்கிர பெயர்ச்சி 2023: புதன் வக்ர பெயர்ச்சியால் ராஜவாழ்வு பெறப்போகும் 5 ராசிகள் என்னென்ன!

புதன் வக்கிர பெயர்ச்சி 2023: மிதுனம் மற்றும் கன்னி ராசிகளின் அதிபதியான புதன் பகவான் வரும் ஏப்ரல் 21 ஆம் தேதியன்று மேஷ ராசியில் வக்ர பெயர்ச்சி மேற்கொள்ள இருக்கிறார். இந்த மாற்றத்தால் 5 ராசிகார்களுக்கு நல்லதொரு மேன்மையும், ஏற்றத்தையும் பெறுவார்கள்.

ஜோதிடத்தில் கிரக பெயர்ச்சியானது இயல்பாக நடக்கும் ஒரு நிகழ்வு தான் எனினும் சில கிரகங்கள் மட்டுமே வக்கிரம் மற்றும் அதிசாரம் ஆகியவற்றை மேற்கொள்ளும். அந்த வகையில் மிதுனம் மற்றும் கன்னி ராசிகளின் அதிபதியான புதன் பகவான் ஏப்ரல் 21ம் தேதி அன்று மேஷ ராசியிலேயே வக்ர பெயர்ச்சி மேற் கொள்ள உள்ளார்.

இந்த நிகழ்வினால் சில ராசியினருக்கு தாங்கள் செய்யும் தொழில் அல்லது வியாபாரம், வேலை, நிதி நிலையில் நல்ல முன்னேற்றம் தருவதாக அமையும். அந்த வகையில் நிகழவிருக்கும் இந்த புதன் வக்கிர பெயர்ச்சியால் எந்தெந்த ராசியினர் யோக பலன்களை பெறுவார்கள் என்று இந்த பதிவில் காணலாம்.

மேஷம் :

மேஷ ராசியில் சூரியனோடு புதன் சேர்க்கையால் புதாத்திய யோகம் ஏற்படுவதால் வாழ்வில் சில சாதகமான மாற்றம் முன்னேற்றமான பலன்கள் உங்களை தேடி வரும் . நீங்கள் செய்யும் தொழில் மற்றும் வியாபாரத்தில் அதிக லாபம் கிடைக்கும். வேலை செய்பவர்களுக்கு புதிய வாய்ப்புகள் தேடி வரும்.

தவிர உத்தியோகம் செய்பவர்கள் சிறந்த சலுகைகளைப் பெறுவீர்கள். குடும்ப பொறுப்புகள் அதிகரிப்பதால் வீண் செலவுகளைத் தவிர்த்தல் மேன்மையை கொடுக்கும். காதல் செய்பவர்களுக்கு சிலசிக்கல்களை எதிர்கொள்ள வேண்டி வரும்.

மிதுனம்:

மிதுன ராசி அதிபதியான புதன் வக்ர பெயர்ச்சி அடைவதால் இந்த காலத்தில் உங்கள் வாழ்வில் சந்தித்த அனைத்து தடைகளும் நீங்கும் . மேலும் தடைகளை தகர்த்தெறிந்து வெற்றி பெறுவீர்கள். உங்களது அயராத உழைப்பிற்கு அங்கீகாரம் கிடைக்கும்.

பணியில் இருக்கக்கூடியவர்கள் உயர் அதிகாரிகளுடனான உறவில் புரிதல் ஏற்பட்டு பாராட்டு பெறுவீர்கள். வியாபாரம் செய்பவர்களுக்கு புதிய ஒப்பந்தங்கள் கிடைக்கப் பெறுவீர்கள். இல்லற வாழ்க்கையில் முன்பை விட செலவு அதிகரிக்க செய்யும். சொந்த வீடு, வாகனம் ஆகியவை வாங்க சாதகமான காலமாக அமையும். உடல் நலத்தில் ஆரோக்கியம் மேம்படும்.

சிம்மம்:

சிம்மத்திற்கு 10 ஆம் வீட்டில் நடைபெறவுள்ள புதன் வக்கிர பெயர்ச்சியால் சிம்ம ராசியினருக்கு சாதகமான சூழல் ஏற்பட வாய்ப்புகள் அதிகம் உள்ளது. மேலும் அதிர்ஷ்டம் நிறைந்ததாக அமையும் . சொந்த தொழில் செய்பவர்களுக்கு மகத்தான வெற்றி கிடைக்கும் பணியில் உழல்வார்கள் அனுகூலமான பலன்களை பெறுவீர்கள். சேமிப்பு அதிகரித்து நிதி நிலைமை மேலோங்கும். குடும்ப வாழ்க்கையில் அன்பும், ஆதரவும் நிறைந்து காணப்படும். காதல் செய்பவர்களுக்கு புரிதல் நன்றாக இருக்கும்.

கும்பம்:

கும்ப ராசிக்கு 3ம் வீட்டில் நடைபெறவுள்ள புதன் வக்கிர பெயர்ச்சியால் பல விதங்களில் அனுகூலமான பலன்கள் கிடைக்கும். உங்கள் வாழ்வில் சந்தோஷம் நிறைந்து காணப்படும். சொந்த தொழில்/ வியாபாரம் செய்பவர்களுக்கு நல்ல லாபம் மற்றும் முயற்சிகளில் வெற்றி கிடைக்கும். பணியில் உள்ளவர்களின் மேலதிகாரியின் பாராட்டைப் பெறுவீர்கள்.

மூதாதையர்களின் சொத்துக்களால் ஆதாயம் கிடைக்கப் பெறுவீர்கள். வாழ்க்கை துணையுடன் அன்னியோன்யம் அதிகரிக்கும். குடும்பத்தின் ஆரோக்கியம் சிறப்பாக இருக்கும்.

மீனம் :

நிகழவுள்ள புதன் வக்கிர பெயர்ச்சியால் மீன ராசிக்கு பல்வேறு விதங்களில் நன்மை தரக்கூடிய காலமாக அமையும். தொழில் செய்பவர்களின் வாழக்கையில் வெற்றிகள் குவியும். அயராது உழைத்த உழைப்பிற்கு சாதகமான பலன் கிடைக்கப் பெறுவீர்கள். அதோடு நற்பெயரும் கிடைக்கப் பெறுவீர்கள். பதவி உயர்வுக்கான சாதகமான வாய்ப்புகள் உள்ளன. புதிய வேலை வாய்ப்புகள் உங்களை தேடி வரும் .பொருளாதாரத்தில் மேன்மை கிடைக்கும்.

ஆரோக்கியம் சிறப்பாக இருக்கும். செலவுகள் அதிகரிக்க வாய்ப்புகள் இருப்பதால் அளவுடன் நிதானமாக செலவு செய்யுங்கள்.

Vastu Tips: மறந்தும் மற்றவர்களுக்கு இந்த சமையல் பொருட்களை கடனாக கொடுக்காதீங்க! தவறி கொடுத்தால்?