Vastu Tips : படுக்கையறைல கழிப்பறை இருக்கா? இந்த திசைல வைச்சா கஷ்டம் வந்துடும்
படுக்கையறையில் கழிப்பறை, குளியலறை கட்டும் முன்பு கவனிக்க வேண்டிய விஷயங்களை இங்கு காணலாம்.
பெட்ரூம் பாத்ரூம் வாஸ்து குறிப்புகள்
படுக்கை அறையில் கழிப்பறை அமைப்பது இன்றைய காலகட்டத்தில் சாதாரணமாகி வருகிறது. இது வசதியாகவும் இருக்கிறது. ஆனால் படுக்கையறையில் கழிப்பறை வைப்பது வாஸ்து சாஸ்திரத்தின்படி சரியான விஷயம் அல்ல; இதனால் எதிர்மறை ஆற்றல் கிடைக்கக்கூடும் என சொல்லப்படுகிறது. இந்தப் பதிவில் படுக்கையறையில் கழிப்பறை அமைக்கலாமா? அப்படி அமைத்தால் எந்த திசையில் அமைக்க வேண்டும் என்பது போன்ற தகவல்களை காணலாம்.
திசைகள்
படுக்கை அறைக்குள் குளியலறை, கழிப்பறை கட்டுவதாக இருந்தால் வடமேற்கு அல்லது தென்கிழக்கு மூலையில் வைக்க வேண்டும். மற்ற திசைகளில் வைக்க வேண்டாம். வீட்டின் மேற்கு அல்லது வடமேற்கு பகுதியில் படுக்கையறை வைத்திருந்தால் அங்கு குளியலறை, கழிப்பறை அமைக்கலாம்.
குறிப்பாக, வடகிழக்கு அல்லது தென்மேற்கு மூலைகளில் கழிப்பறை, குளியலறை அமைப்பதை கட்டாயம் தவிர்க்க வேண்டும். கழிப்பறை இருக்கை அல்லது கோப்பையை அமைக்கும் திசையும் முக்கியம். அது வடக்கு அல்லது தெற்கு அச்சில் இருக்க வேண்டும். ஒருபோதும் கிழக்கு அல்லது மேற்கு திசை நோக்கி இருக்கக் கூடாது.
முக்கிய வாஸ்து குறிப்புகள்:
கழிப்பறை அல்லது குளியலறை எதுவாகினும் நல்ல காற்றோட்டம், வெளிச்சம் இருக்குமாறு அமைக்க வேண்டும். வெள்ளை, கிரீம், பழுப்பு ஆகிய வெளிர் நிறங்களில் அமைக்க வேண்டும். கண்ணாடிகள் வைக்கும்போது வடக்கு அல்லது கிழக்கு சுவரில் தான் மாட்ட வேண்டும். படுக்கையறையில் கழிப்பறை வைத்தால் வடமேற்கு அல்லது தென்கிழக்கு மூலைகளில் அமைக்க வேண்டும். கழிப்பறை இருக்கை திசை வடக்கு அல்லது தெற்கு நோக்கி வைக்க வேண்டும். அதற்கான கதவு வடக்கு அல்லது கிழக்கு நோக்கித் திறக்குமாறு வைக்க வேண்டும்.
தவிர்க்கவேண்டியது!
குளியலறையை ஒருபோதும் வீட்டின் மையத்தில் வைக்கக் கூடாது. சமையலறைக்கோ, பூஜை அறைக்கோ அருகில் கழிப்பறை அல்லது குளியலறை கட்டக் கூடாது. குறிப்பாக வடகிழக்கு அல்லது தென்மேற்கு மூலைகளில் அமைக்கவே கூடாது.